Frumkvöðla- og nýsköpunarsetur

Atvinnu- og nýsköpunarnefnd samþykkir að kanna í samstarfi við bæjarstjóra möguleika á stofnun frumkvöðla- og nýsköpunarseturs í Stykkishólmi sem rekið yrði á svipuðum grundvelli og setrið á Akranesi. Kannað verði m.a. hentugt húsnæði fyrir slíka starfsemi, helstu rekstrarforsendur og eftirspurn einyrkja eftir aðstöðu. Einnig verði kannað hvort í setrinu geti fyrirtæki og stofnanir á höfuðborgarsvæðinu fengið aðstöðu fyrir störf án staðsetningar.

Atvinnu- og nýsköpunarnefnd samþykkir að kanna áfram í samstarfi við bæjarstjóra möguleika á stofnun frumkvöðla- og nýsköpunarseturs í Stykkishólmi, sem rekið yrði á svipuðum grundvelli og setrið á Akranesi, þar sem skapandi greinar í Stykkishólmi fái aðstöðu til lengri tíma til vaxtar. Kannað verði m.a. hentugt húsnæði fyrir slíka starfsemi, t.d. flugstöðina, helstu rekstrarforsendur og eftirspurn einyrkja eftir aðstöðu.

Atvinnu- og nýsköpunarnefnd er reiðubúin í samráði við bæjarstjórn Stykkishólmsbæjar að efna til opins kynningarfundar um frumkvöðlastarfsemi. Stefnt verði að því að fundurinn verði haldinn í október 2020.

Atvinnu- og nýsköpunarnefnd væntir þess að unnt verði að halda kynningarfund um frumkvöðlastarfsemi á fyrsta ársfjórðungi næsta árs.