Fréttasafn

Umhverfisganga bæjarstjóra stóð yfir dagana 9.-12. ágúst. Í göngunni voru Umhverfisverðlaun Stykkishólmsbæjar veitt í fyrsta sinn. Á miðvikudagskvöldi var m.a. gengið um Sundabakkann og voru Árþóra Steinarsdóttir og Björn Benediktsson þar verðlaunuð fyrir snyrtilegan garð og umhverfi. Við hlið lóðar þeirra er bæjarland sem þau hjón hafa tekið í fóstur, plantað trjám, slegið gras og snyrt til.

Eins og bæjarbúar hafa eflaust tekið eftir stendur nú yfir undirbúningur fyrir umfangsmiklar malbikunarframkvæmdir í Stykkishólmi. Malbikunarframkvæmdir munu standa yfir frá föstudegi til þriðjudags en u.þ.b. 10.000 fermetrar verða malbikaðir í Stykkishólmi.

Vegna framkvæmda á hafnarsvæði þarf að fjarlæga alla bíla af bílastæðinu fyrir neðan Súgandisey fyrir nk. laugardagsmorgun.

Í dag er verið að steypa sökkulinn á nýju viðbyggingunni í leikskólanum og eru vægast sagt mjög áhugasamir áhorfendur á svæðinu. Þetta verður spennandi dagur.

Umhverfisganga verður í Stykkishólmi dagana 9. til 12. ágúst. Þar mun bæjarstjóri ásamt formönnum umhverfis- og náttúrverndarnefndar og skipulags- og byggingarnefndar Stykkishólmsbæjar og öðrum fulltrúum bæjarins, ganga með íbúum um hverfi Stykkishólmsbæjar og huga að nánasta umhverfi.

Amtsbókasafnið í Stykkishólmi verður lokað vikuna 9.-13. ágúst. Engar bækur eru með skiladag á þeim tíma og engar sektir reiknast á bækur sem komnar eru í vanskil.Beðist er velvirðingar á þeim óþægindum sem þetta kann að valda.

Í dag settu starfsmenn þjónustumiðstöðvar upp nýtt skilti við innkomuna í bæinn sem býður fólk velkomið í Hólminn.

Þessa dagana hefur verið unnið að uppsetningu 9 holu frisbígolfvallar í holtinu fyrir ofan íþróttavöllinn og grunnskólann. Fyrsta brautin liggur frá grunnskólanum og er kastað í átt að þjónustuhúsi tjaldsvæðis. Völlurinn rekur sig svo í kringum holtið og upp á það.

Umhverfis- og náttúruverndarnefnd Stykkishólmsbæjar óskar eftir tilnefningum frá íbúum vegna umhverfisverðlauna Stykkishólmsbæjar 2021, en viðurkenningin er veitt í fyrsta sinn nú í ár og verða viðurkenningar til einstaklinga veittar í umhverfisgöngunni sem fram fer dagana 9. til 12. ágúst nk.

Bæjarstjórn Stykkishólmsbæjar samþykkti þann 24. júní 2021 að auglýsa tillögu að breytingu á deiliskipulagi Nónvík við Hjallatanga 48 Stykkishólmi. Tillagan er auglýst samkvæmt 1. mgr. 43. gr. skipulagslaga nr. 123/2010.