Bæjarráð

Lögð fram 28. fundargerð skipulagsnefndar.

Lögð fram 19. fundargerð skóla- og fræðslunefndar.

Lögð fram umsókn Páls Vignis Þorbergssonar f.h. Þ.B. Borgar ehf. um lóð N í Víkurhverfi.

Lögð fram umsókn Barkar Grímssonar f.h. Stólpi ehf. um Bauluvík 1.

Lögð fram fundargerð 972. fundar stjórnar Sambandsins frá 11. mars 2025.

Lögð fram fundargerð 229. fundar breiðafjarðarnefndar.

Ársskýrsla Golfklúbbsins Mostra lögð fram til kynningar.

Lögð fram samúðarkveðja sem bæjarstjóri sendi fyrir hönd bæjarstjórnar til Örebro, sem er vinabær sveitarfélagsins, í kjölfar voðaverkanna sem áttu sér stað í byrjun febrúar, ásamt þakkarbréfi frá Örebro.

Lögð fram fyrirspurn um samstarf frá samtökunum Landsbyggðin lifi.

Lögð fram umsókn um námvist utan lögheimilissveitarfélags, ásamt umsögn Grunnskólans í Stykkishólmi og Félags- og skólaþjónustu Snæfellinga.

Bæjarstjórn Sveitarfélagsins Stykkishólms auglýsti þann 14. febrúar, eftir styrkumsóknum frá einstaklingum og fyrirtækjum í samræmi við reglur um styrkveitingar. Umsóknarfrestur var til og með 9. mars. Lagðar eru fram styrkumsóknir sem bárust á auglýstum tíma.

Embætti Sýslumannsins á Vesturlandi óskar eftir umsögn vegna umsóknar Bygghamars ehf. um nýtt rekstrarleyfi til reksturs gististaðar í flokki II, frístundahús sem reka á sem Bygghamar, að Lyngholti, Helgafellssveit, 341 Stykkishólmur.

Lagt fram erindi frá verkefnastjóra Umhverfisvottunar Snæfellsness.

Lögð fram tillaga að gjaldskrá fyrir salerni á hafnarsvæði.

Lagt fram óformlegt tilboð í íbúð við Skúlagötu 9, ásamt tengdum gögnum.

Skipurit sveitarfélagsins tekið til umræðu á ný og lögð fram tillaga bæjarstjóra að breytingum á skipuriti.

Á 29. fundi bæjarráðs var lagt fram erindi frá Félagi atvinnulífs í Stykkishólmi þar sem óskað var eftir áframhaldandi samstarfi við sveitarfélagið. Bæjarráð samþykkti áframhaldandi samstarf við Félag atvinnulífs og fól bæjarstjóra að gera tillögu að samstarfssamningi til 3ja ára. Lögð eru fram drög að samningi.



Bæjarráð fól, á 30. fundi sínum, bæjarstjóra að funda með forsvarsmönnum Félags atvinnulífs í Stykkishólmi og ganga frá samningi við félagið og leggja til samþykktar hjá bæjarráði.

Lögð fram ný samþykkt fyrir byggðasamlag um rekstur Félags- og skólaþjónustu Snæfellinga.



Bæjarstjórn vísaði, á 32. fundi sínum, samþykktinni til síðari umræðu í bæjarstjórn.

Lögð fram tillaga að óverulegri breytingu á deiliskipulagi Nýræktar. Skipulagsfulltrúi leggur fram óverulega breytingu þar sem byggingarreitur á skógræktarlóð er færður til og bílastæði til samræmis vegna byggingar á lóðinni.



Á 24. fundi skipulagsnefndar 17. sept. 2024 var veitt heimildi til að hefja vinnu við breytingu á deiliskipulagi Nýræktar 2015 m.s.br. vegna fyrirhugaðar byggingu allt að 120 m2 þjónustuhúss á skógræktarlóð.



Bæjarráð samþykkti afgreiðslu skipulagsnefndar á 25. fundi sínum 2. sept. 2024.



Skipulagsnefnd samþykkti, á 28. fundi sínum, óverulega breytingu á deiliskipulagi Nýræktar og í ljósi þess að framlögð tillaga að breytingu deiliskipulaginu er samvinnuverkefni sveitarfélagsins og Skógræktarfélags Stykkishólms telur nefndin ekki þörf á að grenndarkynna tillöguna enda taldi nefndin að henni fylgi ekki skerðing eða röskun á grenndarhagsmunum annarra. Með vísan til þessa samþykkti skipulagsnefnd framlagða deiliskipulagsbreytingu og lagði til við bæjarstjórn að hún verði samþykkt og að deiliskipulagið taki gildi með birtingu auglýsingar í B-deild Stjórnartíðinda og verði send Skipulagsstofnun til varðveislu í samræmi við 2. mgr. 43.gr. skipulagslaga nr.123/2010.

Formaður skipulagsnefndar gerði, á 28. fundi skipulagsnefndar, grein fyrir hugmyndum sínum að áherslum á umferðarmerkjum í sveitarfélaginu.



