Önnur mál skóla- og fræðslunefndar

Af málefnum talmeinafræðings sem þjónustar grunnskólann: Berglind segir frá tölvupósti, þar sem sagt er frá því að heimsóknum talmeinafræðings muni fjölga jan-maí skv. endurreikningum Félags- og skólaþjónustu. Sjá einnig fundargerð síðasta fundar, nr. 187.

Fundaráætlun eftir áramót:

Janúar: leikskólinn
Febrúar: Grunnskóli, Amtsbókasafn, Tónlistarskóli og Regnbogaland í febrúar.
Mars: Leikskólinn
Apríl: Grunnskóli, Amtsbókasafn, Tónlistarskóli og Regnbogaland í febrúar.
Maí: sameiginlegur fundur allra.

Vakin var athygli á skorti á úrræðum fyrir ung grunnskólabörn þegar grunnskólinn er
ekki starfandi. Á þetta t.d. við um vikurnar fyrir skólabyrjun að hausti, jóla- og
páskafrí. Lendir þetta einna verst á þeim íbúum sem hafa lítið bakland hér í bænum.
Ræddir voru ýmsir möguleikar eins og t.d. leikjanámskeið og aðkoma íþróttafélaga.

Rætt var um verkefnið Kveikjum neistann. Þar að auki var rætt um mikilvægi þess að efla þátttöku foreldra í námi barna sinna, m.a. með foreldranámskeiði.