Bæjarráð

Lögð fram fundargerð 5. fundar stjórnar Náttúrustofu Vesturlands.

Lögð fram fundargerð 18. fundar skóla- og fræðslunefndar.

Lagt fram til kynningar.

Lögð fram fundargerð 27. fundar skipulagsnefndar.

Lagt fram til kynningar.

Lögð fram lóðarumsókn Maríu Kúld Heimisdóttir um lóð O í Víkurhverfi.

Bæjarráð samþykkir að úthluta Maríu Kúld Heimisdóttur lóð O í Víkurhverfi.

Lagðar fram fundargerðir 960., 961. og 962. fundar stjórnar Sambandsins frá 13. desember 2024, 17. og 22. janúar 2025.

Lagt fram til kynningar.

Lögð fram fundargerð 228. fundar Breiðafjarðarnefndar.

Lagt fram til kynningar.

Lagður fram listi yfir styrki til félagasamtaka vegna fasteignagjalda.

Lagt fram til kynningar.

Lögð fram tillaga að þjóðhátíðarnefnd sem sér um hátíðarhöld í Stykkishólmi 17. júní ásamt skýrslu formanns frá síðasta ári.

Bæjarráð vísar skipun nefndarinnar til næsta bæjarstjórnarfundar.

Lögð fram breytingartillaga á samþykkt um gatnagerðargjald, lóðagjald o.fl. í Sveitarfélaginu Stykkishólmi.



Bæjarráð lagði, á 29. fundi sínum, til við bæjarstjórn að samþykkja fyrirliggjandi tillögu að breytingu á samþykkt um gatnagerðargjald, lóðagjald o.fl. í Sveitarfélaginu Stykkishólmi.



Bæjarstjórn frestaði afgreiðslu málsins á 32. fundi sínum.

Lagt fram erindi Breiðafjarðarnefndar vegna jarðvegsvinnu og mótun söguleiðar við Búðanes.

Lagt fram bréf frá félagi lóðarhafa í Arnarborg varðandi snjómokstur á svæðinu.

Lagt fram annars vegar formlegt og hins vegar óformlegt tilboð í íbúðir við Skúlagötu 9, ásamt öðrum gögnum sem tengjast hinu óformlega tilboði.

Lagðar fram uppfærðar innritunarreglur Leikskólans í Stykkishólmi.



Rætt var um innritunarreglur og viðverustefnu leikskólans á 12. fundi skóla- og fræðslunefndar. Skóla- og fræðslunefnd hvatti Sveitarfélagið Stykkishólm til að setja fram viðverustefnu að fyrirmynd stefnu leikskólans fyrir starfsemi bæjarins í heild sinni. Skóla- og fræðslunefnd samþykkti svo á 18. fundi sínum uppfærðar innritunarreglur Leikskólans í Stykkishólmi.

Bæjarráð staðfestir afgreiðslu skóla- og fræðslunefndar og leggur til við bæjarstjórn að samþykkja uppfærðar innritunarreglur Leikskolans í Stykkishólmi

Lagt fram að nýju erindi Þulu ehf. (áður Rjúkanda ehf.) þar sem krafist er bóta vegna uppbyggingar félagsins við Hamraenda 4.

Bæjarstjóra var falið, á 29. fundi bæjarráðs, að óska eftir að forsvarsmenn félagsins komi til næsta fundar bæjarráðs.

Þungarokkhátíðin Sátan fór fram í Stykkishólmi dagana 6.-9. júní 2024. Forsvarsmenn Sátunar koma til fundar við safna- og menningarmálanefnd á 5. fundi nefndarinnar. Safna- og menningarmálanefnd þakkaði forsvarsmönnum Sátunnar fyrir fundinn og lýsti yfir vilja nefndarinnar til þess að Sátan verði árlegur viðburður í Stykkishólmi. Safna- og menningarmálanefnd hvatti til þess að leitað verði leiða til þess að ná sanngjarni niðurstöðu milli sveitarfélagsins og forsvarsmanna Sátunnar, m.a. varðandi aðstöðuleigu og að tryggt sé að viðbótarkostnaði sveitarfélagsins vegna hátíðarinnar sé mætt.



Bæjarráð vísaði málinu, á 29. fundi sínum, til frekari vinnslu.

Á 29. fundi bæjarráðs var lagt fram erindi frá Félagi atvinnulífs í Stykkishólmi þar sem óskað var eftir áframhaldandi samstarfi við sveitarfélagið.



Bæjarráð samþykkti áframhaldandi samstarf við Félag atvinnulífs og fól bæjarstjóra að gera tillögu að samstarfssamningi til 3ja ára. Lögð eru fram drög að samningi.

Grundarfjarðarbær óskar eftir umsögn Sveitarfélagsins Stykkishólms v/breytingar á aðalskipulagi í tengslum við heildarendurskoðun deiliskipulags, nr. 0233/2024 vegna Ölkeldudals.



