Bæjarráð

Lögð fram 4. fundargerð safna- og menningarmálanefndar.

Lögð fram 23. fundargerð skipulagsnefndar.

Lögð fram fundargerð 1. fundar bæjarstjórnar unga fólksins sem fór fram 8. maí 2024. Bæjarstjórn unga fólksins er skipuð ungmennum úr ungmennaráði sem sjá um fundarstjórn og undirbúning fundar. Á fundum bæjarstjórnar unga fólksins kynna fulltrúar unga fólksins áherslumál og bæjarfulltrúar sitja fyrir svörum.



Á fundinum var bæjarstjórn meðal annars hvött til að leggja áherslu á að tryggja félagsmiðstöðinni betra húsnæði fyrir sína starfsemi. Lagar voru fram tillögur að bættri og aukinni götulýsingu og bæjarstjón hvött til að skoða möguleika á tvískiptum sorptunnum á ljósastaura og gefa þannig gangandi vegfarendum kost á að flokka sorp. Þá voru málefni Fjölbrautaskóla Snæfellinga tekin til umræðu og farið yfir niðurstöður úr lýðræðisþingi Grunskólans í Stykkishólmi sem fram fór 15. apríl síðastliðinn. Fulltrúar bæjarstjórnar unga fólksins kölluðu meðal annars eftir aukinni verklegri kennslu í grunnskóla og hvöttu bæjarstjón til að taka mötuneytismál í skólanum til athugunar, með tilliti til gæða máltíða og fyrirkomulags.



Bæjarstjórn tók á 26. fundi sínum jákvætt í fyrirliggjandi tillögur og að þeim verði vísað til frekari úrvinnslu hjá bæjarráði sveitarfélagsins og öðrum viðeigandi fastanefndum.

Lögð fram lóðarumsókn Sigurbjarts Loftssonar um lóðina Hjallatangi 48.

Lagt fram bréf frá Jafnréttisstofu, dagsett 19. júní 2024.

Lagt fram 6 mánaða bráðabirgðauppgjör fyrir janúar - júní 2024.

Auglýsing um starf fjármála- og skrifstofustjóra hjá Sveitarfélaginu Stykkishólmi var birt þann 17. maí sl. á Alfred.is og rann umsóknarfrestur út þann 1. júní sl. Attentus- mannauður og ráðgjöf voru fengin til að aðstoða við ráðningarferlið. Bæjarstjóri Sveitarfélagsins Stykkishólms annaðist ráðningarferlið í umboði bæjarráðs, sbr. verklagsreglur bæjarstjórnar sveitarfélagsins við ráðningu starfsmanna sbr. 2. gr. reglnanna.



Á 23. fundi bæjarráðs samþykkti ráðið að málið verði unnið áfram með Attentus í samræmi við umræður á fundinum og þeim áherslum sem þar komu fram.



Bæjarstjórn samþykkti á 26. fundi sínum að hætta við ráðningu í starf fjármála- og skrifstofustjóra, sem auglýst var laust til umsóknar á www.alfred.is þann 17. maí s.l., þar sem rétt þykir að endurmeta hæfniskröfur og þannig freista þess að stækka hóp umsækjenda um starfið. Samþykkt var að fela bæjarstjóra, í samráði við aðalmenn í bæjarráði, að endurmeta hæfniskröfur áður en starfið er auglýst að nýju laust til umsóknar. Að öðru leyti vísaði bæjarstjórn til fyrirliggjandi áætlunar um ráðningu í starfið.

Sótt er um leyfi til að breyta lóðarmörkum Smiðjustígs 3 til samræmis við meðfylgjandi gögn. Breytingin tengist byggingaleyfisumsókn fyrirhugaðrar breytingar á húsnæði frímúrara við Smiðjustíg 3 og felur í sér breytingu á lóðarmörkum Smiðjustígs 4 og landi sveitarfélagsins við Súgandiseyjargötu. Meðfylgjandi er undirritað samþykki lóðarhafa Smiðjustígs 4 og meðeigenda Smiðjustígs 3.



Skipulagsnefnd samþykkti, á 23. fundi sínum, fyrir sitt leyti breytingu á lóðarmörkum.

Lögð fram umsókn Borgar, frímúrarastúku, um byggingarleyfi til að bæta við stiga og lyftuhúsi við norðurgafl Smiðjustígs 3 þannig að aðgengi að efri hæð hússins standist reglur um algilda hönnun.



