Lista- og menningarsjóður auglýsir eftir umsóknum um styrki

Opnað hefur verið fyrir umsóknir í lista- og menningarsjóð Stykkishólmsbæjar. Samkvæmt reglum Stykkishólmsbæjar um styrkveitingar er hlutverk sjóðsins meðal annars að:

• Styðja og styrkja lista og menningarstarf í Stykkishólmi og hvetja til nýsköpunar á sviði lista og menningar er tengjast Stykkishólmi.
• Styðja við útgáfustarfsemi er varðar sögu, menningu og atvinnuhætti bæjarins.
• Styðja við varðveislu menningarminja.

Umsóknum skal skilað á skrifstofu Stykkishólmsbæjar, eða netfang: stykkisholmur@stykkisholmur.is, fyrir 1. janúar nk. og tekur stjórn lista- og menningarsjóðs ákvörðun 12. janúar 2023.
Umsóknir skulu vera skriflegar og undirritaðar, umsóknir sem berast í tölvupósti jafngilda skriflegri umsókn.

Hverri umsókn skal fylgja greinagerð um starfsemi viðkomandi félags og/eða það verkefni sem vinna skal.

Formaður lista- og menningarnefndar er Hrafnhildur Hallvarðsdóttir, hrafnhildur@stykkisholmur.is