Skipulagsnefnd gerði, á 27. fundi sínum, ekki athugasemdir við breytingu á Aðalskipulagi Grundarfjarðar 2019-2039.

Bæjarráð staffestir afgreiðslu Skipulagsnefndar.

Lögð fram skipulagsgögn vegna breytingu á Aðalskipulagi Stykkishóms 2002-2022, vegna stækkunar athafnasvæðis við Hamraenda og grænna iðngarða við Kallhamar.



Skipulagsnefnd óskaði, á 25. fundi sínum, eftir því að skipulagshönnuður og VSÓ ráðgjöf ljúki við gerð skipulagsgagna, þ.m.t. greinargerðar og umhverfisskýrslu, í samræmi við umræður á fundinum. Bæjarráð staðfesti afgreiðslu skipulagsnefndar á 27. fundi sínum. Skipulagshönnuður kom til fundar og gerði grein fyrir fyrirligjandi vinnu skipulagshönnuðar og VSÓ á 26. fundi skipulagsnefndar. Nefndin taldi þær áherslur sem fram komu í þeim gögnum sem lágu fyrir fundinum og þau áform sem kynnt voru fyrir nefndinni í samræmi við áherslur nefndarinnar.



á 27. fundi skipulagsnefndar voru lögð fram uppfærð skipulagsgögn, í samræmi við framangreint. Skipulagsnefnd samþykki að kynna fyrirliggjandi vinnslutillögu að breytingu á aðalskipulagi sveitarfélagsins 2002-2022, sbr. 2. mgr. 30. gr. skipulagslaga, samhliða verði kynntar vinnslutillögur deiliskipulagsáætlana fyrir Kallhamar og Hamraendar sbr. 4. mgr. 40. gr. skipulagslaga.

Lögð fram skipulagsgögn vegna vinnu við ný deiliskipulög fyrir Kallhamar og Hamraenda.



Skipulagsnefnd óskaði, á 25. fundi sínum, eftir því að skipulagshönnuður og VSÓ ráðgjöf ljúki við skipulagsgögn, þ.m.t. greinargerð og umhverfisskýrslu, í samræmi við umræður á fundinum. Bæjarráð staðfesti afgreiðslu skipulagsnefndar á 27. fundi sínum. Skipulagshönnuður kom til fundar og gerði grein fyrir fyrirligjandi vinnu skipulagshönnuðar og VSÓ á 26. fundi skipulagsnefndar. Nefndin taldi þær áherslur sem fram komu í þeim gögnum sem lágu fyrir fundinum og þau áform sem kynnt voru fyrir nefndinni í samræmi við áherslur nefndarinnar.



lögð eru fram uppfærð skipulagsgögn, í samræmi við framangreint. Skipulagsnefnd samþykkti, á 27. fundi sínum, að kynna fyrirliggjandi vinnslutillögur að deiliskipulagi fyrir annars vegar Hamraenda og hins vegar Kallhamar, sbr. 4. mgr. 40. gr. skipulagslaga, samhliða því að kynnt verði vinnslutillaga að breytingu á Aðalskipulagi Stykkishólms 2002-2022 vegna stækkunar athafnarsvæðis við Hamraenda og grænna iðngarða við Kallhamar, sbr. 2. mgr. 30. gr. skipulagslaga

Lögð er fram skýrsla starfshóps um málefni 60 ára og eldri þar sem lagðar voru til hugmyndir um uppbyggingu fyrir eldra fólk á svæði Tónlistarskóla Stykkishólms og framtíðarsýn fyrir uppbyggingu á því svæði sem myndi nýtast eldra fólki í tengslum við miðstöð öldrunarþjónustu við Skólastíg 14 (Höfðaborg). Á 26. fundi skipulagsnefndar óskaði nefndin eftir heimild bæjarráðs til þess að skoða málið áfram með skipulagsfulltrúa. Bæjarráð fól skipulagsnefnd, á 29. fundi sínum, að vinna málið áfram með skipulagsfulltrúa.



Í samræmi við afgreiðslu bæjarráðs óskaði skipulagsfulltrúi eftir því að Magnús Ingi Bæringsson, íþrótta- og tómstundafulltrúi, sem var starfsmaður framangreinds starfshóps um stefnumótun í málefnum eldra fólks, kæmi til fundar við skipulagsnefnd til að gera nefndinni nánari grein fyrir fyrirliggjandi tillögum sem liggja fyrir í skýrslunni og þeim umræðum sem fram fóru um framangreinda framtíðarsýn í uppbyggingu fyrir eldra fólk á svæði Tónlistaskóla Stykkishólms.



Magnús Ingi kynnti verkefnið fyrir skipulagsnefnd á 27. fundi nefndarinnar. Skipulagsnefnd þakkar Magnúsi Inga fyrir kynninguna og fól skipulagsfulltrúa að vinna málið áfram og koma m.a. með hugmyndir að markmiði og vera í samskiptum við aðila sem málið varðar.

