Bæjarráð

Lögð fram 6. fundargerð skóla- og fræðslunefndar.

Lögð fram fundargerð 10. fundar skipulagsnefndar.

Lögð fram fundargerð fyrsta fundar stýrihóps um heilsueflandi samfélag.

Lögð fram fundargerð Breiðafjarðarnefndar nr. 212, frá 14. febrúar 2023.

Lögð fram fundargerð frá stjórnarfundi Náttúrustofu Vesturlands frá föstudeginum 17. febrúar sl.

Lögð fram fundargerð 921. fundar stjórnar Sambands íslenskra sveitarfélaga, sem haldinn var fimmtudaginn 30. mars sl.

Lögð fram aðgengisúttekt sem unnin var af Travable sumarið 2022.

Lagt fram bráðabirgðauppgjör fyrir fyrsta ársfjórðung 2023.

Lagt fram erindi frá Kvennfélaginu Hringnum.

Atvinnuveganefnd Alþingis sendir til umsagnar tillögu til þingsályktunar um matvælastefnu til ársins 2040, 915. mál.

Þess er óskað að undirrituð umsögn berist eigi síðar en 17. apríl nk.

Atvinnuveganefnd Alþingis sendir til umsagnar tillögu til þingsályktunar um landbúnaðarstefnu til ársins 2040, 914. mál.

Þess er óskað að undirrituð umsögn berist eigi síðar en 17. apríl nk.

Lagt fram erindi Emils Einarssonar til bæjarstjórnar þar sem þess er farið á leit að settur verði upp hjólabrettapallur í Stykkishólmi.

Lagt fram minnisblað bæjarstjóra þar vegna fyrirhugaðra grenndarstöðva. Í minnisblaðinu er lögð fram tillaga að útfærslu á grenndarstöð sem talin er snyrtileg og öflug fyrir íslenskar aðstæður. Þá eru jafnframt lagðar fram tillögur að staðsetningum fyrir grenndarstöðvar, en bæjarstjóri leggur til að þeim tillögum verði vísað til meðferðar í skipulagsnefnd.

Lögð fram tillaga KPMG að uppfærðum verklagsreglum um ráðningu starfsmanna sveitarfélagsins.

Lagt fram til umsagnar frumvarp til laga um breytingu á lögum um veiðar í fiskveiðilandhelgi Íslands og lögum um stjórn fiskveiða (veiðistjórn grásleppu).

Lagt fram minnisblað SSV sem sent var til allra sveitarfélaga á Vesturlandi. Óskað er eftir svari um þátttöku í síðasta lagi 11. maí n.k.

Lagður fram til fyrri umræðu ársreikningur Sveitarfélagsins Stykkishólms fyrir árið 2022. Haraldur Örn Reynisson, endurskoðandi, kemur til fundar og gerir grein fyrir ársreikningnum.

Samstarfsnefnd um sameiningu Stykkishólmsbæjar og Helgafellssveitar lagði til að sett yrði á fót sérstakt dreifbýlisráð til tryggja áhrif íbúa í dreifbýli á stjórnsýslu sameinaðs sveitarfélags í tilgangi að draga úr áhyggjum íbúa í dreifbýli af að missa áhrif á verkefni í nærsamfélaginu og annast það sérverkefni sem snúa að íbúum þess hluta sveitarfélagsins.

Strax í upphaf þessa kjörtímabils hófst undirbúningur hins sameinaða sveitarfélags á breytingum á samþykkt um stjórn þess og var gengið frá þeim breytingum með síðari umræðu í ágúst 2022. Í kjölfarið kom í ljós að um sumarið hafði verið lögfest lagaákvæði sem kvað um að setningu reglna um framkvæmd íbúakosninga sveitarfélaga og til að til að tryggja að íbúakosning á vegum sveitarfélags uppfylli grundvallarskilyrði um lýðræðislegar kosningar skuli ráðuneytið setja reglugerð að höfðu samráði við landskjörstjórn þar sem mælt er fyrir um þau lágmarksatriði sem fram skulu koma í reglum sveitarfélaga um íbúakosningar, sbr. 4. mgr. 133. gr. sveitarstjórnarlaga, sbr. 6. gr. laga nr. 83/2022.

Sveitarfélagið hefur frá þeim tíma verið að kalla eftir setningu umræddrar reglugerðar þannig að geti haldið íbúakosningu og sett umrætt dreifbýlisráð á fót. Sigurður Ingi Jóhannsson, innviðaráðherra, hefur nú staðfest nýja reglugerð um íbúakosningar sveitarfélaga sem fjallar um þau lágmarksatriði sem þurfa að koma fram í reglum sveitarfélaga um framkvæmd íbúakosninga. Reglugerðin tók gildi 1. apríl 2023.

