Bæjarráð

Lögð fram fundargerð safna- og menningarmálanefndar nr. 115.

Lögð fram 5. fundargerð velferðar- og jafnréttismálanefndar.

Lögð fram opinber útgáfa fundargerðar 196. fundar félagsmálanefndar Snæfellinga sem fram fór þriðjudaginn 4. október sl.

Lagðar eru fram skýrslur um starfsemi Náttúrustofu Vesturlands 2019 og 2020 auk ársreikninga fyrir sömu ár.

Lagðar fram fundargerðir frá fundum Heilbrigðisnefndar vesturlands nr. 169 og 170 ásamt verklagsreglum um númerslausar bifreiðar og fleira.

Lögð fram 20. fundargerð stýrihóps um hönnun og framkvæmdir á HVE Stykkishólmi ásamt minnisblaði frá vettvangsheimsókn stýrihóps í Stykkishólm þann 01.10.2021.

Lagt fram bréf frá samgöngu- og sveitarstjórnarráðuneytinu til sveitarfélaga vegna nýrra leiðbeininga og fyrirmyndar að samþykkt um stjórn sveitarfélaga.

Á fundi stjórnar Sambands íslenskra sveitarfélaga sem haldinn var þann 24. september sl., var fjallað um verkefni sem snúa að uppbyggingu íbúðarhúsnæðis á landsbyggðinni. Lögð eru fram gögn tengd málinu, m.a. minnisblað húsnæðis- og mannvirkjastofnunar og viljayfirlýsing félagsmálaráðuneytis, húsnæðis- og mannvirkjastofnunar og sambands íslenskra sveitarfélaga.

Lögð fram gögn í tengslum við vinnu starfshóps á vegum Stykkishólmsbæjar, Samtaka sveitarfélaga á Vesturlandi og Byggðastofnunar um eflingu atvinnulífs í Stykkishólmi.

Markmið verkefnisins er að efla samfélagið og byggð í Stykkishólmi með því að skapa ný atvinnutækifæri. Í því sambandi þarf að greina þau tækifæri sem liggja í svæðisbundnum styrkleikum, þ.m.t. staðbundnum innviðum og auðlindum svæðisins, til eflingar atvinnulífs í Stykkishólmi, og styðja við það, m.a. með auknum rannsóknum og vísindastarfsemi, og efla þannig núverandi atvinnurekstur í Stykkishólmi og stuðla að atvinnuþróun og nýsköpun í atvinnulífi.

Bæjarstjóri gerir grein fyrir vinnu starfshópsins.

Bæjarstjóri gerir grein fyrir stöðu mála og næstu skrefum í tengslum við viljayfirlýsingu milli Stykkishólmsbæjar, atvinnuvega- og nýsköpunarráðuneytisins, Veitna og Acadian Seaplants um samstarf um sjálfbæra atvinnu- og innviðauppbyggingu í Stykkishólmi í tengslum við fyrirhugaða nýtingu þangs í Breiðafirði.

Lagt fram 9 mánaða bráðbirgðauppgjör Stykkishólmsbæjar 2021.

Lögð fram drög að samstarfssamningi milli Stykkishólmsbæjar og Rannsóknaseturs Háskóla Íslands á Snæfellsnesi.

Lögð var fram að nýju tillaga að deiliskipulagi miðbæjar austan við Aðalgötu.

Reiturinn afmarkast af Aðalgötu og Víkurgötu til vesturs, Austurgötu til norðurs og lóðarmörk húsa við Skúlagötu til austurs. Svæðið er um 1,7 ha að stærð og að mestu fullbyggt. Markmið tillögunnar að skilgreina nýjar lóðir og byggingarreiti sem styrkja gömlu byggðina sem fyrir og einstaka bæjarmynd.

Deiliskipulagstillagan fyrir miðbæ austan Aðalgötu var auglýst frá 19. maí 2021 til með athugasemdafrest til og með 30. Júní, samkvæmt 41. gr. skipulagslaga nr. 123/2010.

