Stækkun Leikskólans í Stykkishólmi - Útboð
Arkís arkitektar ehf. fyrir hönd Stykkishólmsbæjar óska eftir tilboðum í viðbyggingu við leikskólann í Stykkishólmi. Um er að ræða viðbyggingu við núverandi leikskóla sem er á einni hæð. Núverandi leikskóli er með þremur deildum og er nú verið að bæta við fjórðu deildinni. Verkefnið felst í því að fullbyggja nýju deildina að innan sem utan með innréttingum og öllum tilheyrandi frágangi og skila deildinni tilbúinni til notkunar.
Helstu stærðir eru:
- Grunnflötur viðbyggingar: 72 m² nettó.
- Gröftur 150 m³
- Fyllingar 95 m³
- Bendistál 4300 kg
- Steinsteypa 55 m³
- Mótafletir 437 m²
- Frágangur útveggja 160 m²
- Þakfrágangur 73 m²
- Innréttingar 14 stk.
- Loftaklæðningar 72 m²
- Gólfefni 72 m²
- Léttir veggir 23 m²
Verkinu skal að fullu lokið 28.02.2022.
Útboðsgögn verða afhent rafrænt með tölvupósti. Senda skal ósk um gögn á tölvupóstfangið arkis@ark.is með nafni fyrirtækis, heimilisfangi og síma.
Tilboðum skal skila í lokuðu umslagi á bæjarskrifstofu Stykkishólmsbæjar eigi síðar en mánudaginn 7. júní kl. 09:00 og verða þau opnuð að viðstöddum þeim bjóðendum sem þess óska.
