Fréttasafn

Stykkishólmsbær hefur sett upp sérstaka upplýsingasíðu á heimasíðu bæjarins vegna COVID-19 (kórónaveirunnar). Á síðunni má finna samantekt tilkynninga Stykkishólmsbæjar í tengslum við COVID-19 veirunnar ásamt Viðbragðsáætlun Stykkishólmsbæjar við heimsfaraldri af völdum COVID-19, sem hefur þegar tekið gild og verið virkjuð. Á upplýsingarsíðunni er jafnframt safnað saman upplýsingum sem snúa að starfsemi sveitarfélaga almennt sem og upplýsingar sem margar hverjar eru aðgengilegar eru á vef Landlæknisembættisins eða Almannavarna.

Vegna neyðarstigs vegna COVID-19 er mikið álag á síma heilsugæslunnar og 1700. Hér má finna góðar síður þar sem er mikið af upplýsingum og fræðslu, í þeirri von að þeir sem eru að leita eftir upplýsingum fái svör hér

Eins og fram kom í grein í síðasta tölublaði Jökuls gefst íbúum nú tækifæri til að láta skoðun sína í ljós hvað varðar skipulag leikvalla í Stykkishólmsbæ. Sett hefur verið upp netkönnun til að kanna vilja fólks í þeim efnum. Þessi könnun er hluti af íbúasamráðsverkefni Stykkishólmsbæjar. Verkefnið snýr að því að fá íbúa til samráðs um skipulag og útfærslu leikvalla/útisvæða í bænum.

Boðaðar hafa verið verkfallsaðgerðir aðildarfélaga BSRB (SDS) og munu aðgerðirnar ná til fjölda starfa hjá Stykkishólmsbæ. Munu verkfallsaðgerðir hafa töluverð áhrif á þjónustu sveitarfélagsins þá daga sem aðgerðir standa yfir. Misjafnt er á milli stofnana sveitarfélagsins hver áhrif verkfallsins verða og í flestum tilvikum er um skerta þjónustu að ræða og/eða styttri opnunartíma. Ákveðnar stofnanir/deildir þurfa þó að loka alveg á meðan verkfallsaðgerðum stendur.

Tekið hefur verið fyrir heimsóknir á Dvarlaheimili aldraðra í Stykkishólmi og í búseturéttaríbúðir (þjónustuíbúðir) við Skólastíg 14, 14a og 16 til að draga úr þeirri hættu að íbúar hjúkrunarheimilisins veikist af Kórónaveirunni (COVID-19). Lokað verður fyrir heimsóknir á meðan neyðarstig Almannavarna er í gildi og mögulega lengur. Ættingjum og vinum er bent á að hafa samband símleiðis sé óskað eftir að komast í samband við íbúa.

Fimmtudaginn 12. mars n.k. verður haldin ráðstefna um sameiningar sveitarfélaga að Laxárbakka í Hvalfjarðarsveit og mun hún standa yfir frá kl.10:00 til 15:00. Eggert Kjartansson, formaður SSV mun opna ráðstefnuna og Sigurður Ingi Jóhannsson, samgöngu- og sveitarstjórnarráðherra Íslands flytur ávarp

Júlíana - hátíð sögu og bóka var sett við formlega opnunarhátíð í Vatnasafninu í gær en hátíðin er nú haldin í áttunda sinn. Venju samkvæmt var efnt til smásagnakeppni fyrir hátíðina og bárust að þessu sinni 47 sögur.

Dvalarheimili aldraðra í Stykkishólmi óskar eftir að ráða starfsfólk til sumarafleysinga. Um er að ræða starf við aðhlynningu, starf sjúkraliða, starf í þvottahúsi og starf í eldhúsi.

Leikskólinn í Stykkishólmi auglýsir lausa stöðu frá 1. apríl 2020. Um er að ræða 100% afleysingarstöðu í eitt ár með möguleika á fastráðningu.

Föstudaginn 21. febrúar buðu nemendur leikskólans þeim konum sem skipa stóran sess í lífi þeirra í vöfflu- og kleinukaffi í tilefni konudagsins. Mjög góð mæting var og má áætla að vel yfir 300 konur (langömmur, ömmur, mæður, systur, frænkur og vinkonur) hafi mætt í leikskólann af þessu tilefni. Sett var upp kaffihús í salnum þar sem borð voru skreytt með blómavösum og blómum sem börnin höfðu útbúið. Inni á deildum voru það möppur barnanna sem vöktu mesta eftirtekt en í þær safna börnin myndverkum sínum og ýmsum verkefnaskráningum sem þau sýndu gestum sínum með stolti og gleði, auk þess sem ýmiskonar efniviður til leikja var uppivið. Við vorum mjög ánægð með daginn og þökkum fyrir frábæra þátttöku í konudagskaffinu.