Bæjarráð

Lögð fram 6. fundargerð ungmennaráðs.

Lögð fram 5. fundargerð velferðar- og jafnréttismálanefndar.

Lagður fram úrskurður í máli MRN23110428, áður MRN22110191.

Lögð fram drög að uppfærðum samstarfssamning við ungmennafélagið Snæfell. Bæjarráð tók á 27. fundi sínum jákvætt í fyrirliggjandi samningsdrög og óskar eftir að fulltrúar Snæfells komi til fundar við bæjarráð. Í því sambandi óskar bæjarráð eftir nánari upplýsingum um starfslýsingu og verkefni fyrirhugaðs starfsmanns með áherslu á það hvernig hann muni koma til með að efla uppbyggingu faglegs starf yngriflokka. Æskulýðs- og íþróttanefnd tók samningin til umfjöllunar á 4. fundi sínum. Nefndin tók vel í samninginn og hvatti til þess að hann yrði kláraður sem fyrst. Fulltrúar Snæfells koma til fundar við bæjarráð.

Lagt fram erindi frá Dýralæknamiðstöð Vesturlands þar sem óskað er eftir leyfi fyrir uppsetningu á hestagerði, fyrir hesta í meðhöndlun, við nýja aðstöðu Dýralæknamiðstöðvarinnar.

Lagðar fram tæknilausnir vegna fyrirhugaðar gjaldtöku á salerni á hafnarsvæði.

Lögð fram fundargerð 1. fundar bæjarstjórnar unga fólksins sem fram fór 8. maí 2024.



Á 6. fundi ungmennaráðs lýsti ráðið fyrirhuguðum áætlunum um að halda bæjarstjórnarfund unga fólksins þann 7. maí 2025. Fundurinn yrði með sama hætti og áður og íbúum gefin kostur á að leggja fram hugmyndir að umfjöllunarefni fundar.

Lagðar fram uppfærðar reglur sveitarfélagsins vegna þjónustu Höfðaborgar.

Lögð fram drög að nýjum reglum um stuðningsþjónustu sveitarfélaga frá Félags- og skólaþjónustu Snæfellinga. Til fundar við bæjarráð kemur forstöðumaður FSSF.

Hafnarstjóri gerði, á 7. fundi hafnarstjórnar, grein fyrir framtíðaráform um uppbyggingu hafnamannvirkja í Stykkishólmi. Meðal annars liggur fyrir að stækka þurfi ferjubryggju og laga hafskipsbryggju. Einnig þarf að endurbæta stólpa undir hafskipsbryggju og skipta um stálþil á Skipavíkurbryggju. Þá er lögð fram ályktun 43. hafnasambandsþings um öryggi og aðgengi að höfnum



Hafnarstjórn óskaði eftir fundi með fulltrúum Vegagerðarinnar í tengslum við framtíðaráform um uppbyggingu hafnarmannvirkja í Stykkishólmi, stöðu þeirra og fyrirhugra framkvæmda. Hafnarstjórn lagði jafnframt þunga áherslu á að byggður verði hafnarstígur í samræmi við samþykkta umferðaröryggisáætlun sveitarfélagsins sem bendir á nauðsyn þessara framkvæmda, m.a. til að stýra umferð gangandi vegfarenda og skapa nauðsynlegt umferðaröryggi. Í þessu sambandi vísar Hafnarstjórn jafnframt til fyrirliggjandi ályktunar 43. hafnarsambandsþings um öryggi og aðgengi að höfnum og fyrri ályktana hafnarstjórnar og bæjarstjórnar Stykkishólms vegna þessa.

Málefni Breiðafjarðarferjunnar Baldurs voru tekin til umræðu á 7. fundi hafnarstjórnar.



Hafnarstjórn lagði þunga áherslu á mikilvægi ferjusiglinga um Breiðafjörð og í því sambandi mikilvægi þess að framtíðarlausn í ferjusiglingum um Breiðafjörð, sem felst í því að ríkið hanni og smíði nýja ferju sem hönnuð verður með tilliti til orkuskipta framtíðarinnar og nýst gæti sem varaskip fyrir Herjólf, endurspeglist í fjármálaáætlunum og fimm ára samgönguáætlun. Án samþykktra áforma og heimilda í áætlunum ríkisins, þ.m.t. viðeigandi fjárheimilda, er Vegagerðinni ekki tryggður sá rammi og sú stefnumörkun sem er nauðsynleg er til þess að stofnunin geti hafið undirbúning að hönnun og smíði nýrrar ferju ásamt nauðsynlegum breytingar á hafnarmannvirkjum.

