Safna- og menningarmálanefnd

Fyrir safna- og menningarmálanefnd er lagt fram erindi í tengslum við áform um uppbyggingu svæðis í kringum Árnabryggju sem lagt var fram til kynningar á 590. fundi bæjarráðs. Svæðið sem um ræðir nær frá Mylluhöfða meðfram fjöruborðinu til austurs langleiðina á móts við svokallað Sæmundarpakkhús við Hafnargötu. Fram kom í erindinu að Sólveig Berg, hjá Yrki arkitektum ehf., væri að vinna að tillögu að útliti og fyrirkomulagi.

Á 604. fundi bæjaráðs var svo lögð fram tillaga frá Yrki arkitektum að Breiðfirsku bátasafni í Stykkishólmi sem fengið heitið: Breiðafjarðarstofa. Tillagan sýnir safnbyggingu við Árnabryggju sem myndar umgjörð um skipið Egil. Á efri hæð hússins verður aðalinngangur á sýninguna, sjálfvirk miðasala og aðgengisstýrt. Er þar einnig gert ráð fyrir skrifstofum, fundarherbergi, salerni og aðstöða fyrir starfsmenn. Í skrifstofurýmið mætti m.a. fá inn heilsárslegjendur. Sýningarsalurinn er á neðri hæð hússins, til norðurs, og verður kalt og rakt rými til að tryggja varðveilsu skipsins.

Á 108. fundi safna- og menningarmálanefndar kom Hjördís Pálsdóttir, safnstjóri, til fundar við nefndina og gerði grein fyrir ársskýrslu um starfsemi Eldfjallasafnsins 2018, þar sem m.a. var farið yfir starfsemi safnsins, sögu þess, nýjungar, markaðsstarf og framtíðarsýn.Safna- og menningarmálanefnd óskaði á sama fundi eftir upplýsingum um rekstur og niðurstöðu safnsins árið 2018.

Fyrir safna- og menningarmálanefnd er lagt fram uppgjör Eldfjallasafns vegna árisns 2018.

Lagt fram minnisblað bæjarstjóra um eflingu átthagafræðslu (þ.m.t. sögu og menningararfs) og menningartengdrar ferðaþjónustu í Stykkishólmi, en nokkrir dagskrárliðir eru til umfjöllunar á fundinum sem tengjast minnisblaði bæjarstjóra.

Í minnisblaðinu kemur fram að efling átthagafræðslu er ein af aðgerðum í menningarstefnu Vesturlands, bæði hvað varðar eflingu átthagafræðslu í leik- og grunnskólum sem og þróun kennsluefnis í átthagafræðslu fyrir alla aldurshópa. Í þessum anda er vert að huga að því að efla átthagafræðslu fyrir íbúa Stykkishólmsbæjar þannig að hún verði aukin með aðgengilegu fræðsluefni og merkingum m.a. um minjar og sögu, byggingarlist, náttúrufar og kennileiti í bæjarlandinu, en þó einkum við göngustíga, gömul hús og á útivistarsvæðum. Gera má jafnframt ráð fyrir því að fræðslan verði á íslensku og ensku og því nýtist í tengslum við menningartengda ferðaþjónustu, en menningartengd ferðaþjónusta nær yfir ýmiss konar afþreyingu í ferðaþjónustu sem byggist á sögu og menningu. Hafa ber jafnframt í huga stýringu á ferðmönnum í þessu sambandi.

Á sama tíma er vert að virkja einstaklinga, félagasamtök og fyrirtæki í þessu sambandi í von um frumkvæði þeirra í þessu sambandi, sem mun án efa bæta og fegra bæjarumhverfið, eftir atvikum í samstarfi við Stykkishólmsbæ, og þannig hvetja til frumkvæðis þeirra við að gera hærra undir höfði með sýnilegum hætti þeirri söguarfleifð sem hér er í Stykkishólmi.

Lagður er fram hugmyndalisti að menningartengum viðburðum þar sem meðal annars eru hugmyndir sem tengjast menningartengdri ferðaþjónustu. Þá eru lagðar fram tillögur að verkefnum sem hægt er að leggja áherslu á, svo sem skilti við gömlu húsin og staði, átthagafræðslu ungmenna, örnefni og fornminjar í Stykkishólmi og söguskilti

Í þessu sambandi eru lagðir jafnframt fram gamlir upplýsingabæklingar m.a. um gömlu húsin í Stykkishólmi, en í því sambandi mun bæjarstjóri kynna hugmyndir um að koma þessum eða svipuðum upplýsingum fram með rafrænum hætti auk þess að setja upp skilti fyrir framan gömlu húsin í bænum með upplýsingum um þau.

