Fréttir

Í dag hófu störf í leikskólanum Beata Kowalska, Bryndís Jónasdóttir og Sara Rún Guðbjörnsdóttir. Við bjóðum þær velkomnar til starfa. Sveinbjörg Zophoníasdóttir er komin í veikindaleyfi og á næstunni verður opnaður nýr og stærri Bakki auk þess sem aðrar hreyfingar verða á kennurum leikskólans.

Bæjarstjórn Stykkishólmsbæjar auglýsir eftir styrkumsóknum frá einstaklingum og fyrirtækjum í samræmi við reglur Stykkishólmsbæjar um styrkveitingar. Markmiðið með styrkjum bæjarstjórnar Stykkishólmsbæjar er að styðja við sjálfsprottið starf, starfsemi frjálsra félagasamtaka og framtak einstaklinga sem stuðla að farsælli þróun samfélagsins, menningarlífs, lífsgæðum og fjölbreytilegu mannlífi og öflugu íþrótta- og æskulýðsstarfi.

Í gær, mánudaginn 21. febrúar, voru rétt tæplega 60 manns í einangrun í Stykkishólmi. Staðan hefur haft áhrif á starf leik- og grunnskóla en 18 starfsmenn eru frá vinnu í leikskólanum í dag vegna smita. Stjórnendur leikskóla biðla til foreldra og forráðamanna að fylgjast vel með tilkynningum, jafnframt eru þau sem geta beðin um að halda börnum heima til að létta undir.

Síðastliðinn laugardag, þann 12. febrúar, gerðu þau Magnús Ingi Bæringsson, æskulýðs- og tómstundafulltrúi Stykkishólmsbæjar, og Sigga Lóa sér lítið fyrir og sópuðu snjó af svellinu við flugstöðina í Stykkishólmi. Fjöldinn allur af Hólmurum nýtti tækifærið og dustaði rykið af skautunum í kjölfarið.

Starfsfólk legudeildar HVE í Stykkishólmi hefur sent frá sér tilkynningu þess efnis að heimsóknir á deildina takmarkis nú við nánustu aðstandendur og sjúklingar geti aðeins tekið á móti einu gesti í einu. Áhersla er lögð á að gestir beri grímu og gæti vel að persónubundnum sóttvörnum á meðan heimsókn stendur, ekki er ráðlagt að einstaklingar undir 16 ára heimsæki deildina.

Stjórn Suðureyja ehf. hefur ákveðið að nota styrk sem félagið fékk frá Sóknaráætlun Vesturlands til að greiða húsaleigu fyrir frumkvöðla sem eru að hefja eigin rekstur. Hverjum og einum býðst frí aðstaða í Árnasetri í Stykkishólmi í allt að sex mánuði.

Starfið felur í sér hafnsögu skipa um hafnarsvæðið, almenna starfssemi hafnarinnar og þjónustu við viðskiptavini hennar. Hafnarvörður/hafsögumaður vinnur að vigtun sjávarafla og skráningu upplýsinga um löndun ásamt skráningu og skýrslugerðum sem við kemur allri umferð um hafnarsvæðið og hafsögu. Gerir reikninga og sendir út til viðskiptavina. Sinnir viðhaldi og framkvæmdum á hafnarbökkum og hafnamannvirkjum eftir þörfum.

Appelsínugul viðvörun við Breiðafjörð tekur gildi kl. 05:00 í nótt, aðfaranótt mánudagsins 7. febrúar, og gildir til 09:00. Gert er ráð fyrir suðaustan 20-28 m/s með snjókomu og skafrenningi. Íbúum er bent á að huga vel að lausamunum og bátaeigendum bent á að tryggja að bátar þeirra séu tryggilega bundnir við bryggju.

Samstarfsnefnd um sameiningu Helgafellssveitar og Stykkishólmsbæjar lagði álit sitt og helstu forsendur til tveggja umræðna í sveitarstjórnum lögum samkvæmt og hafa þær umræður farið fram. Það er álit nefndarinnar að fram skuli fara atkvæðagreiðsla meðal íbúa sveitarfélaganna um sameiningu þeirra í eitt. Bæjarstjórn Stykkishólmsbæjar og sveitastjórn Helgafellssveitar hafa nú samþykkt að atkvæðagreiðsla um sameiningu sveitarfélaganna fari fram laugardaginn 26. mars nk. í báðum sveitarfélögum.

Helga Guðjónsdóttir atvinnuráðgjafi SSV og Sigursteinn Sigurðsson menningarfulltrúi SSV sem hugðust vera í Ráðhúsinu í Stykkishólmi nk. þriðjudag hafa frestað komu sinni en stefna á viðveru í Ráðhúsinu mánudaginn 21. febrúar frá kl. 13 - 15.