Fréttasafn

Gjalddagar fasteignagjalda verða níu á árinu 2019 eftirtaldir: 1. febrúar, 1. mars, 1.apríl, 1. maí, 1. júní, 1. júlí, 1. ágúst, 1. september og 1. október.

Dagana 18. febrúar og 19. febrúar sl. voru haldnir Skákdagar í Grunnskólanum í Stykkishólmi. Bragi Þorfinnsson, stórmeistari í skál, kom í Grunnskólann á vegum Skáksambands Íslands til að kynna skákíþróttina fyrir nemendum.

Ráðhúsið verður lokað frá 13:00 á morgun, föstudaginn 1. mars vegna tiltekta auk þess sem tökur munu fara fram á Ráðhúsloftinu seinni partinn.

Laugardaginn 9. mars nk mun HSH halda sundnámskeið fyrir börn og fullorðna í sundlaug Stykkishólms. Áhugasamir skrái sig fyrir 7. mars á netfangi hsh@hsh.is.

Laugardaginn 2. mars n.k. verða haldnir tónleikar í Stykkishólmskirkju í tilefni af Degi tónlistarskólanna.

112 dagurinn var haldinn um allt land sl. mánudag, en í ár var áherslan lögð á öryggismál heimilisins. Opið hús var hjá okkar lykilfólki, þ.e. Slökkviliði Stykkishólms, Björgunarsveitinni Berserkjum, sjúkraflutningamönnum og Lögreglunni, þar sem þau sýndu búnað sinn og aðstöðu í björgunarsveitarhúsinu. Markmiðið með 112-deginum er að kynna neyðarnúmerið 112 og starfsemi aðilanna sem tengjast því, efla vitund fólks um mikilvægi þessarar starfsemi og hvernig hún nýtist almenningi.

Margrét Björk, atvinnuráðgjafi SSV, er á skrifstofu Stykkishólmsbæjar annan miðvikudag í mánuði

Lionsklúbburinn Harpa Stykkishólmi gaf X-inu 150.000 kr sem safnaðist á kökubasar í desember og er Lionsklúbbnum færðar miklar þakkir fyrir. Unga fólkið mun setja upp hugmynda kassa og í framhaldinu taka ákvörðun um hvað fjármagnið verður nýtt í.

Samtök sveitarfélaga á Vesturlandi mun halda fund kl. 10:00 föstudaginn 15. febrúar í Stykkishólmi til að kynna verkefnið ?Bættur rekstur ? Betri afkoma" til að örva nýsköpun í starfandi fyrirtækjum á Vesturlandi 2019.

Þessa dagana hafa drög að Velferðarstefnu Vesturlands verið til umsagnar hjá Stykkishólmbæ líkt og öðrum sveitarfélögum og hagaðilum á Vesturlandi. Íbúar Stykkishólmbæjar og aðrir hagaðilar eru hvattir til að kynna sér stefnuna og skila til Stykkishólmsbæjar áliti sínu á stefnunni sem Stykkishólmsbær getur haft hliðsjónar við umsögn sína. Áliti sínu geta íbúar skilað rafrænt með því að senda álit sitt á netfangið stykkisholmur@stykkisholmur.is til og með 12. febrúar næstkomandi.