Bæjarráð Stykkishólmsbæjar og Helgafellssveitar

Lögð fram 7. fundargerð skipulagsnefndar.

Lögð fram 2. fundargerð hafnarstjórnar.

Lagðar fram umsóknir Örnu Daggar Hjaltalín, Kristjáns Sveinssonar og Kontiki ehf. um lóðina að Nesvegi 12 í Stykkishólmi. Um er að ræða Iðnaðar- og athafnalóð, skipulagssvæðið er hluti af hafnarsvæðinu við Skipavík vestan við Nesveginn.

Lögð fram fundargerð Breiðafjarðarnefndar nr. 210, frá 6. desember 2022.

Lögð fram fundargerð 918. fundar stjórnar Sambands íslenskra sveitarfélaga, sem haldinn var föstudaginn 27. febrúar sl.

Lagt fram bréf til allra sveitarstjórna vegna aðalfundar Lánasjóðs sveitarfélaga.

Á 6. fundi bæjarráðs voru lögð fram uppfærð drög að samning við Acadian Seaplants. Ívar Pálsson, lögmaður, kom til fundar við bæjarráð og gerði grein fyrir stöðu viðræðanna. Bæjarráð fagnaði nýjun drögum að samningi og fól bæjarstjóra að vinna áfram að samningagerð í samræmi við umræður á fundinum.

Bæjarstjóri gerir grein fyrir stöðu málsins.

Bæjarstjóri gerir grein fyrir viðhaldi og fyrirkomulagi á umgengni og notkun á Félagsheimilinu Skildi þar til dreifbýlisráð hefur verið stofnað, en upplýsingum um fyrirkomulag á notkun hússins verður komið á framfæri á heimasíðu sveitarfélagsins.

Lagt fram uppfært minnisblað um álagsforsendur og verkhönnun á Fjöreggi á Súgandisey við Stykkishólm, ásamt drögum að verkteikningum og öðrum gögnum tengdu verkefninu .

Lögð fram skýrsla um bráðaþjónustu í heilbrigðiskerfinu á Íslandi.

Bæjarstjóri leggur til landbúnaðarnefnd verði falið að vinna tillögu að samþykkt um búfjárhald í sveitarfélaginu á grunni meðfylgjandi draga að slíkri samþykkt.

Lögð fram drög að reglum um kostnaðarþátttöku í framkvæmdum við styrkingu og lagningu bundins slitlags á heimreiðar í sveitarfélaginu.

Lögð fram til samþykktar framkvæmdaáætlun Snæfellsness 2023-2027, vegna umhverfisvottunar fjögurra sveitarfélaga á Snæfellsnesi samkvæmt staðli EarthCheck fyrir samfélög.

Á 400. fundi bæjarstjórnar Stykkishólmsbæjar samþykkti bæjarstjórn tillögu stjórnar Náttúrustofu Vesturlands að sveitarfélagið myndi fara í þá vinnu, í samráði við stjórn, að skilgreina valdmörk, ábyrgð, hlutverk og valdheimildir hvað Náttúrustofu Vesturlands varðar í ljósi þess að sveitarfélagið stendur eitt að rekstri stofunnar og að vinna drög að starfsreglum stjórnar og starfsáætlun, en stjórn taldi að að marka þyrfti skýrari vinnureglur um mörk ábyrgðar og hlutverks stjórnar og forstöðumanns, einkum varðandi fjármál Náttúrustofu Vesturlands, en það er hlutverk stjórnar að hafa eftirlit með starfsemi stofnunarinnar samkvæmt lögum og reglugerð.

Í samræmi við framangreinda afgreiðslu bæjarstjórnar eru lögð fram drög að starfsreglum stjórnar Náttúrustofu Vesturlands sem unnar voru af ráðgjafafyrirtækinu Attentus, ásamt drögum að siðareglum.

Þá eru lögð fram önnur gögn sem tengjast stofnuninni.

Lögð fram drög að húsnæðisáætlun fyrir árið 2023. Bæjarstjórn samþykkti húsnæðisáætlun fyrir 2023 á 9. fundi sínum og vísaði henni til síðari umræðu í bæjarstjórn.

Lagt fram minnisblað lögfræði- og velferðarsviðs Sambands íslenskra sveitarfélaga um stjórnsýsluframkvæmd sem tengist ágangi búfjár skv. IV. kafla laga um afréttarmálefni, fjallskil o.fl. nr. 6/1986, ásamt leiðbeiningum þáverandi Samgöngu- og Sveitarstjórnarráðuneytis til sveitarstjórna um hvernig skyldi fara með beiðnir um smölun skv. IV. kafla laganna og álit Umboðsmanns Alþingis frá 11. október 2022 þar sem hann komst að þeirri niðurstöðu að taka þyrfti fyrrgreindar leiðbeiningarnar til endurskoðunar þar sem ekki væri unnt að gera þær kröfur til landeiganda að þeir friði landsvæði sitt skv. ákvæðum laga um búfjárhald ef þeir væru ósáttir við ágang búfjár á landareign sinni. Þá er jafnframt lagður fram úrskurður Dómsmálaráðuneytisins sem byggði á áliti umboðsmanns þar sem gerð var krafa til lögreglustjóra að sinna slíkum beiðnum um smölun eignarlanda kæmu þær fram.