Lögð fram reglugerð 323/2023 um íbúakosningar sveitarfélaga, ásamt tillögu að reglum sveitarfélagsins um kosningu í dreifbýlisráð.

Á 9. fundi bæjarráðs var lagt fram erindi frá Eyja- og Miklaholtshrepp varðandi leik- og grunnskólamál. Í erindinu er þess farið á leit að Sveitarfélagið Stykkishólmur veiti leik- og grunnskólaþjónustu fyrir Eyja- og Miklaholtshrepp. Bæjarráð tók á fundi sínum jákvætt í erindið og fól bæjarstjóra, ásamt oddvitum beggja lista, að semja við fulltrúa Eyja-og Miklaholtshrepps um leik- og grunnskólaþjónustu fyrir Eyja- og Miklaholtshrepp. Fyrir bæjarráð eru lögð fram tillögur að samningum sveitarfélaganna.

Lögð fram að uppfærð gögn í tengslum við uppbyggingu við íþróttavöll, tengingu við íþróttahús og frágang á skólalóð, í samræmi við afgreiðslu 9. fundar bæjarráðs.

Nýlegar breytingar á rekstrarformi Náttúrustofu Vesturlands sem er B-hlutastofnun sveitarfélagsins frá 1. janúar sl. hafa orðið sveitarfélaginu tilefni til að vinna að samræmingu á málefnum stofunnar, m.a. að aðlaga starfsreglur stjórnar að sveitarstjórnarlögum og breyttu umhverfi, að skilgreina siðareglur og samræma starfsmannamál. Á 10. fundi bæjarstjórnar fól bæjarstjórn Stykkishólms Sambandi íslenskra sveitarfélaga umboð til kjarasamningsgerðar sveitarfélagsins og hlutaðeigandi stofnana þess. Samband íslenskra sveitarfélaga fer því með samningsumboð fyrir hönd sveitarfélagsins og stofnana þess, þ.m.t. Náttúrustofu Vesturlands.

Á 10. fundi sínum fól bæjarstjórn bæjarráði fullnaðarumboð til endurskoðunar og ákvörðunartöku á stofnanasamningum stofnana sveitarfélagsins. Hefur sveitarfélagið óskað eftir mati Attentus og Sambands íslenskra sveitarfélaga um að kjarasamningshækkanir nú hjá Náttúrustofu Vesturlands, m.t.t. sveitarstjórnarlaga og þess að stofnanasamningur telst hluti kjarasamnings sem á ekki lengur við.

Inga Björg Hjaltadóttir, lögmaður, kemur til fundar við bæjarráð og gerir grein fyrir stöðu málsins. Þá er lögð fram tillaga að afgreiðslu málsins á þessu stigi þess.

Lagar eru fram tillögur að landfyllingum, jaðmótunum og mönum innan sveitarfélagsins.

Bæjarráð fól á níunda fundi sínum forseta bæjarstjórnar og formanni skólanefndar að taka að sér yfirumsjón með verkefni sem snýr að styrkingu leikskólastarfsins þar sem ráðgjafinn hefur gefið frá sér hluta af verkefninu sökum anna. Staða málsins kynnt fyrir nefndarmönnum.

Að tillögu Önnu Magneu, sem tilbúin er til þess að leiða vinnuna í samstarfi við stjórnendur, lagði nefndin til að haldinn verði SVÓT fundur, þar sem leitað verður leiða til þess að styrkja leikskólatarfið.

Skóla- og fræðslunefnd lagði til að fundurinn yrði haldinn þann 8. júní sem er hálfur skipulagsdagur á leikskólanum og að til fundarinns verði boðað starfsfólk, skóla- og fræðslunefnd, foreldraráð leikskólans, stjórn foreldrafélags leikskólans, bæjarstjórn, formaður atvinnunefndar, íþrótta- og æskulýðsfulltrúi, ásamt fulltrúa frá Snæfell.

Lagt fram til staðfestingar í bæjarráði.

Lögð fram drög að skóladagatali leikskólans ásamt erindi varðandi skipulagsdag og endurskoðun á þjónustu Regnbogalands.
Leikskólinn óskar eftir því að fá skipulagsdag þann 24. apríl 2024 til þess að fara í námsferð þrátt fyrir að það sé skóladagur í grunnskólanum þann dag.

Skóla- og fræðslunefnd samþykkti ósk leikskólans um skipulagsdag þann 24. apríl 2024. Nefndin benti á að endurskoðun á þjónustu Regnbogalands yrði á dagskrá SVÓT fundar.

Lagt fram til staðfestingar í bæjarráði.

Lögð fram umsókn Grunnskólans í Stykkishólmi um kennslukvóta fyrir skólaárið 2023-2024