Bæjarstjórn

Lagðar fram lóðaumsóknir fyrir lóðina Aðalgata 16 frá Jóni Þór Jónssyni annars vegar og hinsvegar frá Júlíusi Þór Júlíussyni. Bæjarráð samþykkti á 630. fundi sínum að úthluta Júlíusi Júlíussyni lóðini Aðalgata 16, samkvæmt þeim
reglum sem gilda um úthlutun lóða hjá Stykkishólmsbæ, með þeim fyrirvara að enginn sæki um lóðina innan auglýsingafrests, sem veittur er til 30. ágúst 2021, en lóðin var auglýst laus til úthlutunar á heimasíðu Stykkishólmsbæjar til þess tíma, en umsókn Jóns Þórs Jónssonar barst innan auglýsingafrests.

Fyrir liggja því tvær umsóknir um lóðina Aðalgata 16 og í samræmi við reglur Stykkishólmsbæjar um úthlutun á lóðum fyrir íbúðar- og atvinnuhúsnæði vísaði bæjarráð, á 631. fundi sínum, úthlutun til bæjarstjórnar þar sem degið skal um hver fær lóðinni úthlutað, sbr. 1.1. gr. reglnanna.

Lögð fram fundargerð skipulags- og bygginganefndar nr. 254

Lögð fram fundargerð atvinnu- og nýsköpunarnefndar nr. 8

Lögð fram fundargerð skóla- og fræðslunefndar nr. 186.

Lögð fram fundargerð bæjarráðs nr. 631.

Lögð fram áætlun Stykkishólmshafnar um móttöku og meðhöndlun úrgangs frá skipum.

Lagðar fram fundargerðir 119., 120. og 121. fundar stjórnar byggðasamlags um rekstur félags- og skólaþjónustu Snæfellinga.

Lögð fram fundargerð 3. og 4. fundar starfshóps um stefnumörkun Stykkishólmsbæjar í málefnum einstaklinga 60 ára og eldri.

Lagt fram þakkarbréf frá Jean-Paul Devenau, fh. Acadian Seaplants, ásamt tölvubréfi frá Jean-Pierre Brien þar sem stuttlega er greint frá helstu þáttum í þeirri vinnu sem innt hefur verið af hendi á síðustu misserum í tengslum við stofnsetningu þangvinnslu í Stykkishólmi ásamt tímaáætlun verkefnisins, en samkvæmt áætlun verkefnisins gert er ráð fyrir að framkvæmdir hefjist í ágúst 2022 og að vinnslan taki til starfa í maí 2023.

Bæjarráð þakkaði Jean-Paul Devenau fyrir svarbréfið á 631. fundi sínum. Bæjarráð þakkaði jafnframt Jean-Pierre Brien fyrir veittar upplýsingar um stöðu verkefnisins.

Þá lýsti bæjarráð ánægju sinni með þá miklu vinnu sem innt hefur verið af hendi á síðustu misserum af hálfu fyrirtækisins og hefur skilning á að COVID-19 faraldurinn hafi haft áhrif á framgang verkefnisins. Nú þegar vonandi fer að sjá fyrir endann á þessum faraldri taldi bæjarráð mikilvægt að samstarfsaðilar viljayfirlýsingar um rannsóknir og nýtingu þangs í Stykkishólmi vinni markvisst að undirbúningi atvinnu- og innviðauppbyggingar í Stykkishólmi í tengslum við fyrirhugaða nýtingu þangs í Breiðafirði svo að verkefnið geti staðist fyrirliggjandi tímaáætlun verkefnisins um að hefja framkvæmdir á árinu 2022 og starfsemi á árinu 2023.

Bæjarráð lagði áherslu á, með vísan til undirritaðrar viljayfirlýsingar, að Veitur og Acadian Seaplants komist að samkomulagi sem fyrst um það sem út af stendur í viðræðum félaganna.

