Fréttir

Skólaslit Tónlistarskóla Stykkishólms fara fram næstkomandi fimmtudag, 19.maí kl. 18:00, í Stykkishólmskirkju. Á skólaslitum fá nemendur vitnisburð og einkunnir frá sínum kennara. Allir velkomnir.

Bæjarstjórn Stykkishólmsbæjar samþykkti þann 9. desember 2021, nýtt deiliskipulag fyrir miðbæ austan við Aðalgötu í Stykkishólmi. Deiliskipulagið var staðfest af Skipulagsstofnun þann 11. mars síðastliðinn og tók gildi 27. apríl með auglýsingu í B-deild Stjórnartíðinda.

Lausar stöður við Grunnskólann í Stykkishólmi

Stykkishólmsbær auglýsir lóð við Hamraenda 4 í Stykkishólmi lausa til úthlutunnar. Svæðið er skilgreint sem athafnarsvæði samkvæmt aðalskipulagi. Þar sem ekki er til deiliskipulag af svæðinu þarf að fara fram grenndarkynning í samræmi við ákvæði 44. gr. skipulagslaga nr. 123/2010 á fyrirhugaðri uppbyggingu áður en framkvæmdir hefjast.

Kjörfundur í Stykkishólmi hefst kl. 09:00 og lýkur kl. 22:00. Kosið verður í Grunnskólanum í Stykkishólmi. Kjörfundur í Helgafellssveit hefst kl. 10:00 og lýkur kl. 18:00. Kosið verður í félagsheimilinu að Skildi

Næstkomandi mánudag, 16. maí kl. 17:00, verður fræslufundur um flokkun á Amtsbókasafninu í Stykkishólmi. Sérfræðingur frá Íslenska Gámafélaginu fræðir viðstadda um umhverfislegan og fjárhagslegan ávinning þess að flokka til endurvinnslu og að kynnar um leið væntanlegar breytingar á flokkunarkerfinu.

Flokkstjórar stjórna daglegu starfi vinnuflokka skólans og stuðla að reglusemi, ástundun og góðri umgengni starfsmanna. Flokkstjórar vinna með unglingunum, taka þátt af gleði í leik og starfi og sýna hvernig staðið skuli að verki ásamt því að leiðbeina um notkun á áhöldum og tækjum.

Lúðrasveit Stykkishólms heldur vortónleika í félagsheimilinu Skildi fimmtudaginn 12. maí kl. 18:00. Á tónleikunum koma fram litla lúðró, stóra lúðró og víkingasveitin. Aðgangur er ókeypis.

Á dögunum ritaði Jakob Björgvin Jakobsson, bæjarstjóri, undir viljayfirlýsingu fyrir hönd Stykkishólmsbæjar, um landeldi og sjálfbæra framleiðslu matvæla á grunni grænna iðngarða. Undir yfirlýsinguna skrifaði einnig Siggeir Pétursson fyrir hönd Hólmsins ehf. Á 411. fundi bæjarstjórnar var viljayfirlýsingin staðfest samhljóða af öllum listum í bæjarstjórn Stykkishólmsbæjar.

Vinnustaðakeppnin Hjólað í vinnuna 2022 hófst í tuttugasta sinn nú í dag, en að þessu sinni fer keppnin fram frá 4. - 24. maí. Opnað var fyrir skráningu þann 20. apríl. Hægt er að skrá sig allan tímann á meðan keppni stendur yfir eða fram til 24. maí. Hjólað í vinnuna er fyrir marga vorboðinn ljúfi og ávalt mikilvægat að huga vel að heilsunni og sinni daglegu hreyfingu.