Fréttir

Kæru vinir Skólastarfið fer vel af stað

Árið 2019 var viðburðaríkt í Hólminum. Hér verður stiklað á stóru og farið yfir það helsta. Stykkishólmur heldur áfram að heilla kvikmyndagerðafólk en tökum á sjónvarpsþáttunum 20/20 lauk snemma á árinu og gekk samstarf Saga film og Hólmara vel. Þó íbúar séu þessum heimsóknum vanir, þá lífga þær engu að síður upp á bæjarlífið meðan á tökum stendur.

Líkt og áður hefur verið greint frá var Stykkishólmsbær valin eitt af fjórum sveitarfélögum til að taka þátt í íbúasamráðsverkefni sem sett var á legg af Sambandi íslenskra sveitafélaga og Akureyrarkaupstaðar.

Vegna snjóþyngdar og veðurs gengur sorphirða hægar en vant er þessa dagana. Samkvæmt sorphirðudagatali Stykkishólms átti gráa tunnan að vera tæmd í gær en ekki náðist að fara um allan bæ vegna veðurs.

Blysför verður kl. 19:45 frá Hólmgarði þaðan sem álfum og tröllum verður fylgt á brennu. Kveikt verður í brennunni við Vatnsás kl. 20:00.

Mánudaginn 6. janúar kl. 17:30 verður viðburður í Norska húsinu undir yfirskriftinni Ísland í gamla daga - Draugasögur á þrettándanum. Viðfangsefnið er ísland í gamla daga í meðförum Bjarkar Bjarnadóttur, umhverfis-þjóðfræðings og sagnakonu.

Áramótabrennan var vel sótt eins og vant er orðið. Brennan fór vel fram enda í öruggum höndum bræðranna Boga Th. Bragasonar og Tómasar Magna Bragasonar sem staðið hafa brennuvaktina saman í hartnær 20 ár.

Á Þorláksmessu kl. 18.00 verður gengið til friðar frá Hólmgarði niður á Pláss.

Litlu jólin voru haldin í leikskólanum miðvikudaginn 18. desember og hófust að venju með helgileik elstu nemendanna. Búningarnir sem notaðir eru í leiknum eru mjög gamlir og saumaðir af St. Fransiskussystrum. Vekja þeir alltaf mikla athygli auk þess að margir foreldrar rifja gjarnan upp við þetta tækifæri hvaða hlutverk þeir höfðu í leiknum á sínum tíma. Eftir leikinn tók við jólaball en þar spiluðu Villi og Matti fyrir okkur jólalögin og jólasveinar komu í heimsókn og færðu börnunum gjafir. Við þökkum öllum þeim sem hjálpuðu okkur við að gera þetta að góðum degi.

Á Gamlárskvöld verður kveikt áramótabrennu kl. 20:30 við Vatnsás í landi Stykkishólms líkt og undanfarin ár. Fögnum nýju ári og kveðjum það gamla. Mánudaginn 6. Janúar 2020 kl. 20:00 verður kveikt í þrettándabrennu við Vatnsás í landi Stykkishólms. Við brennuna verða ýmis fyrirbæri á sveimi ásamt álfadrottningu og álfakóngi sem færa munu börnum blys. Fólk hvatt til þess að mæta með grímur og hatta og rifja upp gömlu góðu þrettándalögin. Björgunarsveitin Berserkir verður með flugeldasýningu.