Fréttasafn

Boðið verður upp á hópleit fyrir legháls og brjóstakrabbameinum á heilsugæslustöðinni í Stykkishólmi dagana 16.-18. október 2019. Allar konur sem hafa fengið bréf eru hvattar til að panta sér tíma í síma: 4321200

Næstkomandi þriðjudag, 8. október, verður haldin íbúafundur um fyrirhugaða rannsóknar-, vinnslu- og afurðamiðstöð þangs í Stykkishólmi. Stykkishólmsbær á nú í viðræðum við kanadíska fyrirtækið Acadian Seaplants varðandi frekari framvindu mála, líkt og ráðgjafarnefnd vegna málsins lagði til í skýrslu sinni.

Laugardaginn 5. október n.k. verður landsæfing björgunarsveita Slysavarnafélagsins Landsbjargar haldin í Snæfellsbæ. Svæðisstjórn á svæði 5 og fulltrúar björgunarsveitanna á Snæfellsnesi og í Dölum bera hitann og þungan af undirbúningi og framkvæmd æfingarinnar. Leitað hefur verið eftir aðstoð slysavarnadeildanna á svæðinu, líkt og gerist þegar útköll verða.

Bæjarstjórn Stykkishólmsbæjar samþykkti 18. júní 2019 tillögu að óverulegri breytingu á Aðalskipulagi Stykkishólms 2002-2022 samkvæmt 2. mgr.36.gr. skipulagslaga nr. 123/2010.

Sunnudaginn 6. október munu þær Ingibjörg Fríða Helgadóttir og Ingibjörg Ýr Skarphéðinsdóttir halda tónleika í Stykkishólmskirkju sem ber yfirskriftina konan í speglinum.

Þriðjudagskvöldið 24. september, kl. 20:00, heldur Ingi Bjarni Skúlason Útgáfutónleika í Vatnasafni. Jazz-píanóleikarinn Ingi Bjarni fangar útgáfu plötunnar Tenging sem kom út í lok sumars en honum til stuðnings verður úrval af tónlistarfólki frá Skandinavíu.

Vinabæjarmót hófst í gærkvöldi og stendur yfir nú um helgina í Stykkishólmi. Hingað eru komnir 18 fulltrúar vinabæja Stykkishólms en það eru Kolding í Danmörku, Drammen í Noregi, Örebro í Svíþjóð og Lappeenranta í Finnlandi.

Stykkishólmsbær auglýsir hér með til leigu réttindi til nýtingar sjávargróðurs við Landey við Stykkishólm á svæði sem afmarkað er á meðfylgjandi mynd.

Heilsuefling eldri borgara hóf göngu sína í gær, þriðjudaginn 10. september, á nýjan leik eftir sumarfrí. Átakið fer vel af stað og þátttaka góð, enn er þó pláss fyrir fleiri og ekki of seint að láta til skarar skríða.

Í dag, mánudaginn 9.september, er bókasafnsdagurinn. Í tilefni þess er boðið upp á sérstaka dagskrá á bókasöfnum víðsvegar um landið.