Atvinnu- og nýsköpunarnefnd (SH)

Lagt fram til kynningar.

Atvinnu- og nýsköpunarnefnd leggur áherslu á að handhafar skelbóta fái í stað bótanna varanlegan nýtingarrétt í aflahlutdeild sem verði án framsalsréttar og krafa um veiðar og vinnslu bundin við þá staði við Breiðafjörð þar sem veiðarnar fóru fram á sínum tíma, í samræmi við tillögu 3.1.6. í niðurstöðu starfshóps um eflingu atvinnulífs í Stykkishólmi, dags. 17. mars 2022.

Atvinnu- og nýsköpunarnefnd þakkar Haraldi Benediktssyni fyrir greinargóða kynningu og hvetur bæjarstjórn Stykkishólmsbæjar og Helgafellssveitar að kanna ítarlega hvort hugmyndir hans séu góður kostur og kunni að hraða uppbyggingu Skógarstrandarvegar og þverun Álftafjarðar.

Lagt fram til kynningar.

Atvinnu- og nýsköpunarnefnd leggur áherslu á mikilvægi þess að hið sameinaða sveitarfélag vinni áfram að þeim tillögum sem fram koma í skýrslunni og horfi jafnframt til þess að styðja við ný tækifæri í atvinnumálum sem fylgja sameiningu Stykkishólmsbæjar og Helgafellssveitar, t.d. í landbúnaði eða ferðaþjónustu í dreifbýli.

Atvinnu- og nýsköpunarnefnd fagnar fyrirliggjandi áformum og jákvæðri afstöðu ráðherra til þess verkefnisins.

Atvinnu- og nýsköpunarnefnd tekur undir sjónarmið Bátafélagsins Ægis sem fram koma í framlögðu bréfi til matvælaráðuneytis og hvetur bæjarstjórn Stykkishólmsbæjar og Helgafellssveitar að fylgja bréfinu eftir gagnvart matvælaráðherra og þingmönnum kjördæmisins.

Lárus Ástmar situr hjá við þessa afgreiðslu og bendir á þróun fiskveiða og vinnslu í Stykkishólmi frá því núverandi kerfi tók gildi.

Atvinnu- og nýsköpunarnefnd fagnar því að ríkið sé að stefna að kaupum á nýrri ferju á næsta ári sem nota eigi til siglinga yfir Breiðafjörð á meðan unnið sé að framtíðarlausn í ferjusiglingum um Breiðafjörð sem felst í því að ríkið hanni og smíði nýja ferju sem hönnuð verður með tilliti til orkuskipta framtíðarinnar og nýst gæti sem varaskip fyrir Herjólf.

Að öðru leyti er vísað í fyrri ályktanir sveitarfélagsins vegna málsins sem nefndin tekur heilshugar undir.

Atvinnu- og nýsköpunarnefnd hvetur bæjarstjórn Stykkishólmsbæjar og Helgafellssveitar til að fylgja eftir vilyrði um að tilraun verði gerði í nágrenni Stykkishólms við að beisla sjávarorku til raforkuframleiðslu.

Bæjarstjóri gerir grein fyrir fyrirhuguðum fundi með forsvarmönnum Veitna ohf. í næstu viku þar sem ræða á framtíðarorkuþörf fyrir sveitarfélagið, m.a. vegna þeirrar eftirspurnar sem er eftir heitu vatni í samfélaginu.

Atvinnu- og nýsköpunarnefnd leggur þunga áherslu á að Veitur hraði innviðauppbyggingu á svæðinu þannig að mögulegt sé að anna eftirspurn eftir heitu vatni og þannig fjölgun íbúa í sveitarfélaginu, enda eru bein tengsl á milli áætlunar um fjölgun íbúa í sveitarfélaginu og fjölgun atvinnutækifæra vegna nýrrar atvinnustarfsemi sem ræðst af framboði á heitu vatni á svæðinu. Verið sé að horfa til þess heita vatns sem í boði er í þeirri holu sem staðsett er á Arnastöðum sem og til frekari öflunar heits vatns sem finna má á svæðinu, t.d. í námunda við Kóngsbakka.

Atvinnu- og nýsköpunarnefnd þakkar bæjarstjóra fyrir kynninguna og hvetur íbúa og fyrirtæki til þess að horfa til nýrra lausn í orkuskiptum.

Atvinnu- og nýsköpunarnefnd þakkar fyrir kynninguna og vísar til fyrri bókana vegna málsins

Atvinnu- og nýsköpunarnefnd hvetur bæjarstjórn Stykkishólmsbæjar og Helgafellssveitar til að skoða með jákvæðum hætti áform einstaklinga og fyrirtækja sem vilja stuðla að atvinnuuppbyggingu í Stykkishólmi og Helgafellssveit.

Bókun Lárusar Ástmars Hannessonar og Þórleifar Hjartardóttur:
Bókun vegna máls númer 13 á dagskrá Atvinnu- og nýsköpunarnefndar um almenna umræðu um atvinnumál bæjarins. Undirrituð telja rangt að þetta stóra mál er varðar Asco Harvester sé haft undir þessu almenna heiti. Staða málsins er þannig að þessi umræða hefði þurft að vera í sér lið. Undirritaður Lárus Ástmar hefði kosið að víkja af fundi vegna tengsla við málið eftir að hafa verið einn af kærendum sem varð til þess að framkvæmdir voru stöðvaðar. Við teljum einnig að formaður nefndarinnar Halldór Árnason eigi að víkja undir umræðu um þessa verksmiðju sem einn af eigendum fyrirtækisins. Við vonum að nálgun á umræðu um þetta fyrirtæki verði hér eftir sem sér dagskrárliður.

Bókun Halldórs Árnasonar, Ásmundar S. Guðmundssonar og Böðvars Sturlusonar:
Undirritaðir fulltrúar H-listans vekja athygli á að undir þessum lið var fjallað almennt um atvinnumál í bæjarfélaginu, sem er m.a. hlutverk atvinnu- og nýsköpunarnefndar. Hverjum og einum nefndarmanni er heimilt að tjá sig að vild undir þessum lið.

Atvinnu- og nýsköpunarnefnd gerir fyrir sitt leyti ekki athugasemdir við þá þætti sem snýr að starfsemi nefndarinnar í fyrirliggjandi Fjárhagsáætlun sameinaðs sveitarfélags Stykkishólmsbæjar og Helgafellssveitar fyrir árin 2023-2026 og gjaldskrár.

Samþykkt.