Fréttasafn

Á morgun, fimmtudag, fer fram skólasetning Grunnskólans í Stykkishólmi. Athöfnin fer fram kl 10:00 á Amtsbókasafninu. Kennsla hefst svo samkvæmt stundaskrá föstudaginn 23. ágúst kl 08:05.

Liðna helgi voru Danskir dagar haldnir hátíðlegir í Stykkishólmi. Hólmarar létu vindinn ekki á sig fá og heppnaðist hátíðin vel.

Ferðaþjónusta í Stykkishólmi hefur verið í miklum blóma undanfarin ár. Ljóst er að fegurð bæjarins og nágrennis er mikið aðdráttarafl fyrir erlenda ferðamenn.

Nú í byrjun skólaársins hófu tveir nýir starfsmenn störf í leikskólanum, Monika Kiersznowska á Bakka og Snæbjört Sandra Gestsdóttir á Ási. Í byrjun september mun Petrea Mjöll Elfarsdóttir hefja störf á Nesi en fram að því mun Hjalti verða þar en hann er svo á leið í leyfi fram að áramótum. Sóley hefur flutt frá Bakka yfir á Nes. Sigrún tekur aftur við leikskólastjórastöðunni 1. september eftir árs námsleyfi. Berglind Ósk mun þá fara í stöðu sérkennslustjóra og Elísabet Lára aftur í stöðu aðstoðarleikskólastjóra með einhverja viðveru inni á deildum. Nanna og Hulda koma aftur inn 1. október eftir leyfi. Leikskólinn telst því fullmannaður fyrir veturinn og hafa fyrstu dagarnir í aðlögunum á milli deilda gengið ljómandi vel ? Aðlögun nýrra nemenda hefst svo þriðjudaginn 20. ágúst en lokað er vegna skipulagsdags mánudaginn 19. ágúst en þá verða starfsmenn m.a. á námskeiði.

Dagskráin á laugardegi Danskra daga er mikil og fjölbreytt og því ættu allir að finna eitthvað við sitt hæfi.

Opnunarhátíð Danskra daga fer fram í Hólmgarði. Bæjarstjóri setur hátíðina og fram koma hljómsveitin Þrír og tónlistarmaðurinn Daði Freyr.

Fjölskyldu- og bæjarhátíðin Danskir dagar í Stykkishólmi verður haldin dagana 15. - 18. ágúst 2019. Þetta er í tuttugasta og fimmta sinn sem hátíðin er haldin.

Þriðjudaginn 13. ágúst eru 20 ár liðin frá víglsu sundlaugarinnar í Stykkishólmi. Af því tilefni flytur Ellert Kristinsson ávarp auk þess sem boðið verður upp á kaffi og léttar veitingar. Athöfnin hefst kl. 17:30 í íþróttamiðstöðinni og verður frítt í sund eftir athöfn.

Félags- og skólaþjónusta Snæfellinga auglýsir laust til umsóknar starf í Ásbyrgi, hæfingar - og vinnustað fólks með skerta starfsgetu. Um er að ræða starfsmann í dagþjónustu (1 stöðugildi).

Svæðisgarðurinn Snæfellsnes, Stykkishólmsbær og Efling Stykkishólms boða til fundar um samstarfsverkefni á sviði ferðaþjónustu á Snæfellsnesi með áherslu á Stykkishólm í Amtsbókasafninu þriðjudaginn 23. júlí n.k. kl. 20:00.