Lögð fram umsókn um skólavist í örðu sveitarfélagi ásamt rökstuðningi.

Lagt fram erindi frá þorrablótsnefnd sem leggur til kostnaðarþátttöku sveitarfélagsins vegna kaupa á sviði fyrir viðburði.

Bæjarstjórn samþykkti á 7. fundi sínum að vinna að styrkingu leikskólastarfs til eflingar á starfsemi skólans með bættum starfsskilyrðum, stöðuleika og aðbúnaði starfsfólks að markmiði. Í þeirri vinnu verði m.a. teknar til umræðu tillögur um betri vinnutíma. Tekin til umræðu staða þeirrar vinnu í bæjarráði ásamt umfjöllun um fjárhagsramma verkefnisins.

Lagt fram minnisblað bæjarstjóra ásamt öðrum gögum til umræðu vegna umfangs og fargansröðun fjárfestinga og viðhalds í sveitarfélaginu, sérstaklega í kjölfar mikils vatnaveðurs að undanförnu.

Lögð er fram ósk Sigurðar Ágústssonar f.h. Svans ehf. dags. 9. febrúar sl. um breytingu á Aðalskipulagi Stykkishólms 2002-2022 vegna breytingar á landnotkun Aðalgötu 1, Austurgötu 1 og Austurgötu 2 úr athafnasvæði í verslun og þjónustu. Jafnframt óska lóðarhafar eftir samþykki sveitarfélagsins til þess að hefja vinnu við breytingu á deiliskipulagi "Stykkishólmur miðbær -reitur austan Aðalgötu" vegna stækkunar á deiliskipulagssvæði þannig að Aðalgata 1 og Austurgata 1 verði innan skipulagssvæðisins og að heimiluð verði á reitnum uppbygging hótels með tilheyrandi þjónustu og möguleikum á íbúðarhúsnæði.

Lögð fram vinnslutillaga fyrir deiliskipulag hafnarsvæðisins við Skipavík dags. 7. febr. 2023.

Á 2. fundi sínum þann 9. febrúar sl., samþykkti hafnarstjórn fyrir sitt leyti fyrirliggjandi skipulagsuppdrátt vinnslutillögu fyrir deiliskipulag hafnarsvæðisins við Skipavík, með fyrirvara um jákvæð viðbrögð lóðarhafa Nesvegar 22a vegna tillögu um færslu á lóð félagsins.

Hafnarstjórn staðfesti jafnframt fyrir sitt leyti að skipulagslýsing vegna breytingar á aðalskipulagi og greinargerð með vinnslutillögu deiliskipulags verði uppfærð til samræmis við skipulagsuppdrátt vinnslutillögu deiliskipulagsins og vísaði málinu til afgreiðslu í skipulagsnefnd, sem útfærir vinnslutillöguna nánar, og leggur til við bæjarstjórn að samþykkja endanlega vinnslutillögu til kynningar í samræmi við 1. mgr. 5. gr. hafnarlaga nr. 61/2003, 2. mgr. 30. gr. og 4. mgr. 40. gr. skipulagslaga nr. 123/2010.

Hafnarstjórn fór fram á að fá tillögu að breytingu á aðalskipulagi og deiliskipulagstillöguna aftur til afgreiðslu að lokinni auglýsingu.

Skipulagsnefnd samþykkti fyrir sitt leyti, á 7. fundi sínum, að kynna fyrirliggjandi vinnslutillögu deiliskipulags hafnarsvæðis við Skipavík í samræmi við 4. mgr. 40. gr. skipulagslaga nr. 123/2010 m.s.br. Nefndin fól skipulagsfulltrúa að uppfæra vinnslutillögu deiliskipulagsins í samræmi við umræður á fundinum og í áframhaldandi samtali við lóðarhafa. Nefndin lagði jafnframt til að fallið yrði frá breytingu á aðalskipulagi þar sem vinnslutillagan er nú í samræmi við gildandi Aðalskipulag Stykkishólms 2002-2022,
með fyrirvara um staðfestingu Skipulagsstofnunar vegna bátasýningar Skipavíkur.

Í samræmi við þau áform sem endurspeglast vinnslutillögu er til viðbótar er lögð fram drög að viljayfirlýsingu um skipti á lóðum til samþykktar í bæjarráði.