Samkvæmt fyrirliggjandi gögnum er um að ræða steinsteypta 75,3 m² viðbyggingu á tveimur hæðum með flötu viðsnúnu steyptu þaki. Stiginn verður steyptur og lyftan verður með hjólastólaaðgengi. Salernisaðstaða verður einnig endurnýjuð. Önnur rými haldast óbreytt.



Þar sem húsið er á ódeiliskipulögðu svæði, vísaði byggingarfulltrúi málinu til skipulagsnefndar sem samþykkti, á 23. fundi sínum, að grenndarkynna byggingaráformin sbr. framlagðar teikningar í samræmi við 1. mgr. 44. gr. skipulagslaga nr. 123/2010 að undangenginni samþykkt bæjarstjórnar á breytingu á lóðarmörkum (sbr. mál 2407005). Grenndarkynna skal fyrir meðeigendum Smiðjustígs 3 og lóðarhöfum Smiðjustígs 4.

Sigurbjartur Loftsson, f.h. Benedikts Benediktssonar lóðarhafa, sækir um uppskiptingu á lóðinni Birkilundi 16 í tvær lóðir.



Í gildi er deiliskipulag frá 1987 sem sýnir lóðina Birkilund 16 án frekari skipulagsskilmála. Birkilundur 16 er skráð 5039 m2 í Fasteignaskrá.



Þar sem unnið er að nýju deiliskipulagi fyrir Birkilund talur skipulagsfulltrúi ekki unnt að skipta lóðinni upp fyrr en nýtt deiliskipulag hefur tekið gildi en vænta má að það verði á haustmánuðum. Samkvæmt vinnslutillögunni er gert ráð fyrir lóðunum Birkilundi 16 (5039 m2) og Birkilundi 16a (5879 m2).

Þann 4. júní óskaði Sigurbjartur eftir frekari lagalegum útskýringum hversvegna ekki sé mögulegt að skipta lóðinni upp, sem hann telji vera í samræmi við deiliskipulag í vinnslu. Sigurbjartur óskaði einnig eftir að málið yrði tekið fyrir á fundi skipulagsnefndar.



Skipulagsnefnd tók málið fyrir á 23. fundi sínum og vakti athygli á því að samkvæmt tillögu að nýju deiliskipulagi fyrir Birkilund, sem nú er í vinnslu, er gert ráð fyrir að lóð nr. 16a í Birkilundi verði stofnuð úr landi Saura.

Í 1. mgr. 37. gr. skipulagslaga nr. 123/2010 segir "Deiliskipulag er skipulagsáætlun fyrir afmarkað svæði eða reit innan sveitarfélags. Í deiliskipulagi eru teknar ákvarðanir um lóðir, lóðanotkun, byggingarreiti, byggðamynstur, þ.m.t. nýtingarhlutfall, útlit mannvirkja og form eftir því sem við á og aðrar skipulagsforsendur sem þurfa að liggja fyrir vegna byggingar- og framkvæmdaleyfa. Stofnun nýrra lóða á deiliskipulagssvæðinu þ.m.t. Birkilunds 16a, verða því ekki samþykktar fyrr en nýtt deiliskipulag hefur tekið gildi með birtingu í B-deild Stjórnartíðinda í samræmi við 1. mgr. 42. gr. laganna.



Nefndin vakti á því athygli að ekki er um að ræða uppskiptingu lóðar nr. 16 í Birkilundi, eins og kemur fram í umsókninni, heldur er um að ræða stofnun nýrrar lóðar úr landi Saura. Nefndin vakti einnig á því athygli að umsókn um stofnun lóðar þarf að vera í samræmi við reglugerð nr. 160/2024 um merki fasteigna. Skipulagsnefnd hafnaði því umsókninni á ofangreindum forsendum.

Lögð er fram samantekt umsagna og athugasemda sem bárust við vinnslutillögu breytingar á Aðalskipulagi Helgafellssveitar 2012-2024 og vinnslutillögu nýs deiliskipulags fyrir íbúðar-, frístunda- og verslunar- og þjónustusvæði í Birkilundi en vinnslutillögurnar voru kynntar dagana 4.-28. júní sl.

Skipulagssvæðið er nú þegar að mestu byggt frístunda- og íbúðarhúsum en með breytingunni verður landnotkun á hluta svæðisins breytt úr frístundabyggð og landbúnaði í verslunar- og þjónustusvæði fyrir útleiguhús (lóðir 21, 21a, 22 22a og 23), svæði fyrir íbúðarbyggð stækkað um 3,8 ha (lóðir 50a, 50b og 44) og landbúnaðarsvæði minnkað sem því nemur. Samhliða tillögu að aðalskipulagsbreytingu er unnið að tillögu að nýju deiliskipulagi fyrir Birkilund.



