Fréttir

Loksins getum við blótað þorrann saman aftur! Þorrablótsnefndin, í samstarfi við Fosshótel, Snæfell og Stykkishólmsbæ mun halda þorrablótið í íþróttahúsinu í Stykkishólmi þann 4. febrúar nk.

Leikskólinn í Stykkishólmi auglýsir lausa 100% stöðu í afleysingar í 6 mánuði, viðkomandi þarf að geta hafið störf sem fyrst. Góð íslensku kunnátta er skilyrði, færni í samskiptum er nauðsynleg og metnaður fyrir leikskólakennslu. Vakin er athygli á því að ef ekki fást leikskólakennarar til starfa, munu aðrar umsóknir koma til greina. Reynsla af uppeldis-og kennslustörfum með ungum börnum er æskileg og viðkomandi þarf að geta unnið undir miklu álagi.

Búið er að riðja gönguskíðabraut á íþróttavellinum og eru gönguskíðagarpar hvattir til að nýta sér það. Til stendur að riðja fljótlega aðra braut á golfvellinum líkt og gert var í fyrra. Það var Kristján Auðunsson sem ruddi brautina með þar til gerðum búnaði og eru honum færðar þakkir fyrir. Þá má einnig þakka Heimi Stellu fyrir að blása af skautasvellinu við flugvöllin sem er nú klárt. Því er um að gera að skerpa skautana og drífa sig á svellið.

Á þrettándanum kveðjum við jólahátíðina, síðasti jólasveinninn heldur til fjalla og spyrst þá ekkert til þeirra bræðra fyrr en um næstu jól. Kveikt verður í þrettándabrennu við Vatnsás fyrir innan tjaldsvæðið föstudaginn 6. janúar. Útlit er fyrir rólega og hagstæða vindátt en verði breyting þar á sem setur stirk í reikninginn verður tilkynnt um það á vefsíðu sveitarfélagsins. Þrettándagleðin hefst kl. 17.30 við golfskálann.

Sorphirðudagatal fyrir árið 2023 er komið út og má nálgast það hér að neðan. Einnig eru komnar uppfærðar flokkunarleiðbeiningar í takt við nýja flokkunarkerfið sem innleitt verður um allt land á þessu ári. En eins og íbúum er kunnugt um tók sameinað sveitarfélag Stykkishólmsbæjar og Helgafellssveitar fjórðu tunnuna í notkun 21. desember sl.

Helga Guðjónsdóttir atvinnuráðgjafi SSV, Sigursteinn Sigurðsson menningarfulltrúi SSV og Kristján Guðmundsson fulltrúi áfangastaða- og markaðsstofu Vesturlands verða í Ráðhúsinu í Stykkishólmi þriðjudaginn 3. janúar kl. 10:00 – 11:30. Áhugasamir eru hvattir til að nýta sér þjónustu þeirra.

Föstudaginn 6. janúar 2023 verður kveikt í þrettándabrennu við Vatnsás í landi Stykkishólms. Fólk hvatt til þess að  rifja upp gömlu góðu þrettándalögin. Björgunarsveitin Berserkir verður með flugeldasýningu.

Áttundi fundur bæjarstjórnar Stykkishólmsbæjar og Helgafellssveitar fer fram fimmtudaginn 29. desember kl. 17:00 í bæjarstjórnarsal.

Hefð hefur skapast fyrir því að veita viðurkenningu fyrir best skreytta húsið í Stykkishólmi fyrir jólin. Nemendur níunda bekkjar grunnskólans sáu um valið og veittu viðurkenninguna að lokinni friðargöngu á Þorláksmessu. Það voru þau Ellert og Jóhanna að Skólastíg 2 sem hlutu viðurkenningu fyrir fallega skreytingu þetta árið. Við óskum þeim innilega til hamingju.

Á Þorláksmessu kl. 18.00 verður gengið til friðar frá Hólmgarði niður á Pláss. Fjölmennum og sýnum friðarvilja okkar í verki. Nemendur níunda bekkjar selja rafkerti og heitt súkkulaði. Tilkynnt verður um val á best skreytta húsinu í Stykkihólmi.