Fréttasafn

Starfsmenn Þjónustumiðstöðvar hafa nýverið lokið við að setja upp girðingu við Aðalgötu fyrir utan hótel Egilsen. Girðingin var sett upp til að auka öryggi gangandi og hjólandi vegfarenda, þarna var fallhætta og bárust meðal annars athugasemdir vegna þessa í umhverfisgöngu bæjarstjóra sem fram fór síðla sumars á síðasta ári.

Helga Guðjónsdóttir atvinnuráðgjafi SSV býður upp á ráðgjöf í fjarfundi í stað þess að mæta á skrifstofu Stykkishólmsbæjar nk. miðvikudag, 6. apríl

Kæru vinir Núna er okkur stjórnendum efst í huga þakklæti til starfsfólks okkar sem hefur gert okkur kleift að vera með eins óskert skólastarf og raun ber vitni.

Stykkishólmsbær hefur ákveðið að leikskólinn verði lokaður í dymbilviku 6., 7. og 8. apríl. Álagið hefur verið mikið síðustu þrjár vikur og þykir skynsamlegt að lengja þann tíma sem páskafríið varir með það í huga að draga úr smitleiðum í samfélaginu. Samkvæmt neyðarstigi Almannavarna eru í gangi forgangslistar fyrir fólk í framvarðarsveitum. Þeir foreldrar sem telja sig eiga rétt og þurfa að nýta forgangslistana þessa daga hafa verið beðnir um að láta vita. Á fundi Almannavarna í gær, 1. apríl, kom í ljós að samkomubann verður framlengt út apríl, líklega með sömu takmörkunum á skólahaldi og verið hefur. Meðan á því stendur, geta foreldrar áfram tekið börnin sín úr leikskólanum og fengið gjöldin niðurfelld á móti. Foreldrar eru því beðnir um að láta vita sem fyrst, ef þeir ætla að nota þennan möguleika. Við þökkum fyrir ákaflega gott samstarf á þessum vikum, óskum öllum gleðilegra páska og hvetjum alla til að fara varlega og halda sig heima við.

Starfsmönnum á gámastöðinni Snoppu er nú óheimilt að handfjatla sorp, er þetta liður í því að sporna við frekari útbreiðslu kórónuveirunnar.

Breyting á deiliskipulagi hesthúsasvæðis við Fákaborg Stykkishólmi. Bæjarstjórn Stykkishólmsbæjar samþykkti þann 26. mars 2020 að auglýsa tillögu að breytingu á deiliskipulagi hesthúsasvæðis við Fákaborg í Stykkishólmi, samkvæmt 1. mgr. 43. gr. skipulagslaga nr. 123/2010.

Allt starfsfólk grunnskólans fékk þennan fallega þakklætisvott frá Stykkishólmsbæ fyrir að standa vaktina á þessum óvenjulegu tímum.

Að gefnu tilefni er vakin athygli á því að reglur um sóttkví gilda líka um þá sem kjósa að dvelja í sumarhúsi á meðan sóttkví stendur

Fyrr í þessum mánuði gerðu Þórdís Kolbrún R. Gylfadóttir, ferðamála-, iðnaðar- og nýsköpunarráðherra, og Guðmundur Ingi Guðbrandsson, umhverfis- og auðlindaráðherra, grein fyrir úthlutun fjármuna til uppbyggingu innviða, náttúruverndar og annarra verkefna á ferðamannastöðum árið 2020.

Í þessari viku mun Stykkishólmsbær í samstarfi við Rauða krossinn á Íslandi (RKÍ) auka þjónustu fyrir aldraða sem þurfa á aðstoð að halda í Stykkishólmi og Helgafellssveit. Þetta er gert í ljósi þeirra aðstæðna sem skapast hafa af völdum COVID-19 og er þjónustan ætluð þeim sem ekki hafa önnur úrræði.