Ungmennaráð

Magnús Ingi Bæringsson, æskulýðs- og tómstundafulltrúi kynnti Ungmennaþing Vesturlands sem verður haldið á Lýsuhóli helgina 12.-13. mars. Skráningu þarf að vera lokið fyrir 6. mars.

Magnús kynnti vefsíðuna Breiðfirðingar um sameiningu sveitarfélaga á milli Helgafellssveitar og Stykkishólmsbæjar. Hann fjallaði um tækifæri sem sameiningin býður upp á og fundarmenn spurðu spurninga um hana.

Magnús kynnti fyrirhugað landsþing SamfésPlús. Endanleg dagsetning liggur ekki fyrir en er fyrirhuguð 18.-19. mars.

Magnús kynnti Rafíþróttamót Samfés sem fer fram 8.-10. apríl í Íþróttahúsinu Digranesi. Ræddur var möguleiki á að stofna rafíþróttahóp í Stykkishólmi, möguleg aðstaða væri nýbygging við Grunnskólann í Stykkishólmi sem hefur verið í umræðunni í sameiningarviðræðum Stykkishólmsbæjar og Helgafellssveitar.

Danskir dagar voru ræddir, möguleikar í kringum hátíðina, starfshópur eða hátíðarnefnd, öflun fjármagns og aðgangseyrir. Ráðið og fleiri ungmenni óska eftir því að Danskir dagar verði haldnir í óbreyttu eða jafnvel stærra sniði en áður.
Sjómannadagurinn var einnig ræddur.