Fréttasafn

Stykkishólmskirkja og Hl. Franskirkja standa fyrir samkirkjulegri krossferilsbæn á föstudaginn langa, 29. mars næstkomandi. Gengið verður frá Hl. Franskirkju að Stykkishólmskirkju kl. 17:00.

Aðalfundur Samtaka sveitarfélaga á Vesturlandi var haldinn 20. mars síðastliðinn í Borgarnesi. Fulltrúar Sveitarfélagsins Stykkishólms  á fundinum voru þau Hrafnhildur Hallvarðsdóttir, Steinunn I. Magnúsdóttir og Jakob Björgvin S. Jakobsson. Aðalfundir voru einnig haldnir í Sorpurðun Vesturlands hf., Heilbrigðiseftirliti Vesturlands, Símenntun og Starfsendurhæfingu Vesturlands. En það er orðin venja að halda alla þessa fundi sama dag. Þannig fæst gott yfirlit yfir starfsemina og góð mæting fulltrúa sveitarfélaganna og annarra sem að standa. Ástand þjóðvega á svæðinu og rýr hlutur Vesturlands í tillögu að samgönguáætlun sem nú er í meðförum Alþingis var ofarlega í umræðum á Aðalfundi SSV.

Höskuldur Reynir Höskuldsson hefur verið ráðinn í stöðu byggingarfulltrúa hjá Sveitarfélaginu Stykkishólmi en hann mun einnig sinna verkefnum í Eyja- og Miklaholtshreppi í gegnum þjónustusamning við Sveitarfélagið Stykkishólm. Alls sóttu tíu um stöðuna og var það niðurstaða hæfninefndar og ráðgjafa að Höskuldur Reynir Höskuldsson mæti best umsækjenda þeim kröfum sem gerðar voru og lagði því til að honum yrði boðið starfið. Bæjarstjórn samþykkti á fundi sínum í gær, 21. mars, tillögu hæfninefndar og ráðgjafa um að ráða Höskuld Reyni Höskuldsson í starf byggingarfulltrúa.

23. fundur bæjarstjórnar Stykkishólms fer fram fimmtudaginn 21. mars kl. 17:00 í bæjarstjórnarsal. Smelltu á hnappinn hér að neðan til að kynna þér dagská fundar.

Leitað er að leiðtoga með mikinn metnað fyrir menntun barna og unglinga og sem hefur framsækna sýn á skólastarf og hlutverk skólastjórnenda. Lögð er áhersla á öfluga skólaþróun, hvetjandi starfsumhverfi fyrir nemendur og starfsfólk og samstarf við aðila skólasamfélagsins.

Helgina 16. - 17. mars 2024 fer Sælkerabíll Snæfellsnes aftur á stjá. Stútfullur af góðgæti og gersemum frá framleiðendum af Snæfellsnesi. Bíllinn verður fyrir utan íþróttamiðstöðina í Stykkishólmi sunnudaginn 17. mars frá 12:30 til 14:00. Hér að neðan má sjá hvar bíllinn verður og hvenær.

Söngkeppni SamVest 2024, undankeppni Vesturlands fyrir söngkeppni Samfés, fór fram í íþróttahúsinu á Reykhólum þriðjudaginn 14. mars síðastliðinn. Tvö atriði kepptu fyrir hönd Félagsmiðstöðvarinnar X-ið. Embla Rós Elvarsdóttir söng lagið No time to die eftir Billie Eilish og hljómsveitin Glymur flutti lagið Great balls of fire eftir Jerry Lee Lewis. Hljómsveitina Glym skipa Bæring Nói Dagsson, Íris Ísafold Sigurbjartsdóttir, Ágústa Arnþórsdóttir, Guðmundur Gísli Gunnarsson og Hjalti Jóhann Helgason.

Ellefta Júlíönu hátíðin verður haldin í Stykkishólmi dagana 14 - 16. mars 2024. Sem fyrr dagskráin metnaðarfull, rithöfundar, ljóðskáld og fleiri listamenn stíga á stokk. Hægt er að kynna sér dagskrá hátíðarinnar hér að neðan en nánari upplýsingar má einnig finna á heimasíðu hátíðarinnar, julinana.is. Frítt er á alla viðburði.

Síðastliðinn fimmtudag, 7. mars, mætti Sinfóníuhljómsveit Íslands í Stykkishólm og hélt stórtónleika í íþróttamiðstöðinni. Áhorfendastúkan var þétt setin auk þess sem töluverður fjöldi sat niðri í sal og naut tónleika, ætla má að hátt í 500 manns hafi mætt á tónleikana. Auk Sinfóníuhljómsveitarinnar komu fram um 80 söngvarar úr Snæfellskum kórum sem fluttu með sveitinni þrjú hugljúf íslensk tónverk.

Aðalfundur Krabbameinsfélags Snæfellsness verður haldinn mánudaginn 11. mars kl. 20:00 í Sögumiðstöðinni í Grundarfirði. Allir hjartanlega velkomnir.