Bæjarráð

Lögð fram fundargerð 35. afgreiðslufundar byggingarfulltrúa.

Lögð fram 22. fundargerð skipulagsnefndar.

Lögð fram 14. fundargerð skóla- og fræðslunefndar.

Lögð fram umsókn Búðinga ehf. á grundvelli samkomulags við Húsnæðis- og mannvirkjastofnun og Brákar íbúðafélags hses. um I-lóð í Víkurhverfi. Jafnframt er lögð fram samstarfsyfirlýsing um uppbyggingu leiguhúsnæðis í Stykkishólmi milli Brákar íbúðarfélags hses og Búðinga ehf, ásamt öðrum gögnum tengdri umsókninni framangreindri umsókn til staðfestingar.

Lögð fram lóðarumsókn R101 ehf. um H-lóð í samþykktu deiliskipulagi Víkurhverfis.

Lagðar fram fundargerðir 180. og 181. fundar stjórnar SSV.

Lögð fram fundargerð hluthafafundar Jeratúns frá 13. maí 2024.

Lögð fram fundargerð aðalfundar í einkahlutafélaginu Sjávarorka ehf. frá 30. apríl 2024.

Lögð fram fundargerð 948. fundar stjórnar sambandsins frá 31. maí 2024.

Lögð fram til kynningar skýrsla Náttúrustofu Vesturlands með niðurstöðum úr vettvangsskoðun vegna vegagerðar í landi Jónsness.

Lögð fram fundargerð 113. fundar stjórnar FFS.

Lögð fram fundargerð 222. fundar Breiðafjarðarnefndar.

Byggingarfulltrúi kemur til fundar við bæjarráð til þess að fara yfir fyrirhugaðar framkvæmdir og stöðu verkefna.

Lagt fram að nýju erindi frá Skipavík þar sem óskað er eftir samstarfi um uppbyggingu á einni lóð í Víkurhverfi með það að markmiði að tryggja samfellu í uppbyggingu í sveitarfélaginu og stöðuleika í starfsemi félagsins í ljósi þeirrar óvissu sem fyrir hendi er varðandi úthlutun lóða og tímaramma á afgreiðslu erindis félagsins í ágúst 2023, en samfella í húsnæðisuppbyggingu og samfylgni við íbúafjölgun mikilvæg undirstaða framþróunar í sveitarfélaginu.



Bæjarráð tók á 18. fundi sínum jákvætt í erindi Skipavíkur og tók undir mikilvægi stöðuleika og fyrirsjáanleika öflugra fyrirtækja í sveitarfélaginu, en ótvírætt er að Skipavík er eitt þeirra í sveitarfélaginu líkt og erindi félagsins ber með sér. Bæjarráð fól bæjarstjóra að taka nánara samtal við Skipavík með það að markmiði að mæta þeirra þörfum og sveitarfélagsins og útfæra tillögu til bæjarráðs um samkomulag um uppbyggingu á lóðinni R1 með vísan til fyrirliggjandi gagna.

Formaður þorrablótsnefndar kemur til fundar við bæjarráð til þess að ræða búnaðarkaup.

Lögð fram bréf til bæjarstjórnar Stykkishólms vegna umsókna í Tónlistarskólann á Akureyri frá nemendum með lögheimili í Stykkishólmi.

Embætti Sýslumannsins á Vesturlandi óskar eftir umsögn sveitarfélagsins vegna umsóknar Hafnargötu ehf. um rekstrarleyfi til reksturs gististaðar í flokki II, íbúðir, sem rekinn verður sem Verbúð að Reitarvegi 8 í Stykkishólmi.



Bæjarráð óskaði, á 21. fundi sínum, eftir umsögn skipulagsfulltrúa áður en afstaða er tekin til málsins. Umsögn skipulagsfulltrúa er nú lögð fram.

Embætti sýslumannsins óskar eftir umsögn sveitarfélagsins vegna umsóknar Litla Kúts ehf. um rekstrarleyfi til reksturs gististaðar í flokki II, frístundarheimili sem rekið verður sem Birkilundur 10, Stykkishólmur.

Lagt fram erindi frá vinnuhóp um sameiningarmál á Snæfellsnesi og í Dalabyggð. Erindinu fylgir jafnframt minnisblað um tækifæri og helstu áskoranir fyrir sameiningu þessara sveitarfélaga.

Lagt fram minnisblað forstöðukonu Höfðaborgar um hvaða áhrif sameininging eldhúsa sveitarfélagsins hefði á starfsemi eldhússins í Höfðaborg.

