Æskulýðs- og íþróttanefnd

Kristín Þorleifsdóttir, skipulagsfulltrúi Stykkishólmsbæjar, gerir grein fyrir sinni vinnu og stöðu mála vegna vinnu við göngustígakerfi Stykkishólmsbæjar.

Bæjarstjórn staðfesti, á 404. fundi sínum, beiðni Önnu Sigríðar Gunnarsdóttur og Önnu Ingibjargar Hallgrímsdóttur sem óskuðu eftir leyfi fyrir uppsetningu saunatunnu við bráðabirgðaaðstöðu Sjósundfélags Stykkishólms sem liggur í landi Stykkishólmsbæjar við Móvík. Skipulags- og byggingarnefnd samþykkti, á 255. fundi sínum, fyrir sitt leyti að veita tímabundið leyfi fyrir saunatunnu við aðstöðu sjósundsfélagsins í Móvík með fyrirvara um athugasemdir byggingarfulltrúa og samþykki bæjarráðs. Bæjarráð samþykkti, á 633. fundi sínum, til bráðbirgða að veita leyfi fyrir saunatunnu við aðstöðu sjósundsfélagsins í Móvík. Bæjarráð benti á að þetta svæði er skipulagt íbúðasvæði og staðsetningin verður að vera með samþykki Stykkishólmsbæjar.

Góð þátttaka var í umhverfisgönguna fyrr á þessu ári en alls tóku vel á annað hundruð íbúa þátt í göngunni. Tilgangur göngunnar er að efna til samtals um nánasta umhverfi, hvað megi betur fara í frágangi og umhirðu bæjarins auk þess að miðla upplýsingum frá Stykkishólmsbæ um framkvæmdir. Fjölmargar gagnlegar ábendingar bárust, auk þess má út frá þeim umræðum sem áttu sér stað í göngunni gera sér hug um hvað íbúum finnst að betur mætti fara í almennri umhirðu bæjarins og haga verkefnum í samræmi við það. Lagðar eru fram athugasemdir sem bárust í göngunni í ár ásamt athugasemdum frá göngunni 2018.

Lögð fram próförk fyrir umfjöllun um Stykkishólmsbæ í ritinu Ísland 2020, atvinnuhættir og menning. Þar er m.a. fjallað um öflugt íþróttastarf sem unnið er í bænum, atvinnulíf og menningu í Stykkishólmi. Ritið fer í dreifingu á árinu 2022

Lagt fram bréf til allra sveitarstjórna vegna þingsályktunar um forvarnir meðal barna og ungmenna gegn kynferðislegu og kynbundnu ofbeldi og áreitni.

Undir lok síðasta mánaður var undirritaður samstarfssamningur milli Snæfells og Stykkishólmsbæjar um eflingu íþróttastarfs. Með tilkomu samningsins aukast fjárframlög Stykkishólmsbæjar til Snæfells töluvert.

Byggingarfulltrúi Stykkishólmsbæjar mætir til fundar við nefndina og gerir grein fyrir hugmyndum um endurbætur á búningsklefum og öðru skipulagi innan íþróttamiðstöðvar.

Á 625. fundi bæjarráðs var samþykkt að fela bæjarstjóra að hefja viðræður við Snæfell um umsjón með uppbyggingu íþróttamannvirkja á skólalóð og leggja fyrir bæjarráð niðurstöðu þeirra viðræðna. Á 627. fundi bæjarráðs samþykkti bæjarráð uppbyggingu körfuknattleiksvallar á skólalóð grunnskólans, í samræmi við fyrirliggjandi gögn og fjárfestingaráætlun bæjarins, og fól bæjarstjóra að ganga til samninga við Snæfell um uppbygginguna. Snæfell afhenti svo Stykkishólmsbæ formlega nýjan og upphitaðan körfuboltavöll á lóð grunnskólans undir lok síðasta mánaðar.

Á 625. fundi bæjarráðs fór fram kynning VSÓ ráðgjafar vegna vinnu við umferðaröryggisáætlun Stykkishólmsbæjar og lögð fram drög að umferðaröryggisáætlun bæjarins.

Bæjarráð vísaði umferðaröryggisáætlun Stykkishólmsbæjar til umsagnar í fastanefndir bæjarins.

Lagðar eru fram til umsagnar gjaldskrár Stykkishólmsbæjar 2022, í samræmi við afgreiðslu 632. fundar bæjarráðs þann 21. október sl., eins og þær voru samþykktar á 403. fundi bæjarstjórnar þann 28. október sl, þar sem þeim var vísað til síðari umræðu Í bæjarstjórn. Gjaldskrár taka mið af fyrirliggjandi forsendum og markmiðum við gerð fjárhagsáætlunar sem samþykkt voru á 402. fundi bæjarstjórnar 30. september sl.

Lögð fram til umsagnar fjárhagsáætlun Stykkishólmsbæjar fyrir árið 2022 ásamt þriggja ára áætlun áranna 2023-2025. Bæjarráð samþykkti, á 632. fundi sínum, fjárhagsáætlun Stykkishólmsbæjar ársins 2022 ásmat þriggja ára áætlun árana 2023-2025. Bæjarráð vísaði fjárhagsáætlun til fyrri umræðu í bæjarstjórn. Bæjarstjórn samþykkti framlagða fjárhagsáætlun fyrir árið 2022 og þriggja ára áætlun fyrir tímabilið 2023-2025 og vísaði henni til frekari umfjöllunar í bæjarráði og til síðari umræðu í bæjarstjórn.