Skipulagsnefnd samþykkti, á 23. fundi sínum, fyrir sitt leyti að auglýsa breytingu á Aðalskipulagi Helgafellsveitar 2012-2024 í samræmi við 31. gr. skipulagslaga nr. 123/2010 að undangenginni athugun Skipulagsstofnunar í samræmi við 3. mgr. 30. gr.



Nefndin fól skipulagsfulltrúa og formanni skipulagsnefndar að vinna að minniháttar uppfærslum í greinargerðum til þess að koma til móts við athugasemdir sem bárust við vinnslutillöguna og mögulegar athugasemdir Skipulagsstofnunar.

Lögð er fram samantekt umsagna og athugasemda sem bárust við vinnslutillögu breytingar á Aðalskipulagi Helgafellssveitar 2012-2024 og vinnslutillögu nýs deiliskipulags fyrir íbúðarbyggð, frístundabyggð og verslunar- og þjónustusvæði í Birkilundi í landi Saura en vinnslutillögurnar voru kynntar dagana 4.-28. júní sl.



Skipulagssvæðið er nú þegar að mestu byggt frístunda- og íbúðarhúsum. Í gildi er deiliskipulag fyrir Birkilund frá 1987 og er þar gert ráð fyrir 44 lóðum fyrir frístundahús en engir skilmálar fylgja því skipulagi. Árið 2002 var unnin tillaga að deiliskipulagsbreytingu sem fól í sér heildarendurskoðun og fjölgun lóða. Tillagan var auglýst og samþykkt í sveitarstjórn en tók aldrei lögformlega gildi með auglýsingu í B-deild Stjórnartíðinda. Árið 2006 var einnig unnin tillaga að deiliskipulagsbreytingu sem byggði á tillögunni frá 2002. Í þeirri tillögu var frístundabyggðin stækkuð um tæpa 5 hektara, íbúðarlóðum fjölgað um tvær og 11 frístundarlóðum breytt í íbúðarlóðir. Jafnframt voru byggingarreitir skilgreindir og skilmálar uppfærðir. Þó svo að sú tillaga hafi verið notuð til grundvallar veitingu byggingarleyfa í gegnum tíðina öðlaðist hún aldrei lögformlegt gildi.



Markmið nýja deiliskipulagsins er að setja fram skilmála og hnitfesta uppdrátt sem er í samræmi við reglugerðir og lög á grunni þeirra skipulagsáætlana sem unnar hafa verið, en deiliskipulagið byggir þó að mestu leyti á deiliskipulagstillögunni frá 2006.



Innan skipulagssvæðisins eru skilgreindar 40 frístundalóðir, sem flestar hafa verið stofnaðar og byggt á (f.u. Birkilund 16a) og 15 íbúðarlóðir, sem einnig hafa flestar verið stofnaðar byggt á (f.u. Birkilund 35, 40a, 50a og 50b). Í tillögunni er gert ráð fyrir sameiningu lóða 21, 21a, 22, 22a og 23 þar sem gert er ráð fyrir allt að 15 útleiguhúsum. Lóðirnar á skipulagssvæðinu eru á bilinu 3025-27.249 m2 að stærð þó flestar séu um 5000 m2.



Samhliða deiliskipulagsgerðinni er unnið að tillögu að breytingu á Aðalskipulagi Helgafellssveitar 2012-2024 sem tekur til sama svæðis.



Á 23. fundi sínum samþykkti skipulagsnefnd fyrir sitt leyti að auglýsa nýtt deiliskipulag fyrir Birkilund í samræmi við 1. og 2. mgr. 41. gr. laganna. Nefndin fól skipulagsfulltrúa og formanni skipulagsnefndar að vinna að minniháttar uppfærslum í greinargerðum til þess að koma til móts við athugasemdir sem bárust við vinnslutillöguna.

Lögð er fram samantekt umsagna og athugasemda sem bárust við skipulagslýsingu fyrirhugaðrar breytingar á Aðalskipulagi Helgafellssveitar 2012-2024 og nýs deiliskipulags í samræmi við 1. mgr. 30. gr. og 1.-3. mgr. 40. gr. skipulagslaga nr. 123/2010. Skipulagslýsingin var auglýst 5-28. júní 2024.

Jafnframt er lögð fram vinnslutillaga vegna breytingar á aðalskipulagi.



Fyrir 23. fundi sinn hafði skipulagsnefnd farið yfir athugasemdir sem bárust við skipulagslýsinguna.