Hefur bæjarstjóri óskað eftir afstöðu safna- og menningamálanefndar um fyrirliggjandi hugmyndir um eflingu átthagafræðslu, þ.m.t. að koma á framfæri sögu og menningararfs til íbúa og gesta, og menningartengdrar ferðaþjónustu í Stykkishólmi.

Bæjarstjóri óskar eftir afstöðu safna- og menningamálananefndar hvað varðar lagningu göngustíga og skilta við Búðanes og Hjallatanga þar sem unnið verði með þjóðminjaverndarsvæði og sögu Stykkishólms í samráði við Minjastofnun Íslands. Óskað var jafnframt eftir afstöðu umhverfis- og náttúruverndarnefndar um verkefnið sem á 53. fundi sínum tók vel í hugmyndina og gerði ekki athugasemd við að gerðir yrðu göngustígar og sett skilti á umræddu svæði. Jafnframt lagði umhverfis- og náttúruverndarnefnd til við bæjarstjórn að bæjarstjóra verði falið að vinna málið áfram.

Lögð eru fyrir safna- og menningarmálanefnd gögn og upplýsingar um þjóðminjaverndarsvæði í Stykkishólmsbæ, ásamt öðrum gögnum tengdu verkefninu, þ.m.t. drög að greinargerð í þessu sambandi.

Á 108. fundi safna- og menningarmálanefndar kom Hjördís Pálsdóttir, safnstjóri, til fundar við safna- og menningarmálanefnd og fór yfir faglegan rekstur Norska Hússins, byggðasafns og ársskýrslu safnsins 2018. Safna- og menningarmálanefnd óskaði eftir á sama fundi að forstöðumaður safna leggi fram greinagerð og geri grein fyrir stefnumótun safnsins, þ.m.t. söfnunar og sýningarstefnu árið 2020, og eru drög að henni lögð fram.

Á 108. fundi safna- og menningarmálanefndar kom Hjördís Pálsdóttir, forstöðumaður safna, til fundar við nefndina og gerði grein fyrir starfsemi Eldfjallasafns og Vatnasafns í Stykkishólmsbæ á árinu 2019 og stöðu starfseminnar fyrir haustið 2019. Á sama fundi óskaði nefndin eftir að Hjördís kæmi til funds við nefndina aftur og gerði grein fyrir stefnumótun fyrir söfnin fyrir næsta ár.

Fjölmargir ferðamenn gera sér ferð í Stykkishólm til þess að sjá tökustað kvikmyndarinnar The Secret Life of Walter Mitty í bænum og er þar þyrluatriði myndarinnar sérstaklega vinsælt. Ljóst að fjölmargir gestir sýna því áhuga að sjá umhverfið úr myndinni með eigin augum.

Fyrir liggur því sú hugmynd að setja upp upplýsingaskilti um kvikmyndina um The Secret Life of Walter Mitty sem tekin var upp m.a. á hafnarsvæðinu í Stykkishólmi og staðsetja það á horninu hjá grassvæði sem staðsett er hinum meginn við gamla apótekið.

Óskar bæjarstjóri eftir afstöðu safna- og menningarmálanefndar til þessarar hugmyndar.

Á 108. fundi safna- og menningarmálanefndar var lögð fram greinargerð Sigurlínu Sigurbjörnsdóttur þar sem saga Ljósmyndasafns Stykkishólms er dregin saman, gerð grein fyrir skráningu og frágangi ljósmynda í gegnum tíðina og að lokum er samandregið yfirlit yfir stöðu safnsins í dag og fyrirliggjandi verkefni. Á fundinum var farið yfir greinagerðina og óskaði nefndin eftir því að formaður Amtsbókasafns tæki saman greinagerð um framtíð safnsins og skoði þá möguleika sem standa safninu til boða.

Fyrir safna- og menningarmálanefnd er lögð fram greinagerð forstöðumanns Amtsbókasafns um ljósmyndasafn, framtíð og möguleika.

Formaður safna- og menningamálanefndar gerir grein fyrir hugmyndum sem eru uppi um að setja á ný upp styttuna af Hafmeyjunni sem var hluti af gosbrunni sem áður var í Kvenfélagsgarðinum. Þá eru lagðar eru fram ljósmyndir af Hafmeyjunni, sem er nú í geymslu í stúkunni við íþróttavöll Stykkishólms.