Skipulagsnefnd lagði til við bæjarráð að farið verði í vinnu við að yfirfara þörf á skiltum s.s. götuheiti og húsnúmer við botnlanga, ásamt öðrum umferðarmerkjum, t.d. biðskyldumerki frá hliðargötum.

Lagðar eru fram umsagnir og athugasemdir eftir kynningu vinnslutillögu fyrir Agustsonreit.



Vinnslutillaga aðalskipulagsbreytingar í samræmi við 2. mgr. 30. gr. skipulagslaga og deiliskipulagstillögu í samræmi við 4. mgr. 40 gr. skipulagslaga, var í kynningu frá 7. febrúar til og með 7. mars sl.



Tillögur bárust frá lögbundnum umsagnaraðilum og frá íbúum í nágrenni skipulagssvæðisins.



Athugasemdir og umsagnir og drög að svörum voru kynntar fyrir nefndarmönnum skipulagsnefndar á 28. fundi nefndarinnar.

Lögð fram að nýju tillaga að óverulegri breytingu á deiliskipulagi Þinghúshöfða.



Tillagan hefur verið grenndarkynnt skv. 2. mgr. 43. gr. skipulagslaga og var hún kynnt eigendum Skólastígs 8 og 10. Eigendur Skólastígs 10 gerðu ekki athugasemdir við breytinguna en eigendur Skólastígs 8 gerðu athugasemd varðandi breytinguna.



Skipulagsfulltrúi lagði, á 28. fundi skipulagsnefndar, fram tillögu að bókun/svari v/athugasemdarinnar.



Skipulagsnefnd taldi ekki þörf á að bregðast við framlagðri athugasemd/ábendingu við afgreiðslu málsins og samþykkti fyrirliggjandi tillögu að svari sveitarfélagsins. Með vísan til þessa samþykkti skipulagsnefnd framlagða deiliskipulagsbreytingu eins og hún liggur fyrir að lokinni grenndarkynningu og lagði til við bæjarstjórn að hún verði samþykkt og að deiliskipulagið taki gildi með birtingu auglýsingar í B-deild Stjórnartíðinda og verði send Skipulagsstofnun til varðveislu í samræmi við 2. mgr. 43.gr. skipulagslaga nr.123/2010.

Á 19. fundi skóla- og fræðslunefndar var lögð fram skýrsla Ásgarðs skólaráðgjafaþjónustu vegna úttektar á úthlutun á kennslumagni og sérkennslu/stuðningi við Grunnskólanum í Stykkishólmi í samræmi við tillögur og hugmyndir í stefnumörkun og áherslum sveitarfélagsins í fjárhagsáætlun 2025.



Farið var yfir skýrslu Ásgarðs skólaráðgjafarþjónustu og rætt var um viðmið kennslumagns, stoðþjónustu, aðstoð við kennara og aðstoð við nemendur inn í bekk. Einnig var rætt um innra mat skólansog aukina aðkomu Ásgarðs skólaráðgjafar að leikskólanum.



Skóla- og fræðslunefnd samþykkti tvær neðan greindar tillögur.



1. Skóla- og fræðslunefnd samþykti meðfylgjandi viðmið um úthlutun á kennslumagni og að úthlutun á grunnkennslumagni fari framvegis fram samkvæmt þeim. Úthlutun á kennslumagni til grunnskólans skal byggja á áætlun skólastjóra um nemendafjölda frá 1. mars ár hvert.



2. Skóla- og fræðslunefnd samþykkti að stofna starfshóp um fyrirkomulag úthlutunar á stoðþjónustu allra barna í sveitarfélaginu. Starfshópnum er ætlað að skila tillögu til skóla- og fræðslunefndar 1. nóvember 2025. Í hópnum verði deildarstjóri stoðþjónustu grunnskólans og sérkennslustjóri leikskólans auk verkefnastjóra frá skólaráðgjafarþjónustunni Ásgarði. Skólastjórnendur skólanna verði til samráðs.

Í fjárhagsáætlun sveitarfélagsins er áhersla lögð á að koma til móts við húsnæðisþörf Grunnskólans í Stykkishólmi. Bæjarstjóri gerði á 19. fundi skóla- og fræðslunefnar grein fyrir áætlunum sveitarfélagsins í þeim efnum. Skóla- og fræðslunefnd fagnaði áætlunum sveitarfélagsins og taldi tímabært er að skólinn fái aukið rými. Með auknum húsakosti skapast spennandi tækifæri m.a. til skólaþróunar.



Lagður er fram kaupsamningur og afsal um kaup á húseiningum til staðfestingar, en sveitarfélagið átti hæsta boð í lausar húseiningar sem Reykjavíkurborg var að selja við Dalskóla í Úlfarsárdal.

Lagðar fram hugmyndir Stólpa ehf., unnar af Betteríinu arkitektum, að uppbyggingu íbúða á Bauluvík 1 í Víkurhverfi.



Til fundar við bæjarráð mæta fulltrúar fyrirtækisins til að gera grein fyrir verkefninu ásamt því að fulltrúum í skipulagsnefnd er boðið að sitja fundinn undir þessum dagskrárlið.