Þjónustur

Glæsileg sundlaugaraðstaða var tekin í notkun árið 1999. Innilaug, 25 metra útilaug með vatnsrennibraut ásamt vaðlaug og heitum pottum.

Tjaldsvæðið í Stykkishólmi er staðsett í bænum og því stutt í alla þjónustu.

Golfvöllurinn í Stykkishólmi heitir Víkurvöllur og er staðsettur við tjaldsvæðið.

Í jaðri bæjarins er Nýræktin sem er skógrækt Hólmara með fjölbreyttum gróðri og fuglalífi.

Súgandisey er órjúfanlegur partur af ásýnd hafnarsvæðisins og er án efa eitt af þekktustu kennileitum Stykkishólms.

Nokkra minnisvarða og listaverk er að finna í bænum.

Hólmgarður er fallegt svæði í miðju Stykkishólmsbæjar sem setur sinn svip á bæinn.

Kirkjan er eitt af kennileitum Stykkishólms og önnur tveggja kirkja í Stykkishólmi í eigu Stykkishólmssafnaðar.

Góð aðstaða er til íþróttaiðkana í Hólminum, hvort sem er innan húss eða utan.

Í Stykkishólmi er alltaf stutt í næsta leikvöll. Þeir stærstu eru leikvellirnir við grunnskólann og leikskólann, þar að auki eru vel búnir leikvellir við Skúlagötu og Lágholt sem henta öllum aldurshópum. Á Garðaflöt er nýjasti völlurinn í leikflóru Stykkishólms sem hentar vel fyrir yngstu börnin.

Oft er vísað til miðbæjar Stykkishólms sem safns gamalla húsa en húsin í bænum gefa Stykkishólmi sérstakt yfirbragð þar sem tekist hefur að varðveita gömlu bæjarmyndina.

Á bókasafninu má m.a. nálgast bækur og tímarit til útláns eða til aflestrar á safninu, fá kaffisopa og aðgang að þráðlausu neti.

Byggðasafn Snæfellinga, sem nefnist Norska húsið, er staðsett í Stykkishólmi og þangað er bæði skemmtilegt og fróðlegt að koma.

Vatnasafnið - Library of Water er rekið í samstarfi við breska listafyrirtækið Artangel og er innsetningarverk bandarísku listakonunnar Roni Horn.

Íþróttamiðstöðin í Stykkishólmi skartar 8 metra háum klifurvegg sem er frábær afþreying. Á veggnum eru margar miserfiðar klifurleiðir og hentar hann því bæði byrjendum og lengra komnum en klifurleiðirnar eru skilgreindar eftir litum á gripunum. Áhugasömum klifrurum er bent á að hægt er að kaupa aðgang að íþróttasalnum og spreyta sig á veggnum.

Stykkishólmshöfn veitir þjónustu við allar stærðir báta og skipa upp að 130 m. lengd. Hafnarstjóri: Jakob Björgvin Jakobsson Hafnarvörður, lóðs-, og vigtarmaður: Kjartan Karvelsson, hs. 438-1657 Verndarfulltrúi: Kjartan Karvelsson hs. 438-1657 Til vara Símon Már Sturluson, hs. 438-1474. 

Hundagarðurinn Stellulundur er ríflega 3500 fermetrar að stærð. Hundaeigendur eru hvattir til að ganga vel um svæðið og hirða upp eftir hundana sína innan svæðis sem utan. Minnt er á taumskyldu utan svæðis og að hundur er ávallt á ábyrgð eiganda síns.