Lögð fram skýrsla stýrihóps um myndun framtíðarsýnar fyrir bæjarhátíðir í Stykkishólmi, en á 603. fundi bæjarráðs vísaði bæjarráð skýrslunni til umsagnar í safna- og menningarmálanefnd. Forsaga málsins er sú að bæjarstjórn skipaði í janúar 2019 stýrihóp til að móta stefnu um bæjarhátíðir í Stykkishólmi og aðkomu bæjarins að þeim. Helsta hlutverk hópsins var að kanna viðhorf bæjarbúa til slíkra hátíða, meta samfélagsleg áhrif þeirra, efnahagslegan ávinning og þá arfleifð sem þær skila samfélaginu. Auk þess að gera tillögu að framtíðarfyrirkomulagi/framtíðarstefnu slíkra hátíða, greina og móta markmið þeirra og útfæra aðkomu bæjarins að þeim.

Veðurathuganarstöðinni í Stykkishólmi var 17. maí sl. veitt viðurkenning fyrir samfellda mælisögu í yfir 100 ár, en í haust verða 174 ár síðan veðurathuganir hófust í Stykkishólmi sem gerir stöðina í Stykkishólmi elstu veðurathugnarstöðina á Íslandi. Fulltrúar frá Veðurstofu Ísland fluttu erindi í tilefni af þessum tímamótum og var viðurkenningarskjöldur Alþjóðaveðurfræðistofnunarinnar afhjúpaður í Norska húsinu þar sem veðurathuganir hófust hér í Stykkishólmi.

Formaður fer yfir hugmyndir að upplýsinga- og fræðsluskilti um veðurathuganir í Stykkishólmi fyrir framan núverandi veðurathuganarstöð hér í Stykkishólmi til þess að vekja athygli íbúa og gesta á þessari sögu hér í Stykkishólmi, til viðbótar því sem gert er í og við Norska húsið og á höfninni.

Menningarstefna Stykkishólmsbæjar frá árinu 2016 er lögð fram, en samkvæmt Menningarstefnu Stykkishólmsbæjar skal safna- og menningarmálanefnd ár hvert endurskoða stefnuna.

Bæjarstjóri hefur óskað eftir að fá að koma til fundar við nefndina til þess að gera grein fyrir hugmynd að Gestakorti Stykkishólmsbæjar.

Um er að ræða hugmyndir að útvíkkun á safnakorti þannig að það nái einnig til annarrar þjónustu á vegum Stykkishólmsbæjar, t.d. sundlaugar og jafnvel tjaldsvæði í samvinnu við Mostra. Gestakort gæti jafnframt boðið upp á samstarf við Eflingu Stykkishólms eða atvinnurekendur í Stykkishólmi um afslátt á kjörum.

Hugmynd þessi var kynnt á 1. fundi atvinnu- og nýsköpunarnefndar Stykkishólmsbæjar fyrr á þessu ári, sem tók vel í hugmyndir að gestakorti Stykkishólmsbæjar og hvatti til þess að hugmyndin verði full unnin og fari í reynslu sem fyrst.

Norðurljósin, menningarhátíð í Stykkishólmi, var fyrst haldin í Stykkishólmi í nóvember árið 2010 og hefur verið haldin annað hvert ár síðan, en hátíðin var sett á fót á vegum safna- og menningarmálanefndar Stykkishólmsbæjar eftir að bæjarstjórn tók ákvörðun um að fela nefndinni að stuðla að menningarhátíð í Stykkishólmi.

Norðurljósahátíðin var haldin síðast árið 2018 þar sem bæjarstjórn Stykkishólmsbæjar fól safna- og menningarmálanefnd að sjá að skipuleggja hátíðina, en Þórunn Sigþórsdóttir var framkvæmdastjóri Norðurljósahátíðar árið 2018 líkt og áður. Hátíðin tókst mjög vel og var þátttaka mjög góð, þrátt fyrir að frekar skemmur tími hafi gefist til undirbúnings hátíðarinnar, en við undirbúning hátíðar sem þessar er mikilvægt að huga að undirbúningi með góðum fyrirvara svo vel takist til.

Fjárhagsáætlun Stykkishólmsbæjar fyrir árið 2020 liggur ekki fyrir, en gera má ráð fyrir því að drög að fjárhagsáætlun vegna menningartengdra mála ásamt gjaldskrá verði til umræðu á næsta fundi safna- og menningarmálanefndar. Hins vegar, ef engin stefnubreyting verður í þessum málum af hálfu bæjarstjórnar, má reikna með að hátíðin verði haldin á næsta ári og því vert fyrir safna- og mennignarmálanefnd að huga að fyrstu skrefum sem hafa þarf í huga við undirbúning hátíðarinnar, með fyrirvara um umfjöllun bæjarstjórnar í þessum efnum, og þá að afla upplýsinga um skipulag og framkvæmd hátíðanna á liðnum árum, sér í lagi vegna ársins 2018.

Með vísan til framanritaðs leggur formaður dagskrárlið þennan fyrir safna- og menningarmálanefnd til umfjöllunar.