Námskeið í tæknilæsi fyrir 60+

Símentunarmiðstöð Vesturlands heldur nú námskeið í tæknilæsi fyrir 60 ára og eldri um allt Vesturland. Námskeiðin, sem kostuð eru af félags- og vinnumálaráðuneytinu eru þátttakendum að kostnaðarlausu. Þetta er liður í átaki ráðuneytisins um eflingu tæknilæsis hjá fólki sextíu ára og eldra um allt land.

Eftir námskeiðið eiga þátttakendur að hafa öðlast þekkingu og skilning á:

• Rafrænum skilríkjum og notkun þeirra
• Heimabanka og stafrænum viðskiptum
• Netöryggi
• Samfélagsmiðlum og efnisveitum
• Notkun tölvupósts, forrita, smáforrita og netleitar

Námskeiðin eru haldin í fjórum hlutum, hver hluti tekur tvo klukkutíma.

Námskeið í Stykkishólmi fer fram í Setrinu eftirfarandi daga frá kl. 10:00 til 12:00:

• Miðvikudaginn 1.febrúar
• Föstudaginn 3.febrúar
• Miðvikudaginn 8.febrúar
• Föstudaginn 10.febrúar

Skráning hjá Ívari kennara í síma 6952579 og í tölvupósti á ivar.orn73@gmail.com.

Hámarksfjöldi þátttakenda á námskeiðið er 8.
Tímasetningar á námskeiðum eru með fyrirvara um næga þátttöku.