Einnig er lögð fram undirrituð viljayfirlýsing Stykkishólmsbæjar, Atvinnuvega- og nýsköpunarráðuneytisins, Veitna og Acadian Seaplants, dags. 16. júní 2021, um samstarf um sjálfbæra atvinnu- og innviðauppbyggingu í Stykkishólmi í tengslum við fyrirhugaða auðlindanýtingu þangs í Breiðafirði þar sem lýst er yfir vilja til þess að aðilar vinni saman að því að nýta fyrirliggjandi tækifæri til atvinnu- og verðmætasköpunar í Stykkishólmi á grunni sjálfbærrar nýtingar auðlinda og styðja við verkefnið á grunni þess sem fram kemur í viljayfirlýsingunni. Þá hefur Acadian Seaplants Ltd. sent fyrir hönd óstofnaðs einkahlutafélags á Íslandi, formlega umsókn um lóðina við Kallhamar (NV við flugvöll) til uppbyggingar á þörungastarfsemi og óskað eftir því að Stykkishólmsbær gangi til samninga við félagið um lóðina.

Atvinnu- og nýsköpunarnefnd hvatti, á 8. fundi sínum, bæjarstjóra og bæjarstjórn að fylgja vel á eftir viljayfirlýsingu Stykkishólmsbæjar, atvinnuvega- og nýsköpunarráðuneytisins, Veitna og Acadian Seaplants frá 16. júní sl., um samstarf um sjálfbæra atvinnu- og innviðauppbyggingu í Stykkishólmi í tengslum við fyrirhugaða auðlindanýtingu þangs í Breiðafirði og að ganga til samninga við félagið um lóðina við Kallhamar. Bæjarráð tók, á 631. fundi sínum, undir hvatningu atvinnu- og nýsköpunarnefndar.

Lögð fram ályktun Stykkishólmsbæjar vegna Breiðafjarðarferjunnar Baldurs, dags. 12. mars 2021, og bókun bæjarstjórnar Stykkishólmsbæjar, dags. 29. mars 2021, um sama efni, en atvinnu- og nýsköpunarnefnd tók undir ályktanir bæjarstjórnar á síðasta fundi sínum, en bæjarstjórn Stykkishólmsbæjar lagði áherslu á að eina lausnin til lengri tíma væri að ný og öflug ferja sem uppfyllir allar nútíma öryggiskröfur, taki mið af stefnu stjórnvalda í umhverfismálum og mæti þörfum atvinnulífs hefji siglingar eins fljótt og verða má. Nauðsynlegt sé að stefnumótun til framtíðar þarf að hefjist nú þegar með þátttöku sveitarfélaganna sem þjónusta ferjuna.

Atvinnu- og nýsköpunarnefnd óskaði, á 8. fundi sínum, eftir upplýsingum frá Vegagerðinni um stöðu á vinnu við þarfagreiningu fyrir Breiðafjarðarferju sem Vegagerðin fól NAVIS ehf. að vinna að og hver séu næstu skref samgönguyfirvalda. Nefndin hvatti einnig bæjarstjórn til að afla breiðrar samstöðu sveitarfélaga og þingmanna á Vesturlandi og Vestfjörðum svo þessi brýna samgöngubót verði að veruleika sem allra fyrst.

Bæjarráð staðfesti, á 631. fundi sínum, ályktun atvinnu- og nýsköpunarnefndar og tók undir mikilvægi samstöðu sveitarfélaga á Vesturlandi og Vestfjörðum og þingmanna NV kjördæmis svo þessi brýna samgöngubót verði að veruleika sem allra fyrst.

Á 186. fundi skóla- og fræðslunefndar var lögð fram skýrsla skólastjórnenda Leikskólans í Stykkishólmi og tillögur um opnanir milli jóla og nýárs, dimbilviku og aðdraganda sumarleyfa. Í bókun fundarins er tiltekið að þetta fyrirkomulag hafi reynst vel, að mati nefndarinnar, á þessum tímabilum nú í ár.

Skóla- og fræðslunefnd samþykkti framlagðar tillögur fyrir sitt leyti með breyttu orðalagi þar sem óskað verður eftir skráningu barna í stað umsóknar.