Nefndin samþykkti að kynna vinnslutillögu breytingar á Aðalskipulagi Helgafellssveitar 2012-2024 í samræmi við 2. mgr. 30. gr. skipulagslaga nr. 123/2010.

Einnig samþykkti nefndin fyrir sitt leyti að auglýsa tillöguna í samræmi við 31. gr. laganna að undangenginni afgreiðslu bæjarstjórnar og yfirferð Skipulagsstofnunar í samræmi við 3. mgr. 30. gr. laganna. Nefndin mælir með því að tillögurnar verði auglýstar samhliða.

Ingvar Víkingsson kom til fundar við safna- og menningarmálanefnda og gerði grein fyrir framtíðarhugmyndum sínum fyrir ljósmyndasafn Stykkishólms.



Safna- og menningarmálanefnd þakkar fyrir áhugavert erindi og tekur undir mikilvægi þess að hugað sé að þeim menningarminjum sem felast í safninu. Þá er mikilvægt að safnið geti tekið við efni til viðbótar við það sem nú liggur fyrir, bæði ljósmyndum og myndböndum.



Á þessum 4. fundi nefndarinnar taldi nefndin rétt að sá hluti fyrirliggjandi erindis sem snýr að framtíð ljósmyndasafnsins yrði skoðaðar samhliða þeim hugmyndum og tillögum sem liggja fyrir í greinargóðri skýrslu sem unnin var árið 2020 um framtíð ljósmyndasafnsins Stykkishólms. Þá hvatti nefndin til umræðu um skýrsluna og framtíð safnsins.



Lögð er fram skýrsla starfshóps um framtíð ljósmyndasafns Stykkishólms.

Þungarokkhátíðin Sátan fór fram í Stykkishólmi dagana 6.-9. júní. Safna- og menningarmálanefnd fangaði því, á 4. fundi sínum, hve vel hatíðin fór fram. Nefndin skilaði þakklæti og hrósi til forsvarsmanna hátíðar fyrir skipulag og gæslu fyrir gott utanumhald.



Safna- og menningarmálanefnd óskaði eftir að fá forsvarsmenn hátíðarinnar á næsta fund og ræða samkomulag við sveitarfélagið um aðstöðuleigu fyrir næsta ár eða eftir atvikum næstu ár.

Lögð fram drög að nýjum samningi um Vatnasafn, en bæjarstjórn skipaði á 24. fundi sínum 24. apríl 2024 vinnuhóp um framtíðaáform Vatnasafns sem hefur það markmiði að vinna að því að ná samkomulagi um framtíð safnsins á grunni meðfylgjandi draga að nýjum samningi. Lögð fram fundargerð 1. fundar vinnuhópsins, ásamt minnisblaði Sigursteins Sigurðssonar, verkefnastjóra menningarmála Vesturlands hjá Samtökum sveitarfélaga á Vesturlandi, dags. 7. maí 2024, um fyrirliggjandi samningsdrög um framtíð Vatnasafnsins. Þá er lagt fram minnisblað bæjarstjóra, sem unnið er að beiðni formanns nefndarinnar, um fund bæjarstjóra og forsætisráðherra vegna málsins, ásamt öðrum minnisblöðum og gögnum tengdu málinu.



Safna- og menningarmálanefnd lýsti, á 4. fundi sínum, yfir vilja og áhuga til þess að ná samningi um framtíð Vatnasafns í Stykkishólmi. Safna og menningarmálanefnd lagði í því sambandi þunga áherslu á mikilvægi þess að sveitarfélagið fái stuðning til uppbyggingar menningarinnviða í samræmi við fyrirliggjandi gögn, enda mun slíkur stuðningur skipta sköpum þegar kemur að því að koma til móts við sveitarfélagið vegna þeirra löngu skuldbindinga sem felast í fyrirliggjandi samningi um Vatnasafn. Safna- og menningarmálanefnd tók að öðru leyti undir minnisblað bæjarstjóra, minnisblað verkefnastjóra menningarmála Vesturlands og fundargerð vinnuhóps um framtíðarform Vatnasafns.

Lögð fram Menningarstefna Sveitarfélagsins Stykkishólms og tekin til umfjöllunar, en markmið menningarstefnunnar er að leggja rækt við og styðja menningarlega vitund íbúa og þar með innviði samfélagsins. Samkvæmt stefnunni skal hún vera tekin til umræðu ár hvert í safna- og menningarmálanefnd þar sem verkefni verði sett fram í aðgerðaráætlun.



