Stofnun barnaverndarþjónustu Snæfellsness, Borgarbyggðar & Hvalfjarðarsveitar

Lögð er fram tillaga til sveitarstjórna á Snæfellsnesi, Borgarbyggð og Hvalfjarðarsveit að stofnuð verði sameiginleg Barnaverndarþjónusta Vesturlands, þar sem Borgarbyggð verður leiðandi sveitarfélag.

Lögð er fram tillaga um að sveitarfélögin Eyja- og Miklaholtshreppur, Grundarfjarðarbær, Snæfellsbær og Sveitarfélagið Stykkishólmur vinni sameiginlega að barnaverndarþjónustu með Borgarbyggð og Hvalfjarðarsveit og að gerður verði viðauki við samning Borgarbyggðar og Hvalfjarðarsveitar, sem birtur hefur verið í

Stjórnartíðindum nr. 121/2024, um leiðandi sveitarfélag skv. 96. gr. sveitarstjórnarlaga.



Bæjarráð samþykkti, á 20. fundi sínum, þáttöku sveitarfélagsins fyrir sitt leyti og lagði til við bæjarstjórn að samþykkja þáttöku sveitarfélagsins á grunni fyrirliggjandi gagna.



Fyrir bæjarstjórn er lögð fram tillaga að afgreiðslu erindisins.

Bæjarstjórn samþykkti, á 20. fundi sínum, að fara í samstarf í formi leiðandi sveitarfélags um barnaverndarþjónustu, sbr. barnaverndarlög nr. 80/2002, á Vesturlandi þar sem Borgarbyggð mun taka að sér að vera leiðandi sveitarfélag. Bæjarstjórn samþykkti einnig að fela bæjarstjóra að útfæra nánar fyrirliggjandi drög að viðauka/samningi um samstarf sveitarfélaganna í samráði við sveitarstjóra annarra sveitarfélaga sem einnig hafa samþykkt umrætt samstarf. Bæjarstjóra var falið að undirrita viðaukann/samninginn að lokinni þeirri vinnu og leggja fyrir sveitarstjórn til síðari umræðu til staðfestingar.

Bæjarstjórn samþykkti, á 20. fundi sínum, að fara í samstarf í formi leiðandi sveitarfélags um barnaverndarþjónustu, sbr. barnaverndarlög nr. 80/2002, á Vesturlandi þar sem Borgarbyggð mun taka að sér að vera leiðandi sveitarfélag. Bæjarstjórn samþykkti einnig að fela bæjarstjóra að útfæra nánar fyrirliggjandi drög að viðauka/samningi um samstarf sveitarfélaganna í samráði við sveitarstjóra annarra sveitarfélaga sem einnig hafa samþykkt umrætt samstarf. Bæjarstjóra var falið að undirrita viðaukann/samninginn að lokinni þeirri vinnu og leggja fyrir sveitarstjórn til síðari umræðu til staðfestingar.



Bæjarráð samþykkti, á 21. fundi sínum, samning um samstarf og stofnun barnaverndarþjónustu Snæfellsness, Borgarbyggðar og Hvalfjarðarsveitar og vísaði honum til síðari umræðu í bæjarstjórn.