Fréttasafn

Hátíðarhöld í tengslum við sjómannadaginn hefjast snemma í Stykkishólmi. Á laugardagskvöldinu kl. 21:00 í gamla bænum (plássinu) verður söngpartí með sjómannalögum í flutningi heimamanna. Hólmarar eru hvattir til að mæta og taka rausnarlega undir.

Leikhópurinn Lotta sýnir fjölskyldusöngleikinn Bakkabræður mánudaginn 8. júní í Hólmgarðinum í Stykkishólmi kl. 18:00.

Grunnskólinn í Stykkishólmi auglýsir eftir íþróttakennara og dönskukennara.

Óvissa hefur ríkt varðandi hátíðarhöld á þjóðhátíðardaginn vegna COVID-19 og þeirra fjöldatakmarka sem í gildi eru vegna faraldursins. Nú liggur þó fyrir að þjóðhátíðardagurinn, 17. júni, verður haldin hátíðlegur í Stykkishólmi að öllu óbreyttu.

Í sumar verður boðið upp á leikjanámskeiðið fyrir 1.-3. bekk líkt og síðustu ár og ævintýranámskeið fyrir 4.-7. bekk líkt og síðasta sumar. Á námskeiðunum er lögð áhersla á gleði og hreyfingu.

Leikskólinn í Stykkishólmi auglýsir lausar stöður frá og með 10. ágúst 2020 Um er að ræða þrjár 100% stöður leikskólakennara. Gerð er krafa um góða tölvu-og íslenskukunnáttu, færni í samskiptum er nauðsynleg og metnaður fyrir leikskólakennslu. Vakin er athygli á því að ef ekki fást leikskólakennarar til starfa, munu aðrar umsóknir koma til greina. Reynsla af uppeldis-og kennslustörfum með ungum börnum er æskileg. Athugið að starfið hentar bæði körlum og konum.

Samtök sveitarfélaga á Vesturlandi hafa látið útbúa kynningarmyndband til að kynna enn frekar þá ráðgjöf sem samtökin bjóða upp á. Samtökin veita ráðgjöf á sviði atvinnuþróunar, nýsköpunar og menningarmála.

Farandsýninginin ,,Frá mótun til muna" opnar í Norska Húsinu laugardaginn 30. maí, kl. 14:00

Samtök sveitarfélaga á Vesturlandi (SSV) og Markaðsstofa Vesturlands (MV) ætla með stuðningi frá Sóknaráætlun Vesturlands að stuðla að öflugri menningardagskrá á Vesturlandi í sumar. Af því tilefni er kallað eftir skráningu á viðburðum og menningarstarfi sem er á döfinni í landshlutanum og haldnir verða á tímabilinu 1. júní ? 31. ágúst.

Þann 20. maí nk. halda Svæðisgarðurinn og Ferðamálasamtök Snæfellsness vinnusmiðju um ferðasumarið 2020 í fjölbrautaskóla Snæfellinga í Gundarfirði. Vinnusmiðjan stendur frá kl. 13:00 ? 15:00.