Skipulagsnefnd

Skipulagsnefnd tekur fyrir sitt leyti vel í stækkun hússins sbr. framlagða skissu. Parhúsið er á deiliskipulögðu svæði og þarf sólskálinn því að vera innan byggingarreits skv. deiliskipulagi.

Skipulagsnefnd samþykkir fyrir sitt leyti að lóðarhafi láti vinna óverulega breytingu á deiliskipulagi í samræmi við 2. mgr. 43. gr. skipulagslaga nr. 123/2010. Nefndin minnir á mikilvægi almennra skilmála deiliskipulagsins um stærðir, hlutföll og efnisval/notkun í gamla bænum. Þakform getur verið einhalla eða mænisþak.

Skipulagsnefnd hafnar umsókn um stofnun lóðar utan um skemmu og leggur til að settur verði tímarammi um niðurrif eða flutning skemmunnar.

Skipulagsnefnd samþykkir fyrir sitt leyti að kynna vinnslutillögu deiliskipulags fyrir Agustsonreit með minniháttar breytingum sem ræddar voru á fundinum m.a. að skoða lækkun á húsi framan við Sjávarpakkhús og aðkomuleiðir að bílageymsluhúsi þar sem óljóst er hvort um er að ræða eitt eða tvö bílageymsluhús.
Samhliða vinnslutillögu aðalskipulagsbreytingar og nýs deiliskipulags þarf einnig að kynna breytingu á gildandi deiliskipulagi miðbæjar austan Aðalgötu. Þar sem um mikilvæga breytingu er að ræða, sem kemur til með að hafa mikil áhrif á gamla bæinn, leggur nefndin til að haldnir verði opnir kynningarfundir í Amtbókasafninu þegar tillögurnar eru kynntar á vinnslustigi og þegar þær verða auglýstar.

Skipulagsnefnd samþykkir tillögu framkvæmdaraðila að breytingum í tillögu að breytingu á aðalskipulagi þ.m.t. að draga úr byggingarmagni á VÞ-1. Nefndin felur skipulagsfulltrúa að vinna með skipulagsráðgjafa að uppfæra greinargerð með hliðsjón af breytingum í greinargerð deiliskipulags.

Tillaga skipulagsfulltrúa:
1. Vegna ítrekaðra athugasemda Umhverfisstofnunar, Náttúrufræðistofnunar, Lands og skógar og Breiðafjarðarnefndar, leggur skipulagsfulltrúi til að Land og skógur eða annar þar til bær fagaðili geri úttekt á birkiskógi/kjarri á svæðinu og að niðurstaða úttektarinnar verði lögð fyrir skipulagsnefnd áður en endanlega afstaða verður tekin til skipulags frístundabyggðarinnar. Slík úttekt getur verið byggð á vettvangsathugun eða greiningu úr drónaflugi.
Til þess að draga enn frekar úr umhverfisáhrifum, leggur skipulagsfulltrúi jafnframt til eftirfarandi:
2. Að dregið úr hámarksbyggingarheimild frístundahúsa, íbúðarhúsa og aukahúsa.
3. Að dregið verði úr hámarkshæð gisihýsa í VÞ-2 og VÞ-3 til þess að draga úr sjónrænum áhrifum.
4. Að sameiginlegar innkeyrslur að frístunda- og íbúðarhúsum verði þar sem því verður við komið.
5. Að notuð verði gegndræp yfirborðsefni á innkeyrslur og bílastæði.
6. Að umferð báta á Sauravatni og innanverðum Virgrafirði verði óheimil á varptíma.
7. Að bygging bátahúsa, rampa, bryggja og/eða annarra mannvirkja fyrir báta sé framkvæmdaleyfisskyld og leitað verði umsagna viðeigandi lögbundinna umsagnaraðila.
8. Að lóð nr. 13 verði minnkuð næst Vigrafirði til þess að tengja betur saman náttúru- og minjasvæði þannig að það myndi eitt samfellt svæði.

Skipulagsnefnd (KGJ, HH, AGJ, SHÞ) samþykkir lið 4 en hafnar öðrum liðum. ABV situr hjá vegna skerts aðgengis að fundarmannagátt.

Skipulagsnefnd felur formanni nefndarinnar að uppfæra svör við athugasemdum í samræmi við umræður á fundinum og senda tillögurnar til yfirferðar Skipulagsstofnunar í samræmi við 2. mgr. 32. gr. og 3. mgr. 4.1. gr skipulagslaga nr 123/2010 með fyrirvara um samþykki í bæjarstjórn. Auk minniháttar uppfærslna í greinargerð og umhverfisskýrslu, felur nefndin skipulagsfulltrúa að kalla eftir hnitaskrá og upplýsingum um hámarksbyggingarmagn á hverri lóð og að það verði sýnt á uppdrætti.

ABV situr hjá vegna skerts aðgengis að fundarmannagátt.

Skipulagsnefnd samþykkir að kynna vinnslutillögu fyrir athafnasvæði við Kallhamar í samræmi við 4. mgr. 40. gr. skipulagslaga nr. 123/2010 með þeim minniháttar uppfærslum sem ræddar voru á fundinum. Kynna skal vinnslutillögurnar samhliða breytingu á aðalskipulagi eftir yfirferð Skipulagsstofnunar í samræmi við 3. gr. 30. gr. laganna og vinnslutillögu deilidkipulags athafnasvæðis við Hamraenda.

Skipulagsnefnd samþykkir að kynna vinnslutillögur fyrir athafnasvæðið við Hamraenda í samræmi við 4. mgr. 40. gr. skipulagslaga nr. 123/2010 með þeim minniháttar uppfærslum sem ræddar voru á fundinum. Kynna skal vinnslutillögurnar samhliða breytingu á aðalskipulagi eftir yfirferð Skipulagsstofnunar í samræmi við 3. gr. 30. gr. laganna og vinnslutillögu athafnasvæðis við Kallhamar.

Skipulagsnefnd samþykkir fyrir sitt leyti að hefja vinnu við breytingu á deiliskipulagi. Afmarka skal sérstaka lóð fyrir húsið með hliðsjón af meðfylgjandi uppdrætti.

Skipulagsnefnd tekur vel í fyrirhugaðar breytingar og veitir lóðarhafa heimild til þess að vinna tillögu að deiliskipulagsbreytingu. Nefndin leggur áherslu á að viðbyggingin og nýbyggingin verði í samræmi við núverandi byggingu hvað varðar hlutföll, gluggasetningu og efnisnotkun. Ennfremur skal athuga vel hvort minjar leynist á lóðinni.