Lögð fram gögn vegna framkvæmdaleyfis fyrir akveg frá Berserkjahrauni að Helgafellssveitarvegi.



Á 25. fundi sínum benti skipulagsnefnd á, ef fyrirhugað er að fara í nýja veglagningu og teningu við tengiveginn, að samkvæmt 6. gr. reglugerðar nr. 772/2012, um framkvæmdaleyfi, skal sá sem óskar eftir framkvæmdaleyfi senda skriflega umsókn til sveitarfélagsins ásamt nauðsynlegum gögnum um fyrirhugaða framkvæmd. Í 7. gr. sömu reglugerðar er tiltekið hvaða gögn þurfi að liggja fyrir, þ.m.t. afstöðumynd hnitsett í mælikvarða 1:2.000 - 1:500 eða í öðrum læsilegum mælikvarða sem sýnir fyrirhugaða framkvæmd og afstöðu hennar gagnvart aðliggjandi byggð og að landi, hönnunargögn sem nauðsynleg eru til að framkvæma eftir, lýsingu á framkvæmd og hvernig hún fellur að gildandi skipulagsáætlunum og staðháttum, áliti Skipulagsstofnunar um mat á umhverfisáhrifum eða ákvörðun Skipulagsstofnunar um matsskyldu framkvæmdar ásamt þeim gögnum sem stofnunin byggði niðurstöðu sína á. Á grunni framangreinds óskaði skipulagsnefnd eftir þeim gögnum sem liggja þurfa fyrir samkvæmt 7. gr. reglugerðar um framkvæmdarleyfi og í framhaldinu verði óskað umsagnar Minjastofnunar, Vegagerðarinnar og Umhverfisstofnunar á fyrirhuguðum áformum áður en endanleg afstaða nefndarinnar liggur fyrir.



Bæjarráð staðfesti, á 27. fundi sínum, afgreiðslu skipulagsnefndar og óskaði jafnframt eftir umsögn Skipulagsstofnunar. Bæjarstjórn staðfesti afgreiðslu skipulagsnefndar og bæjarráðs á 30. fundi sínum.



Í samræmi við framangreint er lögð fram umsókn um framkvæmdaleyfi fyrir akveg frá Berserkjahrauni að Helgafellssveitarsvegi (nr. 557), ásamt umsögnum Vegagerðarinnar, Náttúruverndarstofnunar (áður Umhverfisstofnun), Skipulagsstofnunar og Minjastofnunar.



Skipulagsnefnd lagði, á 27. fundi sínum, til við bæjarstjórn að samþykkja framkvæmdaleyfi fyrir akveg frá Berserkjahrauni að Helgafellssveitarvegi (nr. 557), sbr. 4. gr. reglugerðar um framkvæmdaleyfi nr. 772/2012, með þeim tilmælum að allt rask verði afmáð ásamt því að áður ókunnar fornminjar finnast við framkvæmd verksins skal stöðva framkvæmd án tafar og láta Minjastofnun vita, skv. 2. mgr. 24. gr. laga um menningarminjar nr. 80/2012.

Lagður er fram skipulagsuppdráttur sem felur í sér tillögu að breytingu á deiliskipulagi Reitarvegs vegna Reitarvegar 2, en skipulagsnefnd veitti, á 24. fundi sínum, lóðarhafa heimild til að vinna tillögu að deiliskipulagsbreytingu. Þá lagði nefndin einnig áherslu á að viðbygging og nýbygging verði í samræmi við núverandi byggingu hvað varðar hlutföll, gluggasetningu og efnisnotkun.



Skipulagsnefnd samþykkti, á 27. fundi sínum, að grenndarkynna óverulega breytingu á deiliskipulagi Reitarvegs 2, skv. 2 mgr. 43. gr. skipulagslaga nr. 123/2012, sbr. 44. gr. sömu laga, og að tillagan skuli grenndarkynnt fyrir Reitarveg 4, 4a, 6, 6a og 18b.

Afgreiðsla skipulagsnefndar staðfest.

Skipurit sveitarfélagsins tekið til umræðu.

Lagt fram erindi frá Eyja- og Miklaholtshrepp.

Umræða um fjárfestingar með áherslu á uppbyggingu við íþróttamiðstöð og sundlaug.

Lögð fram gögn vegna fyrirhugaðrar lántöku hjá Lánasjóði sveitarfélaga að höfuðstól allt að kr. 150.000.000,- á árinu 2025 í samræmi við samþykkta fjárhagsáætlun sveitarfélagsins 2025.

Bágborið ástand þjóðvega á Snæfellsnesi tekið til umræðu og lagt fram minnisblað bæjarstjóra. Einnig er lagt fram erindi sveitarstjórna á Vesturlandi til forsætisráðherra þar sem óskað er eftir neyðarfundi og skipan viðbragðshóps vegna ástandsins.

Drög að frumvarpi til laga um Jöfnunarsjóð sveitarfélaga hafa verið birt í samráðsgátt stjórnvalda. Málið er tekið til umræðu í bæjarráði.