Fréttasafn

Síðastliðinn föstudag, 29. nóvember opnaði jólasýning safnins 24 dagar til jóla ? Börnin fara að hlakka til.

Opnað hefur verið fyrir umsóknir í lista- og menningarsjóð Stykkishólmsbæjar. Samkvæmt reglum sjóðsins er hlutverk hans meðal annars að styðja og styrkja lista og menningarstarf í Stykkishólmi og hvetja til nýsköpunar á sviði lista og menningar. Styðja við útgáfustarfsemi og viðburði er varðar sögu, menningu og atvinnuhætti bæjarins og að styðja við varðveislu menningarminja.

Boðað er til íbúafundar þriðjudaginn 3. desember um fjárhagsáætlun Stykkishólmsbæjar fyrir tímabilið 2020-2023 þar sem bæjarstjóri mun gera grein fyrir markmiðum fjárhagsáætlunar og helstu áherslum hennar. Íbúafundurinn fer fram í Amtsbókasafninuog hefst kl. 17:30.

Sýningin 24 dagar til jóla - Börnin fara að hlakka til opnar í Norska húsinu - Byggðasafni Snæfellinga og Hnappæla föstudaginn 29. nóvember kl. 17:00

Opið er nú fyrir umsóknir í Uppbyggingarsjóð Vesturlands. Hægt er að kynna sér umsóknarferlið og fá frekari upplýsingar í Ráðhúsinu 4. desember, kl. 10-12.

Starfsmenn Þjónustumiðstöðvar vinna nú í óða önn að því að skreyta bæinn fyrir jólin. Á meðfylgjandi mynd má sjá nafnana Jón Beck og Jón Pál vinna hörðum höndum að því að festa jólaskreytingarnar á ljósastaura bæjarins, með dyggri aðstoð Stefáns Björgvinssonar.

Ákveðið hefur verið að fresta tendrun jólaljósa í Hólmgarðinum til miðvikudags, 4.desember kl. 18:00, en þá er útlit fyrir betra veður.

Karlakór Reykjavíkur mun heimsækja Hólminn og flytja aðventudagskrá sína í Stykkishólmskirkju laugardaginn 30. nóvember kl. 16.00. Einsöngvari á tónleikunum verður Sigrún Pálmadóttir sópransöngkona. Stjórnandi Karlakórs Reykjavíkur er Hólmarinn Friðrik S. Kristinsson sem í ár fagnar 30 ára starfsafmæli með kórnum. Hólmarar og Snæfellingar allir eru boðnir velkomnir á tónleikana, aðgangur ókeypis.

Eflaust hafa einhverjir orðið þess varir að við breytingar á skólalóð er ekki lengur þar að finna ruslagáma undir gler og annað til endurvinnslu, en glerkrukkur má nú losa sig við hjá Ásbyrgi. Starfsfólk Ásbyrgis tekur á móti ýmsum varningi sem þau ýmist flokka til endurvinnlsu eða nýta sjálf.

Dvalarheimili aldraðra Stykkishólmi óskar eftir að ráða sjúkraliða eða sjúkraliðanema við aðhlynningu frá og með 15 janúar 2020. Unnið á tvískiptum vöktum og aðra hvora helgi. Starfshlutfall samkomulag.