Athugasemdir bárust frá eftirtöldum aðilum: Heimi Laxdal Jóhannssyni; Mílu ehf./Svanur Baldursson og Marz Sjávarafurðum/Erlu Björg Guðrúnardóttur; Hjalta Steinþórssyni; Sigurbjarti Loftssyni; og Ýsuheiði ehf./Gesti Hólm.

Á fundi skipulags- og byggingarnefndar 19. júlí s.l. var farið yfir athugasemdirnar og tekin afstaða til þeirra. Málinu var síðan vísað til frekari úrvinnslu. Á fundinum var einnig lögð fram tillaga að breytingu á gildandi deiliskipulagi fyrir miðbæinn þar sem að gamla kirkjan er felld út og hún færð innan marka þessarar skipulagstillögu (sbr. uppdrætti, skilmála og greinagerð frá Bæring Bjarnari Jónssyni, arkitekt).

Skipulags- og byggingarnefnd lagði til, á 254. fundi sínum, við bæjarstjórn að deiliskipulagstillagan Stykkishólmur Miðbær, reitur austan Aðalgötu, þ.e. uppdráttur og greinargerð ásamt húsakönnun, og breyting á deiliskipulaginu Miðbær Stykkishólmur (frá 2003), verði samþykkt með eftirfarandi breytingum vegna athugasemda á áður auglýstri tillögu frá 19.05.2021.

- Byggingarreitur á lóð merkt Víkurgata 1a er færður til á lóð.
- Byggingarreitur fyrir bílskúr á lóð Víkurgötu 5 er færður aftar á lóð.
- Kvaðir verða á lóðum vegna lagnaleiða.
- Gönguleið upp á sýslumannshól/mastri færist yfir á lóð Aðalgötu 7a, í stað áður á lóð Austurgötu 4a.
- Lóðin Víkurgata 7 breytist og stækkar og snúningsstæði við götu fellur út.
- Bætt verði við bílastæði við Aðalgötu 7.

Bæjarráð vísaði, á 631. fundi sínum, erindinu til næsta fundar.

Lögð fram drög að endurskoðaðri menningarstefnu Vesturlands fyrir árinn 2021-2024.

Á haustþingi SSV var ákveðið að vísa menningarstefnu Vesturlands til sveitarfélagana á Vesturlandi til samþykktar. Safna- og menningarmálanefnd tók stefnuna til umfjöllunar á fundi sínum, nr. 115. Nefndin samþykkti stefnuna fyrir sitt leyti og lagði til við bæjarstjórn að samþykkja hana.

Lögð fram tillaga að nýrri Svæðisáætlun um meðhöndlun úrgangs 2021-2032 sem tekur til starfssvæðis fjögurra sorpsamlaga og 32 sveitarfélaga á suðvesturhluta landsins. Áætlunin er unnin af samstarfsvettvangi sorpsamlaganna á grundvelli samkomulags sem
gert var 15. maí 2009, og á grundvelli samþykktar samstarfsvettvangsins frá 11. maí 2017. Bæjarráð fól bæjarstjóra, á 631. fundi sínum, að semja drög að umsögn f.h.
Stykkishólmsbæjar.

Bæjarstjórn staðfesti, á 402. fund sínum, ákvörðun bæjarráðs og fól bæjarráði fullnaðarafgreiðslu á umsögn bæjarins.

Fyrir bæjarráð er lögð fram umsögn Stykkishólmsbæjar um sameiginlega svæðisáætlun um meðhöndlun úrgangs 2021-2032 á Suðvesturlandi.

Samkvæmt 47. gr. samþykktar um stjórn Stykkishólmsbæjar er ungmennaráð skipað sjö fulltrúum á aldrinum 14-24 ára og þremur til vara að fengnum tillögum frá nemendafélagi grunnskólans í Stykkishólmi, nemendafélagi Fjölbrautaskóla Snæfellinga, ungmennafélaginu Snæfelli og æskulýðs- og íþróttanefnd, sbr. erindsbréf ungmennaráðs. Lagðar eru fram tilnefningar í ungmennaráð.

