Safna- og menningarmálanefnd

Þórunn Sigþórsdóttir og Hjördís Pálsdóttir komu á fundinn. Áður hafði samantekt um Norðurljósahátíðina og dagskrár undanfarinna hátíða verið sendar nefndarmönnum. Umræður: ÞS rifjaði upp sögu hátíðarinnar. Fjárveiting frá Stykkishólmsbæ fyrir hátíðina var kr. 300.000 Styrkur v. 100 ára fullveldisafmælis tengdist tónleikum á opnunarhátíð. Hluti styrks sem Barnamenningarhátíð á Snæfellsnesi fékk var nýttur til að fá fræðslu/fyrirlestur um stjörnufræði fyrir börn og fullorðna. Rætt var um styrkveitingar almennt. ÞS er að vinna samantekt með kostnaðartölum sem send verður nefndinni þegar þær liggja fyrir.
Rætt var um hvort setja ætti saman verkferla um hátíðina. Einnig var rætt hvort hugsanlega ætti að leggja til þema fyrir hverja hátíð. Stuttur undirbúningstími var fyrir hátíðina í ár sem tengdist sveitarstjórnarkosningum.
Nefndin leggur til við bæjarstjórn að festa með formlegum hætti næstu hátíð. Þórunn og Hjördís yfirgáfu fund kl. 16.44.

Amtsbókasafnið ? Samantekt um Amtsbókasafnið var send nefndinni og mun formaður óska eftir að fá að birta það með fundargerð hjá Nönnu eða a.m.k. samantekt um starfsemi safnsins. Í tengslum við umræðu um Amtsbókasafnið spurði GMÁ um Ljósmyndasafn Stykkishólms, því lítið að gögnum fyndist um það safn. JSJ hafði óskað eftir upplýsingum um það en voru ekki komnar fyrir fundinn. AM sagði frá stuttri greinargerð sem hún gerði og sendi Stykkishólmsbæ fyrir 2 árum í tengslum við endurnýjun á vef Stykkishólmsbæjar og fjallaði um ljósmyndasöfn og söfnunar- og grisjunarstefnu þeirra. En ekki hefur verið tekið við myndum í ljósmyndasafnið um margra ára skeið. Sú samantekt verður send til nefndarinnar og bæjarstjóra. Endurskoða þarf gjaldskrá safnsins sem er í miklu ósamræmi við sambærileg söfn annarsstaðar á landinu. Formaður mun í framhaldinu ýta á eftir gögnum um ljósmyndasafnið fyrir nefndina.

Fyrir þennan fund voru eftirfarandi gögn send nefndinni til upplýsinga:
?
Skipting tekna af safnapassa: Byggðasafnið 40%, Eldfjallasafnið 40%, Vatnasafnið 20%
?
Upplýsingar sem fengust um bókfærðar tekjur byggðasafns vegna styrkveitinga leiða í ljós að það er undir óskum forstöðumanns byggðasafns komið hvernig styrkir eru bókfærðir. Þær tölur hafa skekkt niðurstöður að hluta þar sem afgreiðsla styrkja fylgir ekki alltaf árinu, sem styrkverkefnið, er unnið á.
?
Samningar v. Eldfjallasafns, Byggðasafns, Vatnasafns.
?
Drög að nýju erindisbréfi fyrir nefndina.
?
Menningarstefna Stykkishólmsbæjar.

Bókun 1: Norðurljósahátíð
Nefndin leggur til við bæjarstjórn að festa með formlegum hætti tímasetningu næstu hátíðar svo hefja megi undirbúning hennar tímalega.

Bókun 2: Varðandi samninga um Eldfjalla-, Vatna- og Byggðasafn vill nefndin koma eftirfarandi á framfæri við bæjarráð og bæjarstjórn:
Samningamál safnanna í Stykkishólmi eru í miklum ólestri að mati nefndarinnar. Fyrir liggur að söfnin eru rekin með starfsmönnum Stykkishólmsbæjar undir einum hatti sveitarfélagsins. Samningar eru í engu sambærilegir og mjög mismunandi skyldur eru lagðar á bæjarfélagið í hverjum samningi - sem margar hverjar hafa ekki verið uppfylltar.
Nefndin skorar á bæjaryfirvöld að skilgreina safnastarf í Stykkishólmi með heildarstjórnskipulagi safnanna svo stjórnir þeirra, starfsfólk og nefndarmenn Safna- og menningarmálanefndar hafi skýra ramma að vinna eftir. Einnig er skorað á bæjaryfirvöld að samræma og endurskoða samninga um öll söfnin og aðlaga að menningarstefnu Stykkishólmsbæjar.

Bókun 3: Byggðasafn Snæfellinga og Hnappdæla.
Óundirrituð drög um rekstur Byggðasafns Snæfellinga og Hnappdæla - Norska húsið dags. 1.1.2017 og tekið hafa gildi voru lögð fyrir nefndina á 107. fundi hennar. Drög að samningnum virðast ekki hafa farið til afgreiðslu í bæjarráði eða bæjarstjórn þegar hann var lagður fram. Í drögum segir: ?Yfirumsjón með rekstri Byggðasafnsins f.h Stykkishólmsbæjar verður á hendi Safna- og menningamálanefndar Stykkishólmsbæjar.? Enginn fundur hefur verið í stjórn byggðasafns (Safna- og menningarmálanefnd) frá 1.1.2017 þar sem ársreikningar og áætlanir hafa verið lagðar fyrir eða afgreiddar. Nefndin óskar eftir þessum gögnum.

Bókun 4: Erindisbréf Safna- og menningarmálanefndar
Í drögum að erindisbréfi Safna- og menningarmálanefndar ætti, að mati nefndarinnar, að vísa í hlutverk og verkefni nefndarinnar svo sem fram kemur í menningarstefnu Stykkishólms án frekari skilgreininga. Einnig ætti að vísa í lög þau sem gilda um starfsvið nefndarinnar: Safnalög nr. 141/2011 og Siðareglur Alþjóðaráðs safna, ICOM sem á við um Byggðasafn Snæfellinga og Hnappdæla - Norska húsið, Lög um menningarminjar nr. 80/2012, Myndlistarlög nr. 64/2012 og öðrum tilheyrandi lögum og reglugerðum er varða starfsemi safna eða aðra þá þætti sem fram koma í Menningarstefnu Stykkishólmsbæjar.
Skv. þeim upplýsingum sem fyrir liggja um söfnin í Stykkishólmi þá á formaður nefndarinnar sæti í stjórn Eldfjallasafns og Vatnasafns. Bæta þyrfti þeim upplýsingum í erindisbréf nefndarinnar þ.m.t. upplýsingaskyldu formanns um til nefndar um stjórnarfundi téðra safna. Varðandi byggðasafnið þá er skv. drögum að samningi milli Stykkishólmsbæjar og Byggðasamlags Snæfellinga bs. frá 1.1.2017 Safna- og menningarmálanefnd Stykkishólmsbæjar stjórn þess með tilheyrandi skyldum og ábyrgð. Þennan lið þarf að setja inn í erindisbréf nefndarinnar. Í fjárhagsáætlunarvinnu hvers árs verði formanni nefndarinnar boðið að taka þátt í fundahaldi með forstöðumönnum stofnana sem tilheyra Safna- og menningarmálanefnd.