Viðvera atvinnuráðgjafa í Stykkishólmi

Margrét Björk, atvinnuráðgjafi SSV, verður á skrifstofu Stykkishólmsbæjar (Ráðhúsi) miðvikudaginn 13. febrúar n.k. kl. 10.00 ? 12.00. 
SSV ? þróun og ráðgjöf er hluti af stoðkerfi atvinnulífsins og veitir ráðgjöf á sviði atvinnumála og vinnur að þróun búsetuskilyrða á starfssvæði Samtaka sveitarfélaga á Vesturlandi. 
Hlutverk atvinnuráðgjafar felast m.a. í að vera einstaklingum, fyrirtækjum og sveitarstjórnum til aðstoðar á sviði atvinnumála. Verkefni þróunar- og ráðgjafadeildar SSV á sviði aðstoðar við ofangreinda aðila geta verið margvísleg, t.d.: 

• Aðstoð við að greina vandamál í rekstri
• Leiðbeiningar um hvar er hægt að fá aðstoð, bæði fjárhagslega og tæknilega frá stoðkerfum atvinnulífsins.
• Aðstoð við gerð umsókna til sjóða.
• Aðstoð við gerð rekstrar- og kostnaðaráætlana.
• Aðstoð við markaðsmál
• Upplýsingagjöf, fundir o.fl.

Meginmarkmið SSV ? þróunar og ráðgjafar, er að taka þátt í að efla atvinnulíf í landshlutanum með beinum og óbeinum hætti m.a. með því að vinna að eftirfarandi verkefnum:

• Rekstrarráðgjöf og hagkvæmnisúttektir.
• Upplýsingaöflun og upplýsingamiðlun.
• Greining á byggða- og atvinnumálum.
• Hafa frumkvæði að atvinnusköpun.
• Aðstoða við fjármögnun. (Lán og styrkir)
• Efla almenna búsetu og búsetuskilyrði á svæðinu.
• Kynningarstarf á svæðinu.
• Námskeiðahald.

Eðli málsins samkvæmt heitir SSV skjólstæðingum sínum fullum trúnaði. Hægt er að bera upp trúnaðarmál við atvinnuráðgjafa og treysta því að hugmynd eða mál verði ekki borin á torg.
Ef þú hefur áhuga á að nýta þjónustu SSV, þróunar og ráðgjafadeildar, þá hvejum við þig til þess að mæta og hitta atvinnuráðgjafa SSV í Ráðhúsinu. Viðvera ráðgjafa er frá klukkan 10:00-12:00 annan miðvikudag í mánuði.