Bæjarráð samþykkti , á 631. fundi sínum, tillögur um opnanir milli jóla og nýárs, dimbilviku og aðdraganda sumarleyfa.

Lögð fram tillaga að nýrri Svæðisáætlun um meðhöndlun úrgangs 2021-2032 sem tekur til starfssvæðis fjögurra sorpsamlaga og 32 sveitarfélaga á suðvesturhluta landsins. Áætlunin er unnin af samstarfsvettvangi sorpsamlaganna á grundvelli samkomulags sem gert var 15. maí 2009, og á grundvelli samþykktar samstarfsvettvangsins frá 11. maí 2017. Bæjarráð fól bæjarstjóra, á 631. fundi sínum, að semja drög að umsögn f.h. Stykkishólmsbæjar.

Lögð fram nýútkomin skýrsla þriggja ráðuneyta um störf án staðsetningar, staða og framtíðarhorfur. Í skýrslunni eru settar fram tillögur sem miða að því að fjölga auglýsingum ríkisstarfa án staðsetningar á næstu árum. Mjög misjafnt er hve ráðuneyti og stofnanir ríkisins telja mörg störf innan sinna vébanda geta unnist án tiltekinnar staðsetningar.

Atvinnu- og nýsköpunarnefnd fagnaði, á 8. fundi sínum, skýrslunni og telur hana mikilvæga í þeirri viðleitni að fleiri störf ríkisins verði skilgreind að geta unnist án tiltekinnar staðsetningar. Nefndin hvatti íbúa Stykkishólms að sækja um áhugaverð störf hjá ríkinu sem eru auglýst eru án staðsetningar á Starfatorg.is. Jafnframt hvatti nefndin bæjarstjórn Stykkishólms að sækja fleiri opinber störf til Stykkishólms.

Bæjarráð tók, á 631. fundi sínum, undir ályktun atvinnu- og nýsköpunarnefndar og vísaði málinu til bæjarstjórnar.

Lögð fram að nýju vinnslutillaga að breytingu á Aðalskipulagi Stykkishólmsbæjar 2002-2022 ásamt minnisblaði frá Matthildi Kr. Elmarsdóttur hjá ráðgjafafyrirtækinu Alta.

Lýsing fyrir skipulagsverkefnið var auglýst og birt þann 3. mars 2021 (sbr. 1. mgr. 30. gr. skipulagslaga með vísan í 36. gr. laganna), með fresti til ábendinga fyrir lok mars. Jafnframt var tillagan send til eftirtaldra aðila og þeim gefinn sami frestur til umsagnar: Félag atvinnulífs í Stykkishólmi, Ferðamálasamtök Snæfellsness, Heilbrigðiseftirlit Vesturlands, Samtök ferðaþjónustunnar, Slökkvilið Stykkishólms og nágrennis, Sýslumaðurinn á Vesturlandi og svæðisskipulagsnefnd Snæfellsness. Ábendingar sem bárust við lýsinguna voru til umfjöllunar á fundi skipulags- og byggingarnefndar þann 12. apríl 2021 og voru hafðar til hliðsjónar við frekari vinnslu tillögunnar.

Vinnslutillaga að breytingu á aðalskipulagi vegna gististaða í íbúðarbyggð var auglýst, í samræmi við 2. mgr. 30. gr. skipulagslaga og birt á vef sveitarfélagsins þann 18. maí 2021 og auglýst í Skessuhorni þann 19. maí 2021. Tillagan var jafnframt send til ofangreinda umsagnaraðila. Umsagnar- og athugasemdafrestur var til 9. júní 2021.

Eftirtaldir umsagnaraðilar skiluðu umsögn um vinnslutillöguna: Ferðamálasamtök Snæfellsness, Svæðisskipulagsnefnd Snæfellsness og Heilbrigðiseftirlit Vesturlands. Ferðamálasamtökin og svæðisskipulagsnefnd gerðu engar athugasemdir en Heilbrigðiseftirlitið lagði áherslu á að reglur um hljóðvist, bílastæði og sorphirðu yrðu settar fram með sem skýrustum hætti.

