Ungmennaráð

Erindisbréf ungmennaráðs var lagt til kynningar og það samþykkt. Umræða átti sér stað um skipan formannsefnis fyrir ungmennaráð af bæjarfulltrúum. Samráð var ekki haft við ungmennaráðið um fyrirhugaða breytingu á erindisbréfi.

Umferðaröryggisáætlun Stykkishólmsbæjar var kynnt. Umræður áttu sér stað um tillögur sem koma fram í henni. Ýmsar aðrar hugmyndir komu einnig fram, t.d. :

Hringtorg við gatnamót Silfurgötu og Lágholts
Hringtorg við gatnamót Silfurgötu, Skólastígs og Árnatúns
Kantsteinar á bílastæði við Bónus við Borgarbraut til að hindra akstur yfir gangstétt
Útsýnispallur meðfram sjónum við Hafnargötu, þar sem beygjan kemur af Silfurgötu

Allt ráðið var sammála um það að Heiðrún Edda yrði formaður, Sindri Þór varaformaður og Halldóra Margrét ritari.

Ráðið tilnefnir eftirfarandi fulltrúa í nefndir:
Atvinnu- og nýsköpunarnefnd = Oddfreyr Ágúst
Æskulýðs- og íþróttanefnd = Heiðrún Edda
Velferðar- og jafnréttisnefnd = Helga Sóley
Skóla- og fræðslunefnd = Helga María
Umhverfis- og náttúruverndarnefnd = Sindri Þór
Skipulagsnefnd = Signý Ósk
Safna- og menningamálanefnd = Halldóra Margrét Pálsdóttir

Ráðið kom sér saman um að funda næst í janúar og áætlaður fundardagur er 10. janúar. Ráðið var sammála því að eiga í samskiptum ef fundartímanum þyrfti að breyta.

Umræður áttu sér stað um ungmennahús og viðburði. Tillaga um opnun ungmennahúss einu sinni í viku kom fram. Umræður sköpuðust einnig um ýmsa viðburði eins og t.d. Danska daga. Ungmennaráðið er tilbúið til að bjóða sig fram til að starfa með Stykkishólmsbæ og Félagi atvinnulífs í Stykkishólmi við skipulagningu viðburða og við þá vinnu sem þeir fela í sér.

Farið var yfir fjárhagsáætlun Stykkishólmsbæjar fyrir árið 2023, með áherslu á fjárhagsáætlanir fyrir félagsmiðstöð, íþróttamiðstöð og tónlistarskóla. Ungmennaráðið vill leggja áherslu á aukið fjármagn til hópferðabifreiða fyrir félagsmiðstöðina X-ið.