Lögð fram að nýju áskorun til sveitarfélaga vegna yfirlýsingar ríkisstjórnarinnar og Sambands íslenskra sveitarfélaga vegna kjarasamninga 2024. Þá er einnig lagt fram viðbótarerindi frá Sambandinu þar sem áréttað er að samningsumboð Sambandsins nær ekki yfir yfirlýsingu sem þessa og því einungis um áskorun að ræða frá Sambandinu. Bæjarráði samþykkti á 20. fundi sínum þá ályktun að sveitarfélagið myndi leggja sitt að mörkum í samræmi við fyrirliggjandi gögn og vísaði málinu til frekari vinnslu í bæjarráði. Á 23. fundi bæjarstjórnar var afgreiðsla bæjarráðs staðfest.

Lagðar fram til síðari umræðu samþykkt um bílastæðasjóð Stykkishólms ásamt gjaldskrá.

Bæjarstjóri gerir grein fyrir stöðu máls vegna ráðningar fjármála- og skrifstofustjóra.

Lóðarhafar Sundabakka 1a, Snjólfur Björnsson og Björg Gunnarsdóttir, óska eftir afstöðu skipulagsnefndar hvað varðar breytingu á stórum hluta bílskúrs í íbúðarhúsnæði. Umrædd lóð er á ódeiliskipulögðu svæði.



Á 22. fundi sínum leist skipulagsnefnd ágætlega á framlagða ósk um að fá að breyta hluta bílskúrs í íbúð. Nefndin taldi breytinguna samræmast almennri landnotkun, byggðamynstri og þéttleika byggðar í þessum bæjarhluta. Leggi lóðarhafar fram formlega umsókn með tilskildum gögnum s.s. lýsingu á áformunum og grunnteikningu, lagði nefndin til við bæjarstjórn að áformin verði grenndarkynnt í samræmi við 1. mgr. 44. gr. skipulagslaga nr. 123/2010 m.s.br. Bílastæði fyrir íbúðareininguna skulu vera innan lóðar.

Lögð fram umsókn Huldu Hildibrandsdóttur um stöðuleyfi til 31. ágúst nk fyrir smáhýsi á höfninni sem notað verður fyrir miðasölu í bátsferðir. Byggingarfulltrúi óskaði á 35. afgreiðslufundi sínum eftir umsögn frá skipulagsnefnd og hafnarstjórn.



Skipulagsnefnd samþykkti, á 22. fundi sínum, að veita stöðuleyfi til 31. ágúst nk.

Mattías Arnar Þorgrímsson, fyrir hönd Sæferða ehf, sækir um stöðuleyfi fyrir 20 feta gám til að standa á hafnarsvæði við ferjuna Baldur. Gámurinn er snyrtilegur og verður líklega merktur upp. Sæferðir munu nota hann til að geyma hluti sem nú liggja ýmist á bryggjusvæðinu eða þar í kring. Megintigangurinn er að hafa starfssvæði fyrirtækisins við ferjuna snyrtilegt. Byggingarfulltrúi óskaði á 35. afgreiðslufundi sínum eftir umsögn frá skipulagsnefnd og hafnarstjórn



Skipulagsnefnd samþykkti, á 22. fundi sínum, að veita stöðuleyfi til 12 mánaða eða til 1. júní 2025.

Lagt fram til umfjöllunar fyrirspurn HS Veitna/Instavolt Iceland ehf. um að koma fyrir tveimur hraðhleðslustöðvum í Stykkishólmi.



Skipulagsnefnd lagði, á 22. fundi sínum. til að til viðbótar við tillögu HS Orku, verði einnig skoðaðar staðsetningar í nálægð við spennistöðvar t.d. við Súgandiseyjargötu, milli bragga og bakarís og við Skúrinn. Nefndin lagði einnig til að staðsetning orkugjafa fyrir farartæki verði skoðuð frekar í endurskoðun aðalskipulags.

Lögð fram endurnýjuð umsókn Andrésar Þórs Hinrikssonar dags. 03.06.2024 um framkvæmdaleyfi fyrir vegi í landi Úlfarsfells í Álftafirði. Meðfylgjandi er uppdráttur, verklýsing og samþykki Vegagerðarinnar fyrir vegtengingu. Ekki liggur fyrir deiliskipulag. Í lok ágúst 2023 barst skipulagsfulltrúa ábending um vegagerð í landi Úlfarsfells án framkvæmdaleyfis. Skipulagsfulltrúi setti sig tafarlaust í samband við landeiganda og stöðvaði framkvæmdirnar þar til vettvangsskoðun hefði farið fram í samræmi við 53. gr. skipulagslaga nr. 123/2010 og lið f) í 2. gr. viðauka 3 um embættisafgreiðslur skipulagsfulltrúa. Vettvangsskoðun fór fram 8. september 2023 og kom þá í ljós að framkvæmdir við veginn voru langt komnar. Í framhaldi af vettvangsskoðun sótti landeigandi um framkvæmdaleyfi. Skipulagsfulltrúi vísaði málinu til umræðu og afgreiðslu í skipulagsnefnd, sem á 15. fundi sínum þann 15. nóvember 2023 frestaði afgreiðslu málsins þar til formleg umsókn um framkvæmdarleyfi ásamt tilskyldum fylgiskjölum skv. reglugerð um framkvæmdarleyfi 772/20212 hafi borist. Í bókun sinni ítrekaði nefndin jafnframt að landeigendum beri að afla tilskilinna leyfa áður en ráðist yrði í framkvæmdir. Þann 26.02.2024 dró framkvæmdaraðili umsókn sína um framkvæmdaleyfi til baka. Á 20. fundi skipulagsnefndar 13.03.2024 gerði bæjarstjóri grein fyrir samskiptum sínum við framkvæmdaraðila og að verið sé að vinna í að skila umbeðnum gögnum. Hvatti nefndin framkvæmdaraðila til þess að skila inn umbeðnum gögnum í samræmi við skipulagslög nr. 123/2010 og reglugerð um framkvæmdaleyfi nr. 772/2012 og vakti á því athygli að berist ekki umbeðin gögn er sveitarfélaginu heimilt að beita úrræðum í samræmi við 3. mgr. 53. gr. skipulagslaga nr. 123/2010 og 15. gr. reglugerðar um framkvæmdaleyfi nr. 772/2012.



