Hafnarstjórn

Lagðar fram til kynningar þrjár síðustu fundargerðir Breiðafjarðarnefndar frá fundum sem fram fóru á síðustu mánuði líðandi árs.

Lögð fram áætlun Stykkishólmshafnar um móttöku og meðhöndlun úrgangs frá skipum.

Formaður hafnarstjórnar gerði á 90. fundi hafnarstjórnar grein fyrir hugmyndum sínum um lagfæringu og afmörkun á bílastæðum við listaverkið "Á heimleið" eftir Grím Marinó Steindórsson sem stendur við höfnina og var reist í minningu sjómanna. Þá var bæjarstjórn einnig hvött til þess að leggja bundið slitlag á svæðið umhverfis listaverkið Á heimleið og að svæðið verði afmarkað merkingum (bílastæði, ökuleiðir o.fl.) og þannig verði umhverfið fegrað og skipulagt með þeim hætti. Hvatti Hafnarstjórn jafnframt til þess að í framhaldinu yrði tekin upp gjaldskylda á svæðinu.

Bæjarráð lagði til, á 628. fundi sínum, að lagt yrði bundið slitlag á hafnarsvæðið í samvinnu við Vegagerðina í samræmi við hugmyndir hafnarstjórnar. Lokið var við þá vinnu í sumar.

Lögð fram ályktun bæjarstjórnar Stykkishólmsbæjar sem var samþykkt á 403. fundi bæjarstjórnar Stykkishólmsbæjar 28. október 2021 vegna Breiðafjarðarferjunnar Baldurs. Þá er lögð fram þarfagreining fyrir Breiðafjarðarferju sem Vegagerðin fól NAVIS ehf. að vinna að sem kynnt var á fundi var haldinn með fulltrúum sveitarfélaga við Breiðafjörð 26. október 2021. Einnig er lögð fram ályktun 66. Fjórðungsþing Vestfirðinga sem haldið var á Ísafirði 22. og 23. október 2021 um Breiðafjarðarferjuna Baldur. Þar að auki eru lagðar fram ályktanir bæjarstjórnar Stykkishólmsbæjar, dags. 12. mars 2021, og bókun bæjarstjórnar Stykkishólmsbæjar, dags. 29. mars 2021, um sama efni, ásamt bókun 402. fundar bæjarstjórnarfundar 30. september 2021 þar sem m.a. var óskað eftir upplýsingum frá Vegagerðinni um stöðu á vinnu við fyrrgreinda þarfagreiningu.

Atvinnu- og nýsköpunarnefnd tók, á 9. fundi sínum, undir með ályktun bæjarstjórnar Stykkishólmsbæjar og óskaði eftir upplýsingum frá innviðaráðuneytinu og fjármála- og efnahagsráðuneytinu um hver sé staðan á fjármögnun á bráða- og framtíðarlausnum í samræmi við ályktun bæjarstjórnar og upplýsingum frá Vegagerðinni. Hver séu næstu skref varðandi breytingu á hafnarmannvirkjum og ferjubrúm og dýpkun hafna með það markmið að nýtt skip sem þjónar betur þörfum samfélaganna hefji siglingar yfir Breiðafjörðinn sem fyrst. Ný ferja er í samræmi við ákvæði sáttmála um ríkisstjórnarsamstarf Framsóknarflokks, Sjálfstæðisflokks og Vinstrihreyfingarinnar - græns framboðs um orkuskipti í ferjusamgöngum.

Formaður kynnir hugmyndir um gjaldtöku fyrir geymslupláss við Skipavíkurhöfn.

Lagðar eru fram til umsagnar gjaldskrár Stykkishólmsbæjar 2022, í samræmi við afgreiðslu 632. fundar bæjarráðs þann 21. október sl., eins og þær voru samþykktar á 403. fundi bæjarstjórnar þann 28. október sl, þar sem þeim var vísað til síðari umræðu Í bæjarstjórn. Gjaldskrár taka mið af fyrirliggjandi forsendum og markmiðum við gerð fjárhagsáætlunar sem samþykkt voru á 402. fundi bæjarstjórnar 30. september sl.

Lögð fram til umsagnar fjárhagsáætlun Stykkishólmsbæjar fyrir árið 2022 ásamt þriggja ára áætlun áranna 2023-2025. Bæjarráð samþykkti, á 632. fundi sínum, fjárhagsáætlun Stykkishólmsbæjar ársins 2022 ásmat þriggja ára áætlun árana 2023-2025. Bæjarráð vísaði fjárhagsáætlun til fyrri umræðu í bæjarstjórn. Bæjarstjórn samþykkti framlagða fjárhagsáætlun fyrir árið 2022 og þriggja ára áætlun fyrir tímabilið 2023-2025 og vísaði henni til frekari umfjöllunar í bæjarráði og til síðari umræðu í bæjarstjórn.

Í kafla 3.6 í Umferðaröryggisáætlun Stykkishólmsbæjar er fjallað um að víða sé hættuástand meðfram Súgandiseyjargötu og sérstaklega bent á hættur meðfram Baldursbryggju.

Lögð eru fram drög að tveimur útfærslum að stíg meðfram Baldursbryggju sunnan Súgandiseyjar. Um er að ræða samstarfsverkefni Stykkishólmsbæjar og Vegagerðarinnar.

Skipulags- og byggingarnefnd tók, á 255. fundi sínum, vel í hugmyndir að stíg meðfram Baldursbryggju og vísar þeim til umfjöllunar í Hafnarstjórn.

Bæjarráð tók, á 633. fundi sínum, undir með skipulags- og bygginganefnd og staðfesti að vísa hugmyndunum til umfjöllunar í hafnarstjórn.