Fréttasafn

Borið hefur á töluverðri umfjöllun um Stykkishólm á landsdekkandi fjölmiðlum undanfarið. Stöð 2 og Vísir fjölluðu til að mynda um eftirtektarverða fólksfjölgun hér í bæ síðastliðin ár og náðu m.a. tali af Kristjóni Daðasyni, nýjum deildarstjóra Tónlistarskólans, sem lýsti kostum þess að búa í Stykkishólmi og sagði geggjaða stemmningu hér í bæ.

Undanfarna mánuði hefur staðið yfir undirbúningur að stofnun Nýsköpunarnets Vesturlands (NÝVEST). Markmiðið með stofnun netsins er að tengja saman alla sem vilja vinna að nýsköpun á Vesturlandi, fyrirtæki, stofnanir og einstaklinga.

Vakin er athygli á því að kjörskrá vegna alþingiskosninga 25.september 2021 liggur nú frammi í afgreiðslu í Ráðhúsi Stykkishólms, Hafnargötu 3. Opnunartími Ráðhúsins er frá kl. 10 til kl. 15 alla virka daga.

Tónlistarskóli Stykkishólms óskar eftir að ráða ræstitækni í 25% stöðu. Launakjör eru samkvæmt kjarasamningum sveitarfélaga og viðkomandi stéttarfélags.

Greint var frá því fyrr í sumar að unnið væri að uppsetningu á frisbígolfvelli í Stykkishólmi. Völlurinn var settur upp í lok júlí og notið töluverðra vinsælda síðan. Fyrr í þessari viku kom svo sérfræðingur í þessum efnum til að reka smiðshöggið á völlinn.

Skipt hefur verið um lás á hliðinu að geymslusvæði Stykkishólmsbæjar vestan við Snoppu. Nýjum lás fylgja nýir lyklar og geta leigutakar nálgast þá í afgreiðsluna í Ráðhúsinu í Stykkishólmi. Leigutakar eru jafnframt beðnir um að skila inn gömlu lyklunum.

Stykkishólmsbær býður nú upp á akstursþjónustu fyrir eldri borgara, 67 ára og eldri. Markmið með akstursþjónustunni er að gera öldruðum einstaklingum í Stykkishólmi kleift að búa lengur heima.

Næstkomandi sunnudag, 5. september, munu aðilar frá Truenorth taka upp myndbandsefni sem notað verður í æfingamyndband. Um er að ræða æfingamyndband fyrir göngu og hjólaæfingar og verður m.a. tekið upp myndband af reiðhjólakappa sem hjólar um bæinn.

Í sumar var greint frá því að unnið væri að því að koma upp klifurvegg í íþróttamiðstöðinni. Þeirri framkvæmd er nú lokið og hefur glæsilegur veggur verið tekinn í notkun. Kristján Sveinsson, í samstarfi við Stykkishólmsbæ, sótti um styrk í uppbyggingasjóð Vesturlands og hlaut þaðan styrk í verkefnið upp á 500.000 kr.

Bæjarstjórn Stykkishólmsbæjar samþykkti þann 24. júní 2021 að auglýsa tillögu að breytingu á deiliskipulagi við Nónvík, á lóð númer 48 við Hjallatanga Stykkishólmi. Óskað var eftir ábendingum og athugasemdum við deiliskipulagstillöguna eigi síðar en 1. september 2021.