Skipulagsnefnd

Lögð er fram fundargerð 22. afgreiðslufundar byggingarfulltrúa

Samkvæmt 35. gr. skipulagslaga nr. 123/2010, metur bæjarstjórn að loknum sveitarstjórnarkosningum hvort ástæða sé til að endurskoða aðalskipulag sveitarfélagsins.

Í ljósi sameiningar Stykkishólmsbæjar og Helgafellssveitar og gildissviðs beggja skipulagsáætlana, 2002-2022 í Stykkishólmsbæ og 2012-2024 í Helgafellssveit, leggur bæjarstjóri til við skipulagsnefnd að nefndin leggi til við bæjarstjórn að hafin verði vinna við endurskoðun aðalskipulags hins sameinaða sveitarfélags og feli skipulagsfulltrúa að vinna málið áfram.

Asco Harvester sækir um byggingarleyfi til að byggja 958,9m2 atvinnuhúsnæði að Nesvegi 22A. Um er að ræða hús á þremur hæðum með milliloftum yfir hluta hússins. Lóðin er 3700 m2, grunnflötur hússins er 828,2 m2 og hæð þess 10 m. Með umsókninni fylgja aðaluppdrættir frá Nýhönnun dagsettir 11.05.2022.

Umsækjendur héldu opinn kynningarfund 28. apríl sl. og var auglýsingu dreift í öll hús í Stykkishólmi. Fundurinn var vel sóttur.

Þar sem að ekki er til deiliskipulag fyrir svæðið vísaði byggingarfulltrúi erindinu til afgreiðslu í skipulagsnefnd.

Í Aðalskipulagi Stykkishólms 2002-2022 er svæðið skilgreint sem hafnarsvæði. Um það er fjallað í gr. 3.3.8. um athafnasvæði / hafnarsvæði og gr. 3.3.11 um strandsvæði (Búðanesvog) í skýringaruppdrætti með aðalskipulaginu.

Lóðarhafi Höfðagötu 7 sækir um leyfi fyrir tengibyggingu milli bílskúrs og íbúðarhúss ásamt því að byggja kvist á suðurhlið rishæðar. Jafnframt er fyrirhugað að reisa nýja skjólveggi og er pallur er einnig stækkaður til þess að koma fyrir heitum potti.

Með umsókninni fylgja aðaluppdrættir frá Rerum ehf. dags. 22.04.2022.

Skv. deiliskipulagi er heimilt að byggja 10 m2 tengibyggingu milli íbúðarhúss og bílgeymslu. Þar sem að tengibyggingin er að hluta til utan byggingarreits og ekki er fjallað um kvist í deiliskipulagi, vísaði byggingarfulltrúi málinu til afgreiðslu í skipulagsnefnd.

Sótt er um að fá að klæða hús að Laufásvegi 7 með standandi panel álklæðningu og bæta við skyggni.

Þar sem einungis er minnst á skyggni og steinsteyptar/múrhúðaðar, standandi timburklæðningar, standandi báraðar málmklæðningar og listaðar pappaklæðningar í deiliskipulagi fyrir svæðið, vísar byggingarfulltrúi erindinu til skipulagsnefndar.

Lögð er fram að nýju tillaga að breytingu á deiliskipulagi Víkurhverfis.

Gildandi deiliskipulag fyrir Víkurhverfi er frá 2007. Deiliskipulagssvæðið er um 2,3 ha að stærð og nær til miðhluta hverfisins n.t.t. norður af Borgarbraut að Hyrnuvík. Ákvörðun um breyta deiliskipulaginu er tilkomin vegna mælinga sem unnar voru á svæðinu s.l. sumar en þá kom í ljós að suðurendi svæðisins er að hluta til óbyggilegur vegna jarðvegsdýptar.

Meginmarkmiðin með deiliskipulagsbreytingunni eru að:
-Ná fram meiri hagkvæmni og betri nýtingu lands með fjölgun lóða úr 13 í 16, fjölga íbúðareiningum úr 28 í 37 og styðjast við nýja nálgun við íbúðarlausnir og hagkvæmari nýtingu lóða. Jafnframt er leitast við að vernda svæði sem mikilvæg eru fyrir leik og útivist.
-Stýra lausnum í byggingarheimildum í átt til meiri gæða í íbúðarlausnum með áherslu á sól og skjól og bjartari íbúðir.
-Ná fram fallegu heildaryfirbragði byggðarinnar með því að hanna aðlaðandi götumyndir, áhugaverð rými á milli húsa, gönguvænna umhverfi og blandaða stærð íbúðareininga með mismunandi húsum og þakformum.
-Leggja áherslu á lýðheilsu og mannrækt með gatnahönnun sem tekur mið að umferðaröryggi, gróðri, götugögnum og góðri lýsingu ásamt samfélagsmótandi þáttum og aðgengi að náttúru og útivistarmöguleikum.

Tillaga að deiliskipulagsbreytingu var auglýst samkvæmt 43. gr. skipulagslaga nr. 123/2010 þann 12. apríl sl. með athugasemdafresti til 25. maí 2022 og var samtímis send til umsagnaraðila. Opinn kynningarfundur var haldinn í Amtbókasafni Stykkishólms 5. maí sl.

Athugasemdir bárust frá lóðarhöfum við Víkurflöt 10 og Garðaflöt 9 og eru þær lagðar fyrir fundinn.

Sótt er um framlengingu á stöðuleyfi til 12 mánaða fyrir geymsluskúr sem staðið hefur tímabundið á hafnarsvæðinu undanfarin ár.

Sótt er um stöðuleyfi fyrir Ískofanum til 31. ágúst 2022 en matarvagninn hefur staðið tímabundið á hafnarsvæðinu undanfarin ár.

Sótt er um stöðuleyfi fyrir fish&chips matarvagni til 15. nóvember 2022 en matarvagninn hefur staðið tímabundið á hafnarsvæðinu undanfarin ár.

Sótt er um stöðuleyfi til 1. október 2022 fyrir "Meistarann" matarvagn, sem staðið hefur tímabundið við Hólmgarð undanfarin ár.

Erindisbréf skipulagsnefndar lagt fram til kynningar.

Lögð er fram viljayfirlýsing um landeldi og sjálfbæra framleiðslu matvæla á grunni grænna iðngarða sem bæjarstjórn staðfesti á 411. fundi sínum.

Skipulagsfulltrúi fer yfir þá vinnu sem í gangi er vegna breytingar á aðalskipulagi athafa- og iðnaðarsvæða við Kallahamar og Hamraenda og deilskipulagsáætlana fyrir hvort svæði sem unnar verða samhliða aðalskipulagsbreytingunni.

Lögð fram tilkynning um stjórnsýslukæru í tengslum við deiliskipulag miðbæjar Stykkishólms austan Aðalgötu, dags. 30. mars 2021. Í kærunni krefst Lárus Kazmi þess, f.h. lóðarhafa að Víkurgötu 5, að felld verði úr gildi ákvörðun bæjarstjórnar dags. 9. desember 2021 um samþykkt nýs deiliskipulags fyrir miðbæ Stykkishólms austan Aðalgötu en umrætt deiliskipulag tók gildi með auglýsingu í B-deild Stjórnartíðinda 27. apríl 2022. Í öllu falli er þess krafist að fyrrnefnd ákvörðun bæjarstjórnar verði felld úr gildi að því er varðar þann þátt deiliskipulagsins sem lýtur að tilfærslu á lóðamörkum lóðanna Víkurgötu 3 og Víkurgötu 5.

Sviðstjóri fer yfir stöðu mála í vinnslu á umhverfis- og skipulagssviði