Safna- og menningarmálanefnd lagði, á 4. fundi sínum, til að safna- og menningarmálanefnd verði falið að uppfæra menningarstefnuna með tilliti til áhrifa sameiningar sveitarfélagsins og annarra breytinga sem hafa átt sér stað í sveitarfélaginu frá þeim tíma sem hún var samþykkt.



Safna- og menningarmálanefnd vísaði jafnframt aðgerðaráætlun til frekari vinnslu í nefndinni og hvatti nefndarmenn til þess að senda fyrir næsta fund tillögur að aðgerðum sem nefndarmenn sjá fyrir sér að komi til greina í aðgerðaráætlun.

Lagt fram erindi frá Aftanskini, félagi eldri borgara í Stykkishólmi, varðandi framkvæmdir á Höfðaborg.

Lögð fram beiðni um smölun ásamt svari sveitarfélagsins og viðbrögðum við því. Þá er einnig lögð fram kæra vegna aðgerðarleysis sveitarfélagsins Stykkishólms varðandi smölun ágangsfjár.

Lögð fram tölvupóstsamskipti þar sem kallað er eftir afstöðu sveitarfélagsins vegna ágangs búfjár.

Lögð fram beiðni um smölun ásamt svari sveitarfélagsins og viðbrögðum við því.

Lagt fram erindi Þulu ehf. (áður Rjúkanda ehf.) þar sem krafist er bóta vegna uppbyggingar félagsins við Hamraenda 4.

Lögð fram drög að samning um innheimtu bílastæðagjalda fyrir gjaldskyld bílastæði með rafrænni greiðslulausn.

Lögð fram bréf til bæjarstjórnar Stykkishólms vegna umsókna í Tónlistarskólann á Akureyri frá nemendum með lögheimili í Stykkishólmi.



Á 23. fundi sínum vísaði bæjarráð málinu til næsta fundar.

Tekin til umræðu staða skipulags- og umhverfisfulltrúa.

Lögð fram fyrispurn vegna stefnumörkunar sveitarfélagsins við sölu hádegisverði á Höfðaborg. Þá er lagt fram minnisblað forstöðukonu Höfðaborgar, ásamt öðrum gögnum.

Lögð fram umsagnarbeiðni vegna umsóknar Félags atvinnulífs í Stykkishólmi ehf. um tækifærisleyfi vegna dansleiks á Dönskum dögum sem halda á í Íþróttamiðstöð Stykkishólms, Borgarbraut 4, Stykkishólmi 17. ágúst 2024.

Fyrir liggur að kjósa þarf nýjan varamann í atvinnu- og nýsköpunarnefnd.

Lagt fram að nýju bréf frá umhverfis-, orku- og loftslagsráðuneyti og Sambandi íslenskra sveitarfélaga vegna úttektar á starfsemi og framtíðarfyrirkomulagi náttúrustofa.



Bæjarráð fagnaði, á 19. fundi sínum, þeirri vinnu sem farin er að stað og lýsti yfir vilja sveitarfélagsins til þess að taka virkan þátt í fyrirhuguðu samtali um áherslur og framtíðarsýn hvað varðar samvinnu ríkis og sveitarfélaga í starfsemi náttúrustofa.

Tekin til umræðu í bæjarráði tillögur forseta bæjarstjórnar að heiðrun íbúa í Stykkishólmi.

Lagt fram erindi forstöðukonu Höfðaborgar vegna hugmynda um samfélagslegt samstarfsverkefni við Snæfell.

Lagður fram viðauki 2 við fjárhagsáætlun 2024-2027.

Lagt til, í samræmi við viðauka 2 við fjárhagsáætlun sveitarfélagsins, að sveitarfélagið óski eftir 150 mkr. lántöku hjá Lánasjóði sveitarfélaga.

Lagt er til að skipaður verði þriggja manna starfshópur um endurskoðun aðalskipulags sveitarfélagsins.

Lagt fram minnisblað skipulagsfulltrúa vegna stefnu um uppbyggingu íbúðabyggðar í dreifbýli.

Lagður fram uppfærður lóðarleigusamningur fyrir Aðalgötu 15a.

Lagður fram lóðarleigusamningur fyrir Arnarborg 19.

Lagðir fram uppdrættir og önnur gögn vegna skipulagsvinnu við Agustsonreit.

Lagt fram erindi Heimis Laxdal Jóhannssonar um eineltismál og ósk um niðurfellingu skuldar, en í erindinu er m.a. farið er fram á niðurfellingu eða skuldajöfnunar skuldar vegna fasteignagjalda, ásamt viðbrögðum skólastjóra og fyrrum skólastjóra við athugasemdum bréfritara um meint eineltismál.