Ungmennaráðstefnan Ungt fólk og lýðræði

Sveitarfélagið óskar eftir áhugasömum ungmennum til að taka þátt í ungmennaráðstefnunni Ungt fólk og lýðræði sem fer fram dagana 22. – 24. september á Reykjum í Hrútafirði.

Yfirskrift ráðstefnunnar í ár er, að jörðu skaltu aftur verða og vísar hún til umhverfis- og loftlagsmála.

Eins og nafnið gefur til kynna er ráðstefnan fyrir ungt fólk á aldrinum 16 – 25 ára. Ekki þarf að vera í ungmennaráði eða félagi til þess að taka þátt. Ráðstefnan er opin fyrir öll ungmenni á tilsettum aldri.

Áhugasömum er bent á að setja sig í samband við Magnús Bæringsson, tómstunda- og æskulýðsfulltrúi, magnus@stykkisholmur.is sem veitir nánari upplýsingar um málið.

• Hér er að finna ráðstefnuna á facebook: https://fb.me/e/1qik5mAZc
• Hér er að finna skráningarhlekk: https://forms.gle/WSuzHVkMWWyG8KLV9
• Hér er að finna nánari upplýsingar á heimasíðu UMFÍ: https://www.umfi.is/vidburdir/ungt-folk-og-lydraedi/