Bæjarráð Stykkishólmsbæjar og Helgafellssveitar

Lögð fram 2. fundargerð skóla- og fræðslunefndar.

Lagðar fram fundargerðir Breiðafjarðanefndar frá fundum 204 og 205.

Lögð fram til kynningar tillaga Umhverfis- og skipulagssviðs að snjómokstursáætlun fyrir götur og gönguleiðir 2022-2023.

Á 636. fundi bæjarráðs 21. febrúar sl. var lögð fram tillaga Hrafnhildar Hallvarðsdóttur og Steinunnar Ingibjargar Magnúsdóttur (dags. 14.02.2022) um að þjónustuflokka og tímasetja snjómokstur gönguleiða í Stykkishólmi með sambærilegum hætti og gert hefur verið fyrir snjómokstur gatna. Í tillögunni var lögð áhersla á mokstur gönguleiða sem tengja íbúðarhverfi og skóla.
Bæjarráð samþykkti tillöguna og fól sviðsstjóra umhverfis- og skipulagssviðs að útfæra tillöguna í samráði við bæjarstjóra.

Bæjarstjórn staðfesti afgreiðslu bæjarráðs á 408. fundi sínum þann 24. febrúar 2022.

Skipulagsnefnd lýsti, á 3. fundi sínum, ánægju vegna tillögu að snjómokstri og hálkueyðingu fyrir götur og gönguleiðir í þéttbýlinu og vegi í dreifbýlinu. Nefndin fól Umhverfis- og skipulagssviði að uppfæra skjölin samkvæmt ábendingum nefndarinnar og að leggja fram drög að verklagsreglum.

Lögð fram sameiginleg áskorun Félags atvinnurekenda, Húseigendafélagsins og Landssambands eldri borgara til stjórnvalda. Þar sem lagt er til að ríki og sveitarfélög að grípi til aðgerða til að hindra að gífurlegar verðhækkanir á fasteignamarkaði leiði til mikilla hækkana fasteignagjalda á eignir fólks og fyrirtækja.

Lagt fram bréf Vegagerðarinnar vegna stöðu mála varðandi Baldur.

Lögð fram ályktun Skógræktarfélgas Íslands frá aðalfundi félagsins sem haldinn var í Mosfellsbæ dagana 2.-4. september 2022. Félagið skorar á sveitarstjórnir landsins að vinna að skipulagsáætlunum í takt við stefnu stjórnvalda um skógrækt á landsvísu.

Lögð fram skýrsla um stöðu slökkviliða á Íslandi.

Byggðarráð Dalabyggðar fjallaði um, á 299. fundi sínum, samfélagsvegi og uppbyggingu vegakerfisins. Byggðarráð samþykkti jafnframt að bjóða byggðarráðum Húnaþings vestra og Stykkishólmsbæjar og Helgafellssveitar til fundar um samgöngumál og þá brýnu þörf sem fyrir hendi er á vegabótum á þeim svæðum sem um ræðir.

Lagðar fram kærur til úrskurðarnefndar umhverfis- og auðlindamála ásamt fylgigögnum og öðrum gögnum tengdum framkvæmdum við Nesveg 22a. Fulltrúar Asco Harvester ehf. hafa óskað eftir að koma til fundar við bæjarráð vegna málsins.

Lögð fram drög að lóðarleigusamningi við eigendur Nýræktar 12, ásamt lóðarblaði í samræmi við fyrirliggjandi deiliskipulag.

Lagðar fram tillögur kennara við Tónlistarskóla Stykkishólms að styttingu vinnuvikunnar skv. kjarasamningi.

Lögð fram að nýju umsagnarbeiðni sveitarfélagsins um umsókn Stundarfriðar ehf. um rekstrarleyfi til reksturs gististaðar í flokki II, tegund h-frístundahús, sem rekinn verður sem Stundarfriður cottage, í 3 frístundahúsum að Hólum 1 (2321931), Helgafellssveit, 341 Stykkishólmur. Einnig er lagður fram tölvupóstur byggingarfulltrúa þar sem hann dregur fyrri umsögn sína til baka.

Auglýst var eftir styrkumsóknum frá einstaklingum og fyrirtækjum í samræmi við reglur Stykkishólmsbæjar um styrkveitingar frá 9. september til 3. október sl. Alls bárust 7 umsóknir sem lagðar eru fram til úthlutunar.

Lagt fram erindi frá sveitarstjórn Eyja- og Miklaholtshrepps þar sem leitast er eftir samtali um sameiningarkosti.

Lagður fram viðauki 3 við fjárhagsáætlun 2022-2025.

Lögð fram til fyrri umræðu fjárhagsáætlun Stykkishólmsbæjar og Helgafellssveitar 2023-2026.