Sumarstörf í Stykkishólmi

VILT ÞÚ VINNA ÚTI Í SUMAR?

Stykkishólmsbær auglýsir eftir starfsfólki í Þjónustumiðstöð og flokkstjórum til að starfa við vinnuskólann sumarið 2022. 

FLOKKSSTJÓRAR VINNUSKÓLA

Æskilegt er að umsækjendur fyrir flokkstjóra hafi náð 20 ára aldri og hafi:

• Ríka þjónustulund
• Góða skipulagshæfileika, geta unnið sjálfstætt og tekið frumkvæði
  
• Góða hæfni í mannlegum samskiptum
  
• Stundvísi og jákvæðni
  
• Mikla ábyrgðartilfinningu 
  
• Ánægju af því að vinna með og leiðbeina unglingum.

Flokkstjórar stjórna daglegu starfi vinnuflokka skólans og stuðla að reglusemi, ástundun og góðri umgengni starfsmanna. Flokkstjórar vinna með unglingunum og sýna þeim hvernig staðið skuli að verki og leiðbeina um notkun á áhöldum og tækjum.

Vinnutími er frá kl. 8:00-17:00 alla virka daga. 
STARFSMENN Í SLÁTTUGENGI

Starfið felst í slætti og umhirðu grænna svæða ásamt öðrum tilfallandi verkefnum í Þjónustumiðstöð.
Umsækendur þurfa að hafa verkvit og áhuga á útiveru, auk þess að vera sjálfstæðir í vinnubrögðum.

Starfstímabil er frá  síðla  maímánaðar og til síðari hluta ágústmánaðar. Vinnutími er frá kl. 8:00 til 17:00 virka daga.
Laun eru greidd samkvæmt kjarasamningi Sambands íslenskra sveitarfélaga og Starfsmannafélags Kjalar

Nánari upplýsingar um störfin veitir Jón Beck Agnarsson, verkstjóri Þjónustumiðstöðvar í síma 892-1189, og Ríkharður Hrafnkelsson, mannauðs- og launafulltrúi, í síma 433-8100, en einnig má beina fyrirspurnum á netfangið rikki@stykkisholmur.is.

Hægt er að sækja um á íbúagátt Stykkishólmsbæjar, en einnig má skila inn umsóknum á netfangið rikki@stykkisholmur.is.