Fréttasafn

Rennibrautin í sundlaug Stykkishólms er nú opin á ný. Síðastliðinn laugardag var opnað fyrir rennibrautina eftir að viðgerðum lauk en brautin hefur staðið ónotuð í þó nokkurn tíma.

Nýr upplýsingakassi hefur verið settur upp á hafnarsvæðinu í Stykkishólmi. Um er að ræða kassa þar sem hengdar verða upp helstu fréttir og tilkynningar frá Stykkishólmsbæ. Kassinn er sérstaklega hugsaður til að koma upplýsingum til þeirra sem ekki nota tölvur en nýtist einnig ferðamönnum og gestum bæjarins vel, allar fréttir og tilkynningar sem settar eru í kassann má einnig finna á stykkisholmur.is.

Danskir Dagar í Stykkishólmi verða haldnir 23.-26. júní næstkomandi með nýju og breyttu fyrirkomulagi, þar sem verið er að blása nýju lífi í þessa rótgrónu bæjarhátíð með því að halda hátíðina í kringum Jónsmessu en áfram með dönskum áhrifum.

Sumarhátíð leikskólans sem síðustu árin hefur einnig verið hjóladagur var haldin 16. júní. Þrátt fyrir svolítinn kulda tókst hún mjög vel og voru krakkarnir mjög virkir í verkefnum sínum. Myndir frá hátíðinni má sjá á myndasíðunni og tala þær sínu máli.

Eins og sjá má á myndunum hér að neðan var sannkölluð hátíðarstemmning í Stykkishólmi í gær, 17. júní. Dagskráin var hefðbundin og veðrið gott eins og vant er.

Þjóðhátíðardagur íslendinga verður haldinn hátíðlegur 17. júní í Stykkishólmi. Venju samkvæmt fer hátíðardagskráin fram í Hólmgarðinum og hefst kl. 13:30 eða þegar skrúðgangan kemur arkandi frá Tónlistarskóla Stykkishólms þaðan sem hún leggur af stað kl. 13:00.

Stykkishólmsbær auglýsir eftir flokkstjórum til starfa í vinnuskóla sveitarfélagsins sumarið 2021.

Búið er að ryðja upp tveimur moldarhólum inni í Vík, aftan við Borgarbraut. Moldin stendur íbúum Stykkishólms til boða fyrir minniháttar verkefni í garðinum og hentar vel í beðin og blómapotta. Moldin er ekki ætluð verktökum eða öðrum stórtækum aðilum heldur frekar til minni verkefna svo hún nýtist sem flestum.

Drög að umferðaröryggisáætun fyrir Stykkishólmsbæ liggja nú fyrir og hafa verið til umræðu í fastanefndum bæjarins undanfarið.

Það voru 18 börn og örlítið færri fullorðnir sem lögðu á fjallið 26. maí s.l. í útskriftarferð elstu nemenda leikskólans. Leiðin upp á Gráukúlu var farin í smá áföngum því stoppa þurfti til að taka myndir og fá sér vatnssopa annað slagið.