Skólastjóri grunnskólans og tónlistarskólans í Stykkishólmi

Hlusta

Leitað er að leiðtoga með mikinn metnað fyrir menntun barna og unglinga og sem hefur framsækna sýn á skólastarf og hlutverk skólastjórnenda. Lögð er áhersla á öfluga skólaþróun, hvetjandi starfsumhverfi fyrir nemendur og starfsfólk og samstarf við aðila skólasamfélagsins.

Skólastjóri er yfirmaður skólanna, mótar og viðheldur staðblæ og menningu með tilstyrk starfsfólks og nemenda. Hann veitir faglega forystu og leiðir framsækið og skapandi skólastarf í samræmi við grunnskólalög, aðalnámskrá grunnskóla og tónlistarskóla, ásamt skólastefnu sveitarfélagsins 2022-2027.

Skólastjóri leiðir stjórnendateymi grunnskóla og tónlistaskóla. Leitað er að leiðtoga með mikinn metnað fyrir menntun barna og unglinga sem hefur öfluga faglega sýn á skólastarfið, hlutverki stjórnendateymisins við skólana og samvinnu þess og uppbyggingu skólastarfsins sem hvetjandi starfsumhverfis fyrir nemendur og starfsfólk.

Helstu verkefni og ábyrgð

Dagleg stjórnun samrekins grunn- og tónlistarskóla
Ábyrgð gagnvart bæjarstjórn á að skólastarf sé í samræmi við lög, reglugerðir og gildandi aðalnámsskrá og skólastefnu hverju sinni
Ábyrgð á viðvarandi undirbúningi þróunar stefnumörkunar samrekins skóla, í samvinnu við hagaðila, skólanefnd og bæjarstjórn
Forysta um þróun og umbætur í skólastarfinu og stefnumótun í samvinnu við hagaðila þ.á.m. bæjarstjóra, aðra stjórnendur og kennara skólans, skólanefnd og bæjarstjórn
Ábyrgð á mannauðsmálum, þ.m.t. ráðningum og endurmenntun starfsfólks, í samráði við aðra stjórnendur skólans
Ábyrgð á skólanámskrá skólanna, árlegri starfsáætlun, rekstraráætlun og öðrum áætlunum um skólastarfið
Skipuleggur og stýrir skólaráðsfundum

Menntunar- og hæfniskröfur

Réttur til að nota starfsheitið kennari og reynsla af skólastarfi á grunnskólastigi eða í tónlistarskóla
Stjórnunareynsla og leiðtogahæfni ásamt hæfni til að leiða hóp og skapa hvetjandi starfsumhverfi fyrir nemendur og starfsfólk
Menntun í stjórnun eða sérhæfð hæfni skv. 5. gr. laga nr. 95/2019
Reynsla og þekking þar sem sérstök áhersla er lögð á sérhæfða hæfni sem snýr að skólaþróun, stjórnun, rekstri og stjórnsýslu er æskileg
Framúrskarandi hæfni í mannlegum samskiptum og samstarfi
Frumkvæði, fagmennska, skipulagshæfni, nákvæmni
Skýr framtíðarsýn í skólamálum
Góð íslenskukunnátta í ræðu og riti

Ráðið verður í stöðuna frá og með 1.ágúst 2024

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags

Í umsókn skal greina frá menntun, og fyrri störfum, hæfni út frá hæfnikröfum starfsins og öðru því sem umsækjandi telur máli skipta og varpað getur ljósi á færni og hæfni hans til að sinna stöðu skólastjóra. Umsókninni skal fylgja kynningarbréf, ferilskrá og samantekt þar sem fram koma hugmyndir umsækjanda um skólastarfið og þróun þess.

Allir einstaklingar óháð kyni, eru hvattir til að sækja um starfið.

Umsóknarfrestur er til og með 3. apríl 2024.

Nánari upplýsingar um starfið veitir:

Jakob Björgvin Sigríðarson, bæjarstjóri, jakob@stykkisholmur.is sími 433-8100

Stykkishólmur stendur við Breiðafjörð á norðanverðu Snæfellssnesi og er bæjarstæðið einstaklega fallegt. Um 1.330 manns búa í Sveitarfélaginu Stykkishólmi en bærinn er í um tveggja klukkustunda akstursfjarlægð frá höfuðborgasvæðinu. Þjónustig er gott í Stykkishólmi og státar bæjarfélagið af ríkulegu íþrótta- og tómstundastarfi fyrir fólk á öllum aldri og rótgrónum mennta- og menningarstofnunum.

Í Grunnskóla Stykkishólms stunda 180 nemendur nám við 1.-10.bekk. Lögð er áhersla á jákvæðan og skemmtilegan skólabrag. Tónlistarskóli Stykkishólms hefur starfað óslitið frá 1964 og við hann starfar Lúðrasveit Stykkishólms sem stofnuð var 1944. Nemendur tónlistarskólans eru um 100 manns.

Gott samstarf er milli skólastiga í Stykkishólmi auk samstarfs við Fjölbrautaskóla Snæfellinga í Grundarfirði.

Grunnskólinn í Stykkishólmi