Eftirtaldir aðilar gerðu athugasemdir við vinnslutillöguna: Unnur Steinsson f.h. Hótel Fransiskus, Sigríður Jóhannesdóttir, Gunnlaugur Auðunn Árnason og Halldór Árnason f.h. Sjávarborgar og Sigurbjartur Loftsson. Athugasemdirnar snúa að rekstrarumhverfi, atvinnusköpun, fasteignagjöldum, samkeppnisstöðu, eftirliti, skipulagsviðmiðum og skýringum og rökum fyrir þeim. Á 253. fundi skipulags- og byggingarnefndar 19. júlí s.l. var farið var yfir innsendar athugasemdir og þær ræddar en erindinu vísað til frekari úrvinnslu.

Skipulags- og byggingarnefnd fjallaði á 254. fundi sínum um framkomnar ábendingar og athugasemdir við vinnslutillöguna og flokkaði þær í tvö meginefnisatriði og eru viðbrögð nefndarinnar við þeim lagðar fram til staðfestingar.

Skipulags- og byggingarnefnd felur skipulagsfulltrúa að lagfæra breytingatillöguna til samræmis við ofangreind svör og leggur til við bæjarstjórn að tillagan verði auglýst samkvæmt 31. gr. skipulagslaga nr. 123/2010 að undangenginni athugun Skipulagsstofnunar í samræmi við 3. mgr. 30. gr. skipulagslaga. Skipulagsfulltrúa er falið að senda Skipulagsstofnun skipulagstillöguna til yfirferðar í samræmi við 3. mgr. 30. gr. skipulagslaga.

Bæjarráð samþykkti, á 631. fundi sínum, tillöguna og lagði til við bæjarstjórn að samþykkja tillöguna og að hún verði auglýst samkvæmt 31. gr. skipulagslaga nr. 123/2010 að undangenginni athugun Skipulagsstofnunar í samræmi við 3. mgr. 30. gr. skipulagslaga. Bæjarráð fól jafnframt skipulagsfulltrúa að senda Skipulagsstofnun skipulagstillöguna til yfirferðar í samræmi við 3. mgr. 30. gr. skipulagslaga.

Lögð fram tillaga að deiliskipulagi fyrir Súgandisey. Markmiðið með deiliskipulaginu er að móta ramma fyrir göngu- og náttúruupplifun á eyjunni og tryggja jafnframt öryggi sjófarenda með sjótengdum mannvirkjum. Skipulagstillagan byggir á núverandi aðstæðum og niðurstöðum úr hugmyndasamkeppni um skipulag og hönnun útsýnisstaðar á eyjunni.

Lýsing deiliskipulagsverkefnisins var auglýst á heimasíðu bæjarins 4. maí 2021 og prentað eintak haft til sýnis í ráðhúsinu. Frestur til að gera athugasemdir var til og með 3. júní 2021. Engar athugasemdir við lýsinguna bárust. Lýsingin var einnig send til umsagnar hjá eftirfarandi stofnunum: Skipulagsstofnun, Heilbrigðiseftirlit Vesturlands, Minjastofnun Íslands, Náttúrufræðistofnun Íslands, Náttúrustofa Vesturlands, Umhverfisstofnun, Vegagerðinni, Breiðarfjarðarnefnd og Svæðisskipulagsnefnd sveitarfélaganna fimm á Snæfellsnesi og bárust umsagnir frá öllum nema Heilbigðiseftirliti Vesturlands og og Náttúrustofu Vesturlands. Lýsingin var einnig lögð fyrir á 90. fundi hafnarstjórnar Stykkishólmshafnar, sem gerði engar athugasemdir. Við áframhaldandi vinnslu tillögunnar hefur verið tekið tillit til ábendinga sem fram komu í umsögnum ofangreindra hagsmunaaðila. Á 400. fundi bæjarstjórnar þann 26.júní s.l., samþykkti bæjarstjórn lýsingu deiliskipulagsins og vísaði til áframhaldandi deiliskipulagsvinnu og kynningar meðal bæjarbúa.