Lögð fram gögn um Hólmgarðinn í Stykkishólmi, minnisblað bæjarstjóra um garðinn og glærukynning bæjarstjóra, sem hann kynnti á félagsfundi Kvenfélagsins Hringsins í Stykkishólmi s.l. mánudag í samræmi við umfjallanir í fastanefndum bæjarins.

Í minnisblaði bæjarstjóra kemur fram að Hólmgarðurinn sé eini lystigarðurinn í bænum en samkvæmt hefðbundinni skilgreiningu merkir orðið lyst: yndi, ánægju, löngun eða fýsn. Garðurinn á sér ríka sögu og gerir staðsetning hans í miðjum bæ hann að miðpunkti og mikilvægum stað í hjarta bæjarins - hann er bæði andrými fyrir einstaklinga, samkomustaður og hátíðarrými fyrir bæjarbúa, gesti og gangandi. Að margra mati er garðurinn orðinn heldur lúinn og þarfnast heildarskipulagningar/hönnunar sem tekur tillit til þarfa mismunandi notenda á mismunandi tímum. Í hönnunarferlinu verður unnið með Kvennfélaginu Hringnum og öðrum hagsmunaaðilum að því að skilgreina þarfir og finna lausnir í útfærslu sérstakra garðrýma, aðstöðu, smábygginga og nauðsynlegra innviða o.fl. Í ferlinu kemur til greina, sé vilji til þess af hálfu Kvenfélagsins, að vinna sérstaklega með Kvenfélaginu að framtíðarsýn hvað Freyjulund varðar, t.d. ef fyrirhugaðar eru breytingar á notkun húsnæðis eða stækkun þess.

Með vísan til framangreinds og fyrirliggjandi gagna leggur bæjarstjóri til að unnið verði heildarskipulag fyrir Hólmgarðinn í Stykkishólmi.

Lögð fram tillaga bæjarstjóra um skipun þriggja manna starfshóps um stefnumörkun opinna grænna svæða innan bæjarmarka í Stykkishólmi sem mun vinna með nýrri deild skipulags- og umhverfismála að tillögum um gróðursetningar og nýtingar á grænum svæðum í bæjarlandinu og að bæjarstjóra verði falið að útfæra nánar erindisbréf starfshópsins í samræmi við fyrirliggjandi greinargerð.

Lögð fram drög að gjaldskrám Stykkishólmsbæjar 2022 sem tekur mið af forsendum fjárhagsáætlunar 2022-2025 sem samþykkt var á síðasta bæjarráðsfundi og bæjarstjórn samþykkti í kjölfar.

Lögð fram til fyrri umræðu fjárhagsáætlun ársins 2022 ásamt þriggja ára áætlun áranna 2023-2025.

Lögð fram ályktun 5. fundar velferðar- og jafnréttismálanefndar þar sem nefndin lýsir þungum áhyggjum yfir mönnun löggæslu í sveitarfélaginu með tilliti til erfiðra félagslegra mála t.d heimilsofbeldi þar sem mikilvægt er að bregðast skjótt við. Nefndinni þykir þannig vegið að nærþjónustu samfélagsins.

Norðurljósin, menningarhátíð í Stykkishólmi, var fyrst haldin í Stykkishólmi í nóvember árið 2010 og hefur verið haldin annað hvert ár síðan, en hátíðin var sett á fót á vegum safna- og menningarmálanefndar Stykkishólmsbæjar eftir að bæjarstjórn tók ákvörðun um að fela nefndinni að stuðla að menningarhátíð í Stykkishólmi. Norðurljósahátíðin var haldin síðast árið 2018. Undanfarin ár hefur safna- og menningarmálanefnd tilnefnt aðila í norðurljósanefnda sem annast undirbúning hátíðarinnar. Norðurljósahátíðin verður næst haldin 2022.

Safna- og menningarmálanefnd lagði á til á 115. fundi sínum að Norðurljósahátíðin verði haldin dagana 20.- 23. október 2022. Safna- og menningarmálanefnd leggur jafnframt til að eftirfarandi aðilar sitji í Norðurljósanefnd: Kristjón Daðasaon, Hjördís Pálsdóttir, Nanna Guðmundsdóttir, Beata Kowalska og Þórunn Sigþórsdóttir sem starfsmaður.