Fréttasafn

Síðastliðinn sunnudag, 26. september, hélt Hjalti Hrafn Hafþórsson fyrirlestur í ljósmyndasal Amtsbókasafnsins í Stykkishólmi undir yfirskriftinn útivist með börnum og góð áhrif nátttúrunnar í leik og starfi. Fyrirlesturinn var haldinn sem liður í dagskrá Heilsudaga í Hólminum og var hann tekinn upp og gerður aðgengilegur á YouTuberás Stykkishólmsbæjar.

Bæjarstjórn Stykkishólmsbæjar auglýsir eftir styrkumsóknum frá einstaklingum og fyrirtækjum í samræmi við reglur Stykkishólmsbæjar um styrkveitingar. Markmiðið með styrkjum bæjarstjórnar Stykkishólmsbæjar er að styðja við sjálfsprottið starf, starfsemi frjálsra félagasamtaka og framtak einstaklinga sem stuðla að farsælli þróun samfélagsins, menningarlífs, lífsgæðum og fjölbreytilegu mannlífi og öflugu íþrótta- og æskulýðsstarfi.

Krabbameinsfélag Snæfellsness heldur aðalfund fimmtudaginn 30. september 2021 kl. 20:00 í Fákaseli, félagsheimili hestamanna í Grundarfirði.

Heilsuefling verður áberandi í Stykkishólmi dagana 29. september til 3. október þegar haldnir er Heilsudagar í Hólminum sem hluti af ÍSÍ íþróttaviku Evrópu.

Félags- og skólaþjónusta Snæfellinga auglýsir eftir starfsmanni í tímabundna afleysingu í Ásbyrgi nú á næstu vikum. Áhugasamir hafi samband við annan hvorn eftirtalinna sem veita frekari upplýsingar:

Kosið verður til Alþingis laugardaginn, 25. september næstkomandi. Kjörstaður er í Grunnskólanum í Stykkishólmi, við Borgarbraut. Kjörstaður er opinn frá kl. 9:00 - 22:00.

Umhverfisstofnun auglýsir tillögu að starfsleyfi Stykkishólmsbæjar fyrir urðunarstað við Ögursveg. Starfsleyfistillagan gerir ráð fyrir að heimilt verði að taka á móti 500 tonnum úrgangi á ári, annars vegar óvirkum úrgangi til urðunar og hins vegar lífrænum úrgangi til jarðgerðar.

Nú þegar tekur að hausta fara sauðfjárbændur landsins að huga að fé sínu og smala niður af fjöllum. Réttað verður í Arnarhólsrétt sunnudaginn 19. september næstkomandi kl. 11.

Nemendur 3. bekkjar Grunnskólans í Stykkishólmi heimsótti bæjarstjórann í dag, fimmtudag, í Ráðhúsið. Í tilefni af gönguátaki skólanna fóru nemendur í umhverfisgöngu um Stykkishólm og punktuðu niður hvað mætti betur fara í umhverfinu. Í kjölfarið óskuðu þau eftir fundi með bæjarstjóra og komu svo færandi hendi með athugasemdir á blaði fyrir bæjarstjóra.

Félags- og barnamálaráðherra hefur framlengt sérstaka frístundastyrki fyrir börn sem búa á tekjulægri heimilum þar sem markmiðið er að jafna tækifæri þeirra til þátttöku í skipulögðu íþrótta- og tómstundastarfi og verður nú hægt að sækja um styrki út árið 2021.