Ungmennaráð

Íþrótta- og tómstundafulltrúi gerir grein fyrir erindisbréfi ungmennaráðs.

Samkvæmt erindisbréfi skal ungmennaráð kjósa sér ritara og varaformann á fyrsta fundi auk þess að leggja til formannsefni ráðsins við bæjarstjórn.

Ungmennaráð tilnefnir áheyrnarfulltrúa í eftirfarandi nefndir:



Atvinnu- og nýsköpunarnefnd

Safna- og menningamálanefnd

Skipulagsnefnd

Skóla- og fræðslunefnd

Umhverfis- og náttúruverndarnefnd

Velferðar- og jafnréttisnefnd

Æskulýðs- og íþróttanefnd

Samkvæmt erindisbréfi skal ráðið samþykkja fastákveðin fundartíma.

Lögð fram fundargerð 1. fundar bæjarstjórnar unga fólksins sem fram fór 8. maí 2024. Á fundinum var bæjarstjórn meðal annars hvött til að leggja áherslu á að tryggja félagsmiðstöðinni betra húsnæði fyrir sína starfsemi. Lagar voru fram tillögur að bættri og aukinni götulýsingu og bæjarstjón hvött til að skoða möguleika á tvískiptum sorptunnum á ljósastaura og gefa þannig gangandi vegfarendum kost á að flokka sorp. Þá voru málefni Fjölbrautaskóla Snæfellinga tekin til umræðu og farið yfir niðurstöður úr lýðræðisþingi Grunskólans í Stykkishólmi sem fram fór 15. apríl síðastliðinn. Fulltrúar bæjarstjórnar unga fólksins kölluðu meðal annars eftir aukinni verklegri kennslu í grunnskóla og hvöttu bæjarstjón til að taka mötuneytismál í skólanum til athugunar, með tilliti til gæða máltíða og fyrirkomulags.



Bæjarstjórn sveitarfélagsins tók, á 26. fundi sínum, jákvætt í tillögurnar og vísaði þeim til frekari úrvinnu í bæjarráði sveitarfélagsins og öðrum viðeigandi fastanefndum.



Lögð fram afgreiðsla bæjarráðs á málefnum bæjarstjórnar unga fólksins en bæjarráð vísaði hverju málefni til vinnslu til viðeigandi nefndar eða stofnanna.



Bæjarstjórn unga fólksins tekin til umræðu í ungmennaráði.

Lagðar fram gjaldskrár sveitarfélagsins fyrir árið 2025, sem taka mið af forsendum fjárhagsáætlunar 2025-2028 sem samþykktar voru á 28. fundi bæjarstjórnar.



Á 29. fundi sínum samþykkti bæjarstjórn gjaldskrár fyrir Sveitarfélagið Stykkishólm fyrir 2025 og vísaði þeim til frekari umfjöllunar í bæjarráði, umsagnar í fastanefndum og til síðari umræðu í bæjarstjórn.

Lögð fram fjárhagsáætlun fyrir árin 2025-2028.



Á 29. fundi sínum samþykkti bæjarstjórn Fjárhagsáætlun Sveitarfélagsins Stykkishólms 2025-2028 og vísaði henni til frekari umfjöllunar í bæjarráði, umsagnar í fastanefndum og til síðari umræðu í bæjarstjórn, ásamt fyrirliggjandi tillögum í aðgerðaráætlun um aukið aðhald í rekstri sveitarfélagsins.