Á 629. fundi bæjarráðs var lögð fram tillaga að deiliskipulagi fyrir Súgandisey ásamt greinagerð og samþykkti bæjarráð, í umboði bæjarstjórnar, að tillagan verði kynnt fyrir bæjarbúum samkvæmt 4. mgr. 40 gr. skipulagslaga nr. 123/2010, í samræmi við tillögu skipulags- og byggingarnefndar þar um. Deiliskipulagstillagan var kynnt á heimasíðu bæjarins 20. ágúst s.l. og var opinn dagur á skrifstofu sveitarfélagsins þann 25. og 26. ágúst 2021 þar sem allir voru velkomnir til að kynna sér deiliskipulagstillöguna og koma á framfæri athugasemdum og/eða ábendingum. Engar frekari athugasemdir eða ábendingar um deiliskipulagstillöguna bárust á opnum dögum, en athugasemdir eða ábendingar sem berast eftir opna daginn verða teknar til meðferðar eftir auglýsingafrest, eftir atvikum ásamt öðrum athugasemdum.

Skipulags- og byggingarnefnd samþykkir tillöguna á 254. fundi sínum og lagði til við bæjarstjórn að tillagan, þ.e. uppdráttur og greinargerð ásamt húsakönnun, verði auglýst í samræmi við 1. mgr. 41. gr. skipulagslaga.

Bæjarráð samþykkti, á 631. fundi sínum, tillöguna og lagði til við bæjarstjórn að samþykkja hana, þ.e. uppdrátt og greinargerð ásamt húsakönnun, og að hún verði auglýst í samræmi við 1. mgr. 41. gr. skipulagslaga.

Lagður fram viðauki 2 við fjárhagsáætlun Stykkishólmsbæjar. Bæjarráð samþykkti, á 631. fundi sínum, viðauka 2 við fjárhagsáætlun 2021-2024 og lagði til við bæjarstjórn að samþykkja hann.

Lögð fram beiðni Stykkishólmsbæjar um lán fyrir Stykkishólmsbæ á árinu 2021 að fjárhæð kr. 195.000.000, í samræmi við fjárhagsáætlun Stykkishólmsbæjar, og samþykki Lánasjóðs sveitarfélaga á beiðninni, en á 625. fundi bæjarráðs var umrædd lántaka samþykkt. Á 397. fundi bæjarstjórnar var samþykktur lánssamningur hjá Lánasjóði sveitarfélaga að höfuðstól kr. 100.000.000. Í samræmi við samþykkta beiðni er lagt til að gengið verði frá síðari lántöku Stykkishólmsbæjar og að lagður verði fyrir bæjarstjórn Stykkishólmsbæjar til samþykktar lánssamningur ásamt fylgigögnum milli Lánasjóðs sveitarfélaga sem lánveitanda og Stykkishólmsbæjar sem lántaka um lán að fjárhæð kr. 95.000.000 hjá Lánasjóði sveitarfélaga ohf.

Bæjarráð samþykkti tillöguna á 631. fundi sínum og lagði til við bæjarstjórn að samþykkja að taka lán hjá Lánasjóði sveitarfélaga að höfuðstól allt að kr. 95.000.000 samræmi við fyrirliggjandi skilmála að lánasamningi.

Lagðar fram forsendur fjárhagsáætlunar Stykkishólmsbæjar 2022-2025, ásamt minnisblaði Sambands íslenskra sveitarfélaga um helstu forsendur fjárhagsáætlana sveitarfélaga 2022-2025.

Bæjarráð samþykkti, á 631. fundi sínum, forsendur fjárhagsáætlunar Stykkishólmsbæjar 2022-2025 og lagði til við bæjarstjórn að samþykkja þær.

Lagt fram bréf frá bæjarstjórn Grundarfjarðarbæjar þar sem boðið er til óformlegs samtals/viðræðna um stöðu og valkosti í sameiningarmálum á Snæfellsnesi.

Minnispunktar bæjarstjóra lagðir fram til kynningar.