Skipulagsnefnd samþykkti, á 22. fundi sínum, fyrir sitt leyti að veita framkvæmdaleyfi fyrir veginum. Nefndin taldi að framkvæmdin muni ekki hafa grenndaráhrif og lagði áherslu á að vandað verði til verka við frágang hans þannig að hann falli sem best inn í umhverfið. Einnig mælir nefndin með að mótvægisaðgerðum verði beitt t.d. með því að gróðursetja staðbundnar trjátegundir s.s. birki í landi Úlfarsfells í stað þeirra sem brýn nauðsyn er að fjarlægja.

Lögð fram til afgreiðslu vinnslutillaga aðalskipulagsbreytingar vegna athafnasvæða við Kallhamar og Hamraenda.



Skipulagsnefnd samþykkti, á 22. fundi sínum, fyrir sitt leyti að kynna vinnslutillögu fyrir breytingu á Aðalskipulagi Stykkishólms 2002-2022 vegna athafnasvæða við Kallhamar og Hamraenda í samræmi við 2. mgr. 30. gr. skipulagslaga nr. 123/2010.



Lagður fram uppfærður uppdráttur eftir breytingar sem gerðar voru í skipulagsnefnd.

Á 14. fundi skóla- og fræðslunefndar var þjónusta félags- og skólaþjónustu Snæfellinga til umræðu. Sveinn Þór Elínbergsson, forstöðumaður, mætti til fundar og gerði grein fyrir starfseminni. Ekki hefur tekist að ráða skólasálfræðing, en verktakar hafa sinnt hluta starfsins þetta skólaárið. Auglýst verður á ný eftir sálfræðingi. Skóla- og fræðslunefnd lýsti yfir áhyggjum sínum á skorti á þjónustu frá Félags- og skólaþjónustunni við skóla í Sveitarfélaginu Stykkishólmi. Nefndin fagnaði þó væntanlegum breytingum á næsta skólaári, þar sem samstarf barnaverndarþjónustu mun gera félagsráðgjöfum þjónustunnar kleift að sinna skólafélagsráðgjöf í meira mæli. Skóla- og fræðslunefnd taldi brýnt að Félags- og skólaþjónustan bæti upplýsingagjöf til foreldra, barna, skólastjórnenda og starfsfólks skóla um þá þjónustu sem í boði er. Til að mynda með fundi með leik- og grunnskólastjórum í upphafi skólaárs. Forstöðumaður tók vel í að einn félagsráðgjafi sinnti skólaráðgjöf fast í hverju sveitarfélagi.

Lagt fram erindi HEV til sveitarstjórna á Vesturlandi.

Lögð fram umsókn um námvist utan lögheimilissveitarfélags ásamt rökstuðningi. Bæjarráð óskaði, á 21. fundi, eftir umsögn Félags- og skólaþjónusta Snæfellinga og skólastjóra Grunnskóla Stykkishólmi varðandi umsóknina sem nú eru lagðar fram.

Lögð fram gögn vegna skel- og rækjubóta og stöðu þeirra mála sem tengjast tillögum sem settar eru fram í skýrslunni Auðlindin okkar-Sjálfbær sjávarútvegur og eru til meðferðar hjá matvælaráðuneytinu. Á fund bæjarráðs koma fulltrúar þeirra útgerða sem hafa aflaheimildir til veiða á hörpudiski í Breiðafirði til að fylgja málinu eftir.

Lögð fram tilkynning um úthlutun úr framkvæmdasjóði aldraðra. Sótt var um framlag til viðhalds og endurbóta á Höfðaborg. Heilbrigðisráðherra hefur ákveðið að veita tæpar 17. milljónir króna til verkefnisins.