KK í Vatnasafninu

Föstudagskvöldið 16. desember mætir KK í Hólminn og spilar öll sín bestu lög í Vatnasafninu. Tónleikarnir áttu upphaflega að fara fram 25. nóvember sl. en var þá frestað af óviðráðanlegum aðstæðum.

Ókeypis aðgangur er að tónleikunum en fjöldi gesta takmarkast við 70. Vegna takmarkaðs sætafjölda er nauðsynlegt að panta á tónleikana.
Pöntun fer fram á netfanginu vatnasafn@gmail.com.

Húsið opnar kl. 19:30 en tónleikarnir hefjast stundvíslega kl. 20:00.

Tónleikarnir eru styrktir af Uppbyggingarsjóði Vesturlands og Stykkishólmsbæ.

Hver man ekki eftir lögum eins og Vegbúin, Lucky one, Kærleikur og tími, Þjóðvegur 66 og Bein leið?
Ekki missa af þessu einstaka tækifæri til að sjá og heyra í KK í mikilli nánd.