Lagt fram erindi frá ættfræðifélaginu Icelandic Roots. Félagið hefur það að markmiði að heiðra og halda á lofti sögu vesturfara og hjálpa fólki að finna og efla tengsl sín við Ísland. Sunna Furstenau, forsvarsmaður verkefnisins, fundaði á dögunum með fulltrúum sveitarfélagsins og gerði grein fyrir hugmyndum um minnisvarða í Stykkishólmi. Bæjarráð lýsti, á 25. fundi sínum, yfir áhuga sveitarfélagsins að vinna málið áfram með félaginu. Lögð er fram tillaga að staðsetningu á upplýsingaskilti félagsins.



Hafnartjórn gerði, á 7. fundi sínum, fyrir sitt leyti ekki athugasemd við fyrirhugaða staðsetningu.

Lögð fram beiðni um smölun ásamt svari sveitarfélagsins og viðbrögðum við því. Þá er einnig lögð fram kæra vegna aðgerðarleysis sveitarfélagsins Stykkishólms varðandi smölun ágangsfjár.



Bæjarráð staðfesti málsmeðferð og viðbrögð sveitarfélagsins á 24. fundi sínum, og frestaði afgreiðslu málsins þar sem umbeðnar upplýsingar liggja ekki fyrir.



Lögð fram tillaga að svari sveitarfélagsins.

Lögð fram beiðni um smölun ásamt svari sveitarfélagsins og viðbrögðum við því.



Bæjarráð staðfesti málsmeðferð og viðbrögð sveitarfélagsins á 24. fundi sínum, og frestaði afgreiðslu málsins þar sem umbeðnar upplýsingar láu ekki fyrir.



Lögð fram tillaga að svari sveitarfélagsins.

Lögð fram tölvupóstsamskipti þar sem kallað er eftir afstöðu sveitarfélagsins vegna ágangs búfjár.



Bæjarráð staðfesti málsmeðferð og viðbrögð sveitarfélagsins á 24. fundi sínum, og frestar afgreiðslu málsins þar sem umbeðnar upplýsingar láu ekki fyrir.



Lögð fram tillaga að svari sveitarfélagsins.

Lagt fram erindi frá Erlu Friðriksdóttur, fyrir hönd Friðriks Jónssonar, um samþykki á ráðstöfun skv. 6. gr. lóðarleigusamnings ásamt tengdum gögnum.

Tekið er fyrir að nýju erindi frá Erlu Friðriksdóttur varðandi breytingar á lóðinni Áskinn 6. Við grenndarkynningu barst umsögn frá lóðarhöfum Ásklifs 7. Skipulagsnefnd hafnaði, á 11. fundi sínum, umsókn Erlu Friðriksdóttur um breytingu á lóðinni við Áskinn 6 úr þremur íbúðareiningum í fjórar með vísun í framkomnar athugasemdir er varða ósamræmi við byggðarmynstur sbr. 1. mgr. 44. gr. skipulagslaga. Samkvæmt samþykktu lóðarblaði er heimilað að byggja einbýli, parhús eða þriggja eininga raðhús á einni hæð á lóðinni. Þar segir jafnframt að grenndarkynna þurfi hönnun húss á þessari lóð. Hafi lóðarhafi í hyggju að sækja um byggingarleyfi fyrir þriggja eininga raðhúsi þarf að grenndarkynna breytta uppdrætti. Nefndin mælist jafnframt til þess að hönnun húss taki mið af uppbroti í ásýnd sem m.a. er hægt að gera með uppbroti í klæðningu, skyggni eða bíslagi, millivegg utanhúss eða öðru sambærilegu. Bæjarráð vísaði, á 12. fundi sínum, afgreiðslu í bæjarstjórn.



Bæjarstjórn samþykkti að veita bæjarráði umboð til fullnaðarafgreiðslu málsins.



Skipulagsfulltrúi og formaður skipulagsnefndar koma til fundar við bæjarráð og gera grein fyrir málinu.



Bæjarráð samþykkti, á 13. fundi sínum, að fela skipululagsfulltrúa að ræða við lóðarhafa og nærliggjandi lóðarhafa um möguleika svæðisins og vísaði málinu til næsta fundar.



Málið er nú tekið upp að nýju í bæjarráði.

Lagt fram erindi frá lóðarhafa varðandi Imbuvík 4 vegna fyrirliggjandi forsendubrest sökum staðsetningar á háspennustreng sem dregur úr mögulegu byggingarmagni á lóðinni ásamt öðrum þáttum sem að öðru leyti ýtir undir óhagkvæmni við uppbyggingu á lóðinni sjálfri, svo sem dýpt og nálægð við nærliggjandi lóð.



