Fréttasafn

Sveitarfélagið Stykkishólmur leitar eftir verktaka til að hafa umsjón með félagsheimilinu Skildi, sumarið 2024. Um er að ræða tímabilið júní, júlí og ágúst. Félagsheimilið skjöldur er staðsett miðsvæðis í Helgafellssveit á Snæfellsnesi. Húsið er 9 km frá Stykkishólmi og á vegi 58.

Helstu fréttir eru komnar út. Blaðinu er ætlað að bæta upplýsingaflæði frá sveitarfélaginu og ná til þeirra sem ekki nota tölvur. Stór hluti markhópsins er eldra fólk en blaðið liggur frammi á Höfðaborg og Systraskjóli. Sjötta tölublað ársins kom út í dag, 3.júní. Rafræn útgáfa blaðsins er öllum aðgengileg á vefsíðu sveitarfélagsins en hana má nálgast hér að neðan. Vakin er athygli á því að ekkert blað kemur út í júlí vegna sumarleyfa. Gera má ráð fyrir næsta tölublaði í ágúst.

Framkvæmdir við sundlaug Stykkishólms eru enn í fullum gangi. Á morgun, laugardaginn 1. júní, opnar innisundlaugin á ný og verður opin samkvæmt hefðbundnum opnunartíma, 10:00-18:00 á morgun.

Kæru kjósendur í Sveitarfélaginu Stykkishólmi. Kjörstaður vegna forsetakosninga laugardaginn 1.júní verður í Grunnskólanum að Borgarbraut 6. Opið verður frá kl: 10 til kl: 22. Ef kjósendur vantar upplýsingar um eitthvað er varðar kosningarnar eru vefsíðurnar kosning.is og island.is ,velja Forsetakosningar 2024, mjög góðir staðir til að leita á. Kjósendur eru beðnir að hafa persónuskilríki handbær þegar mætt er á kjörstað.

Minningarathöfn um Vigni Jónasson verður haldin laugardaginn 1. júní við reiðhöllina í Stykkishólmi. Athöfnin verður haldin í tengslum við gæðingamót Hestamannafélagsins Snæfellings og hefst kl. 13:15.

Guðrún Elena Magnúsdóttir heldur útsaumssýningu með útskriftarverkum frá École Lesage skólanum í París í Norska húsinu, Stykkishólmi. Sýningin opnar 1. júní kl. 14:00. École Lesage er útsaumsskóli í París sem starfað hefur frá 1992 en stofnendur skólans, François Lesage og Marie-Louise eiginkona hans, tóku við La Maison Michonet vinnustofunni (stofnuð 1858) árið 1924.

Þann 29. febrúar sl samþykkti bæjarstjórn nýtt deiliskipulag fyrir Þingskálanes, Gæsatanga og Hamra. Tillagan var auglýst í samræmi við 1. mgr. 41. gr. skipulagslaga nr. 123/2010 og hefur hlotið málsmeðferð í samræmi við það. Athugasemdir bárust og hefur þeim, sem gerðu athugasemdir, verið send umsögn bæjarstjórnar. Deiliskipulagið er samþykkt með minniháttar textabreytingum í samræmi við umsögn Skipulagsstofnunar.

Svæðisgarðurinn Snæfellsnes, í samstarfi við Snæfellsjökulsþjóðgarð, býður til kynningar og umræðufunda um Snæfellsnes 3. og 4. júní næstkomandi. Boðið verður upp á kaffiveitingar, öll velkomin.

Grunnskólinn í Stykkishólmi leitar eftir góðu fólki til að sinna eftirfarandi verkefnum á næsta skólaári: Umsjónarkennsla á yngsta- eða miðstigi. Íþróttakennsla. Kennsla í myndmennt, nýsköpun og hönnun. Umsjón með Regnbogalandi, lengdri viðveru fyrir börn í 1.-3. bekk

Viðhaldsframkvæmdir við Sundlaug Stykkishólms ganga vel en búið er að reisa einfalda yfirbyggingu yfir sundlaugina til að forðast vætu á meðan framkvæmdum stendur. Á meðan unnið er að endurbótum á yfirborðsefni sundlaugarinnar er tíminn einnig vel nýttur í önnur viðhaldsverkefni, má t.d. nefna smávægilegar lagfæringar á innilaug, endurbætur á flísalögn í kringum laugar, viðhald á sturtuklefum ofl.