Tveir greindust í Stykkishólmi í dag - báðir í sóttkví
Af þeim 42 sem fóru í skimun í Stykkishólmi í gær reyndust tveir smitaðir, en einstaklingarnir voru báðir í sóttkví. Nú eru því 9 skráðir í einangrun í Stykkishólmi með greind COVID-19 smit, þar af er einn einstaklingur sem tekur út einangrun í Reykjavík, en 23 eru skráðir í sóttkví.
VARÚÐARRÁÐSTAFANIR ENN Í GILDI
Gripið var til ráðstafanna fyrr í vikunni, vegna þeirrar óvissu sem upp var komin á meðan verið var að afla nánari upplýsinga um umfang smita hér í samfélaginu, og má segja að þau viðbrögð hafi skilað árangri, en eins og staðan er í dag er ekki tilefni til þess að grípa til frekari ráðstafana. Þær varúðarráðstafanir sem gripið hefur verið til í stofnunum bæjarins eru enn í gildi, þ.m.t. hólfaskipting í skólastofnunum og heimsóknarbann á dvalarheimili aldraðra. Staðan verður endurmetin daglega.
Íbúar eru hvattir til að fylgjast vel með tilkynningum frá skólum og öðrum stofnunum Stykkishólmsbæjar, sem og sóttvarnaryfirvöldum.
PERSÓNUBUNDNAR SMITVARNIR STERKASTA VÖRNIN
Í ljósi þessa eru íbúar enn á ný minntir á að fylgja leiðbeiningum embætti landlæknis varðandi persónubundnar smitvarnir. Einnig eru íbúar sem hafa einkenni COVID-19 hvattir til að hafa samband símleiðis við heilsugæslustöð sem metur þörf á sýnatöku.
Enn er mikið álag á smitrakningarteyminu sem vinnur hörðum höndum að því hafa samband við þá einstaklinga sem þurfa að sæta sóttkví.
Fólk er hvatt til að hafa hægt um sig, fylgjast grannt með þróun mála og forðast eins og hægt er að koma saman að óþörfu.
mso-padding-alt:0cm 0cm 0cm 0cm;">
Staðan Fimmtu. 24. sept, 2020 Staður, heilsugæslustöð sóttkví greindir einangrun fjöldi sýna sýni á bið Búðardalur 0 1 0 40 0 Stykkishólmur 23 18 9 572 0 Grundarfjörður 7 1 0 77 0 Ólafsvík 2 2 0 93 0 Borgarnes 15 25 0 1321 0 Akranes 52 28 4 681 0 Samtals 99 75 13 2784 0