Á 26. fundi sínum sá bæjarráðs sér ekki fært að veita afslætti af gatnagerðagjöldum einstakra lóðarhafa. Bæjarráð samþykkti að lóðin yrði auglýst laus til úthlutunar til 4. nóvember með 30% afslætti af gatnagerðagjöldum, sem miðast við mögulegt byggingarmagn, vegna forsendubrest í tengslum við fyrirliggjandi óhagkvæmni tengt uppbyggingu lóðarinnar. Engar umsóknir bárust á umræddum tíma.



Málið tekur aftur fyrir í bæjarráði.

Þungarokkhátíðin Sátan fór fram í Stykkishólmi dagana 6.-9. júní 2024. Forsvarsmenn Sátunar koma til fundar við safna- og menningarmálanefnd á 5. fundi nefndarinnar. Safna- og menningarmálanefnd þakkaði forsvarsmönnum Sátunnar fyrir fundinn og lýsti yfir vilja nefndarinnar til þess að Sátan verði árlegur viðburður í Stykkishólmi. Safna- og menningarmálanefnd hvatti til þess að leitað verði leiða til þess að ná sanngjarni niðurstöðu milli sveitarfélagsins og forsvarsmanna Sátunnar, m.a. varðandi aðstöðuleigu og að tryggt sé að viðbótarkostnaði sveitarfélagsins vegna hátíðarinnar sé mætt.



Á 27. fundi sínum vísaði bæjarráð málinu til næsta bæjarráðsfundar.

Afmælishátíð danskra daga var haldin í ágúst vegna 30 ára afmælis hátíðarinnar. Mikil ánægja var með hátíðina í ár og umræður um tímasettningu hennar áberandi í samfélaginu. Safna- og menningarmálanefnd teldi, á 5. fundi sínum, vert að skoða færslu á Dönskum dögum fram í ágúst þar sem það reyndist vel á afmælishátíð Danskra daga. Einnig taldi nefndin vert að skoða að halda Norðurljósahátíðina að ári aftur og þá yrði stefnt að Dönskum dögum árið 2026 næst. Safna- og menningarmálanefnd vildi þó ekki útiloka að áhugi sé fyrir því að halda Danska daga á árinu 2025. Safna- og menningarmálanefnd vísaði endanlegri afgreiðslu um afstöðu nefndarinnar í þessu sambandi til frekari vinnslu í nefndinni.



Bæjarráð vísaði á 27. fundi sínum, afgreiðslu safna- og menningarmálanefndar, til næsta fundar.

Lögð fram gögn í tengslum við auglýsingu um starf skipulags- og umhverfisfulltrúa. Bæjarstjóri gerir bæjarráði grein fyrir stöðu málsins.

Lagður fram viðauki 5 við fjárhagsáætlun 2024-2027.

Lagðar fram gjaldskrár sveitarfélagsins fyrir árið 2025, sem taka mið af forsendum fjárhagsáætlunar 2025-2028 sem samþykktar voru á 28. fundi bæjarstjórnar.



Bæjarstjórn samþykkti gjaldskrár fyrir Sveitarfélagið Stykkishólm fyrir 2025 á 29. fundi sínum, og vísaði þeim til frekari umfjöllunar í bæjarráði, umsagnar í fastanefndum og til síðari umræðu í bæjarstjórn.

Fjárhagsáætlun 2025-2028 lögð fram til síðar umræðu í bæjarstjórn.



Bæjarstjórn samþykkti, á 29. fundi sínum, Fjárhagsáætlun Sveitarfélagsins Stykkishólms 2025-2028 og vísaði henni til frekari umfjöllunar í bæjarráði, umsagnar í fastanefndum og til síðari umræðu í bæjarstjórn, ásamt fyrirliggjandi tillögum í aðgerðaráætlun um aukið aðhald í rekstri sveitarfélagsins

Lagður fram lóðarleigusamningur fyrir Imbuvík 2 og 2a.

Lagður fram lóðarleigusamningur fyrir Bauluvík 4.

Lögð fram að nýju umsagnarbeiðni embætti sýslumanns, ásamt tengdum gögnum, vegna umsóknar Litla Kúts ehf. um rekstrarleyfi til reksturs gististaðar í flokki II, frístundarheimili sem rekið verður sem Birkilundur 10, Stykkishólmur. Bæjarráð gerði á 23. fundi sínum ekki athugasemd við rekstrarleyfið að því gefnu að skipulagsfulltrúi veiti því jákvæða umsögn. Skipulagsfulltrúi mælti með að beðið yrði eftir því að aðal- og deiliskipulagsvinna yrði lokið áður en leyfið yrði samþykkt. Lögð fram staðfesting skipulagshönnuða vegna yfirstandandi skipulgsvinnu sem er á lokastigi um að í umfjöllun í fyrirliggjandi aðal-og deiliskipulagi sé ekki skorður settar á slíkan rekstur í frístundahúsum á svæðinu.

Lagðar fram uppfærðar reglur um úthlutun lóða í Stykkishólmi.