Ungmennaráð

Engar athugasemdir voru gerðar og erindisbréfið samþykkt.

Kosning formanns og ritara:
Formaður Heiðrún Edda Pálsdóttir
Varaformaður Oddfreyr Atlason
Ritari Petrea Mjöll Elvarsdóttir

Tilnefning áheyrnafulltrúa í nefndir og ráð sveitarfélagsins:
Atvinnu- og nýsköpunarnefnd - Bjarni Þormar
Safna- og menningamálanefnd - Ágústa
Skipulagsnefnd - Oddfreyr
Skóla- og fræðslunefnd - Hjalti Jóhann
Umhverfis- og náttúruverndarnefnd - Hera Guðrún
Velferðar- og jafnréttisnefnd - Petrea Mjöll
Æskulýðs- og íþróttanefnd - Heiðrún Edda

Ráðið leggur áherslu á að formaður og fastir áheyrnafulltrúar fái sent fundarboð á fundi hjá nefndum og ráðum sveitarfélagsins.

Ráðið kom sér saman um fastan fundartíma á miðvikudögum kl.20:00. Næsti fundur verður 17. janúar kl.20:00.

Bæjarstjóri gerði grein fyrir hækkun á gjaldskrá sveitarfélagsins.

Ráðið ræddi mikið um gjald sundlaugarinnar og sérstaklega gjald fyrir börn. Ráðið gerir athugasemd við að börn frá 7 til 10 ára aldri greiði í sund. Ráðið var sammála um að skoða mætti að gjaldfrjálst verði í sund fyrir 12 ára börn og yngri.
Ráðið gerir ekki að öðru leyti athugasemd.

Bæjarstjóri fór yfir fjárhagsætlun sveitarfélagsins. Umræða skapaðist um fyrirkomulag vinnuskóla sveitarfélagsins. Töluverður tími vinnuskólans fer orðið í slátt í heimagörðum. Ráðið ræddi þann möguleika að fram færi þjónustumat á þeim sem panta garðslátt.

Ráðið kom sér saman um verkefni sem þau ætla að einbeita sér að í vetur. Á næsta fundi ætlar áheyrnafulltrúi hverrar fastanefndar að kynna sín nefnd. Ráðið vill boða formann FAS á næsta fund til að fara yfir viðburði næsta árs. Einnig ætlar ráðið að ræða betur bæjarstjórnarfund unga fólksins.

Bæjarstjóri kynnir hugmyndina fyrir ráðinu.
Ráðið tók vel í hugmyndina og vill fá að móta hugmyndina.